1/31/2023
Today from Hiiraan Online:  _
Wararka Maanta- Arbaco, Jun 15, 2022
Madaxweynaha Somaliland oo si adag uga hadlay ka bixitaan danjiraha Soomaaliya ee kulankii Nairobi
 

Arbaco, Juun, 15, 2022 (HOL) - Madaxweynaha Somaliland Muuse Biixi Cabdi, ayaa talaabada uu danjiraha Soomaaliya kaga baxay shirkii Nairobi joogitaanka wakiilka Somaliland awgeed, ku tilmaamay wax aan Somaliland qaban, wuxuuna sheegay in uu sugayo sida dowlada Soomaaliya uga jawaabto.

Madaxweynaha ayaa wax lala yaabo ku tilmaamay in danjire Tarsan uu shirka firaaqeeyo joogitaanka dibulumaasiyiinta Somaliland ee kulanka awgeed, madaxqeynuhu waxa uu sheegay in uu rajaynayay in Tarsan uu wakiilka Somaliland ee Nairobi Maxamed Axmed Hurre (Barwaani) salaamo oo uu dadka kale kasoo dhawaysto.

"Wuu baxay isaga oo leh anaga iyo Somaliland meel ma wada fadhiisan karno, waa arrin ugub ah intii Soomaaliyi jirtay, nin Soomaali ah oo meel fadhiya oo nin Soomaali ahi u yimid in uu salaamo oo ay dadka iska xigasadan mooyaane in uu dudo oo uu yidhaahdo meel la fadhiisan maayo xaajadaasi waa ugub " ayuu yidhi madaxweyne Biixi.

Madaxweynaha ayaa talaabada danjire Tarsan uu shirka kaga baxay ku tilmaamay arrin aan Somaliland qaban, waxa uu sheegay in uu ka war sugayo sida dowlada Soomaaliya uga jawaabto ficilka danjiraha.

"Waxan ka warsugayaa dowlada Xamar iyo Soomaaliya arrintaa waxay kaga jawaabaan, markaynu taa ogaano ayaynu ogaanaynaa in ay qof ku ekayd iyo in dareenku halkaaba ka taaganyahay, lakiin waa arrin mucjiso ah oo anay Somaliland sina u gayin, qaadana karin" ayuu yidhi madaxweyne Biixi.

Danjiraha Soomaaliya u fadhiya magaalada Nairobi ee caasimada Kenya Maxamed Axmed Nuur (Tarsan), ayaa si cadho leh uga baxay kulan qado ah oo uu madaxweynaha Kenya Uhuru Kenyatta la yeeshay danjirayaasha shisheeye ee Nairobi ku sugan maalintii Salaasada, kadib markii uu Kenyatta kulanka kusoo martiqaaday dibulumaasiyiinta Somaliland.

Abdilahi Geel-maal, Hiiraan Online
[email protected]












Click here
6/15/2022 2:11 PM EST
Maxaad ka taqaanaa ACIBADEM Healthcare Group? ACIBADEM Healthcare Group waxay adeegyada daryeelka caafimaadka kasoo bilowday cisbitaal xaafadeed oo ku yaalla degmo kamid ah magaalada Istanbuul ee dalka Turkiga. Maanta, ACIBADEM waxaa ay kamid tahay hoggaamiyayaasha daryeelka caafimaadka, waxaana ay leedahay 22 cisbitaal, 14 xarumuud oo loogu talagalay bukaan socodka iyo shirkadaha adeeg bixinta. Kobaca degdega ah ee Acıbadem ayaa horseeday in sannadkii 2012 ay heshiis iskaashi wadajireed la saxiixdaan IHH Healthcare, taas oo noo suurtagelisay inaan ka mid noqonno silsiladda labaad ee ugu weyn adduunka ee bixiya adeegyada daryeelka caafimaadka.

6/15/2022 12:29 PM EST
Arbaco, Juun, 15, 2022 (HOL) - Madaxweynaha Soomaaliya Xasan Sheikh Maxamuud ayaa muddo bil ah kadib doorashadiisii waxaa uu si rasmi ah xilka raysal wasaaraha Soomaaliya ugu magacaabay Xamse Cabdi Barre oo katirsan barlamaanka Soomaaliya iyo xisbigiisa UPD.

6/15/2022 11:32 AM EST
Arbaco, Juun, 15, 2022 (HOL) - Madaxweynaha dowladda federalka Soomaaliya Xasan Sheikh Maxamuud ayaa xilka raysal wasaaraha Soomaaliya u magacaabay Xamsa Cabdi Barre oo katirsanaa barlamaanka Soomaaliya.

6/15/2022 11:06 AM EST
Arbaco, Juun, 15, 2022 (HOL) - Guddoomiyaha xisbiga mucaaradka Somaliland ee Waddani, ayaa markale sheegay in madaxweyne Biixi aanu daacad ka ahayn qabashada doorashada madaxtooyada.

6/15/2022 10:42 AM EST
Arbaco, Juun, 15, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud Maanta ayaa kulan la qaatay Wakiillada Beesha Caalamka ee Soomaaliya oo ay ka wada hadleen xoojinta taageerada muhiimka ah oo ay siiyaan dowladda Soomaaliya.

6/15/2022 9:20 AM EST
Arbaco, Juun, 15, 2022 (HOL) - Ergeyga gaarka ah ee Madaxweynaha Soomaaliya u qaabilsan Arrimaha Bani'aadannimada iyo gurmadka Abaaraha Xildhibaan Cabdiraxmaan Cabdishakuur Warsame ayaa safar ku tagay magaalada Buuloburde ee gobolka Hiiraan.

6/15/2022 7:31 AM EST
Arbaco, Juun, 15, 2022 (HOL) - Abaalmarinta horumarinta Afrika ee loo yaqaano King Baudouin ee 2020-21 ayaa la guddoonsiiyay hay’adda Elman ee Somalia, iyadoo la aqoonsaday dadaalka ay kula dagaalamayso rabshadaha, sidoo kale xoojinta iyo kobcinta xirfadaha hoggaamineed ee haweenka iyo dhalinyarada Soomaaliyeed.

6/15/2022 7:02 AM EST
Arbaco, Juun, 15, 2022 (HOL) - Kooxda TPLF ayaa sheegtay inay diyaar u yihiin in wada hadal ay la galaan dowladda Itoobiya, taas oo ay dhex dhexaadinayso dowladda Kenya si loosoo afjaro colaadda Itoobiya iyo TPLF ee sannadka kor u dhaaftay.

6/15/2022 6:01 AM EST
Arbaco, Juun, 15, 2022 (HOL) - Taliyihii saldhigga Booliiska magaalada Qardho ee gobolka Karkaar ee Puntland, Cumar Hiiraad Kaatum ayaa saakay lagu dilay magaalada Qardho.

6/15/2022 5:05 AM EST
Arbaco, Juun, 15, 2022 (HOL) - Ciidanka Booliiska Somaliland, ayaa beeniyay in ciidanku xabad nool u isticmaalay bannaanbixii 9 Juun xisbiyada mucaaradku ku qabteen Hargaysa, taa badal keedana ciidanka lagu riday rasaas.

6/15/2022 3:36 AM EST
Arbaco, Juun, 15, 2022 (HOL) - Warar dheeraad ah ayaa kasoo baxaya weerar Bambaano oo Xalay lagu qaaday hoyga uu ka dagan yahay magaalada Muqdisho Xildhibaan Jabriil Cabdirashiid Xaaji oo ka tirsan Baarlamaanka Fedaraalka Soomaaliya.

6/15/2022 1:56 AM EST
Arbaco, Juun, 15, 2022 (HOL) - Wararka ka imaanaya gobolka Gedo ayaa sheegaya in diyaaradaha dagaalka Kenya ay saacadahii lasoo dhaafay duqeymo culus ka geysteen deegaano ka tirsan gobolka Gedo.

6/15/2022 1:10 AM EST
Arbaco, Juun, 15, 2022 (HOL) - Guddoomiyaha xisbiga mucaaradka Somaliland ee UCID Eng: Faysal Cali Waraabe, ayaa hadalkii uu madaxweyne Biixi ku sheegay in uu wada qabanayo doorashooyinka madaxtooyada iyo urrurada wax lagu qoslo ku tilmaamay.