3/28/2024
Today from Hiiraan Online:  _
Wararka Maanta- Axad, Jan 2 , 2022
Ciidamada Badbaado Hiiraan iyo kuwa Golaha Kacdoonka Hiiraan oo Caawa gudaha u galay magaalada Baledweyne
 

Axad, January, 2, 2022 (HOL) - Wararka ka imaanaya magaalada Baledweyne ee xarunta gobolka Hiiraan ayaa sheegaya in Caawa gudaha u galeen magaalada Baledweyne ciidamada la baxay Badbaado Hiiraan ee uu hoggaamiyo Korneyl Nuur Dheere iyo ciidamada Golaha Kacdoonka Hiiraan ee uu hoggaamiyo Jenaraal Abuukar Xuud oo iskaashanaya.

Ciidamadan Caawa lagu dhex arkay gudaha Baledweyne ayaa maanta gelinkii hore waxa uu dagaal ku dhexmaray iyaga iyo ciidamada dowladda Soomaaliya iyo kuwa maamulka Hirshabeelle deegaanka Qawlad ee dhaca duuleedka Waqooyi bari Baledweyne.

Imaashaha ciidankan Caawa gudaha usoo galay Baledweyne ayaa kusoo beegmaysa xili ciidankii dowladda iyo kuwa Hirshabeelle ee maanta kula dagaalamay deegaanka Qowlad aysan wali dib ugu soo laaban gudaha magaalada Baledweyne.

Muqaalo lagu soo bandhigay baraha bulshada ayaa lagu arkaayay Korneyl Nuur Dheere iyo ciidamadiisa oo dhex lugeynaya wadada laamiga ee halbowlaha u ah isku socodka magaalada Baledweyne.

Dadweyne farabadan oo taageersan ciidamadan kasoo horjeeda Hirshabeelle ee Caawa lagu dhex arkay gudaha Baledweyne ayaa isugu soo baxay wadooyinka magaalada Baledweyne.

Gabagabadii ciidankaan Caawa lagu dhex arkaayo gudaha magaalada Baledweyne ayaa waxay kusoo aadeysa xili galabta guddoomiyaha gobolka Hiiraan Cali Jeyte uu sheegay in magaalada Baledweyne Caawa Bandow tahay si loo xaqiijiyo amaanka magaalada Baledweyne.

Jamaal Cali Cabdi, Hiiraan Online












Click here
1/2/2022 6:59 AM EST
Axad, January, 2, 2022 (HOL) - Guddoomiyihii guddiga doorashooyinka Puntland Guuleed Saalax Barre ayaa shaaciyay inuu iska casilay xilkii isagoo sheegay inuu barlamaanka u gudbiyay warqad uu ku bannaynayo xilka uu hayay.

1/2/2022 6:56 AM EST
Axad, January, 2, 2022 (HOL) - Afhayeenka xisbiga Kulmiye Cabdinaasir Muxumed Xasan Buuni, oo ka jawaabay eedo uu guddoomiyaha xisbiga Waddani u jeediyay madaxweynaha Somaliland, ayaa sheegay in Xirsi uu ku ka cay sharci jabin.

1/2/2022 6:43 AM EST
Axad, January, 2, 2022 (HOL) - Madaxweyne ku xigeenka Puntland Axmed Karaaash ayaa baaq nabadeed kasoo saaray dagaal u dhaxeeya labo maleyshiyo beeleed oo haatan ka socda deegaannada Saax meygaag iyo Sange jebiye oo dhaca inta u dhaxeeysa Garowe iyo Bocame.

1/2/2022 6:36 AM EST
Axad, January, 2, 2022 (HOL) - Golaha Wakiilada Somaliland, ayaa madaxweyne Biixi dib ugu celiyay 14 kamid ah 18 masuul oo uu magacaabay muddo saddex bilood iyo badh ka hor ah.

1/2/2022 6:20 AM EST
Axad, January, 2, 2022 (HOL) - Banaanbaxyo waa weyn oo looga soo horjeedo maamulka Hirshabeelle ayaa ka soconaya gudaha magaalada Baledweyne ee xarunta gobolka Hiiraan.

1/2/2022 5:19 AM EST
Axad, January, 2, 2022 (HOL) - Ugu yaraan 6 qof ayaa ku geeriyooday 15 kalena way ku dhaawacmeen dagaal u dhaxeeya labo maleyshiyo beeleed oo ka socda deegaanno dhaca inta u dhaxaysa Garowe iyo Boocame.

1/2/2022 3:45 AM EST
Axad, January, 2, 2022 (HOL) - Dagaal aad u xoogan ayaa lasoo warinaya inuu haatan ku dhexmaraayo deegaanka lagu magacaabo Qowlad oo ilaa 12-KM dhinaca Waqooyi bari uga beegan magaalada Baledweyne ciidamada dowlada Soomaaliya, kuwa maamulka Hirshabeelle oo dhinac ah iyo ciidamo ka amar qaata Korneyl Nuur Dheere oo ka mid ahaa saraakiishii ciidanka la baxay Badbaado Hiiraan.

1/2/2022 2:04 AM EST
Axad, January, 2, 2022 (HOL) - Wasaaradda arrimaha gudaha Puntland ayaa joojisay dhaqangalka 6 Xubnood oo uu Duqa Degmada Buuhoodle u dhaariyey ka mid noqoshada Golaha Deegaanka Buuhoodle ee Gobolka Cayn.

1/2/2022 1:40 AM EST
Axad, January, 2, 2022 (HOL) - Kadib abaartii darnayd ee haleeshay deegaannada hoos taga maamulka Jubbaland, ayaa haatan maamulku wuxuu sheegay inuu dib u dajin u sameynayo dadkii abaartaas ay saameysay ee ku xoolo beelay.

1/2/2022 1:18 AM EST
Axad, January, 2, 2022 (HOL) - Ciidamo ka tirsan Kumaandooska Gorgor oo howlgalo ka sameeyay deegaano dhowr ah oo ka tirsan gobolka Sh/hoose ayaa sheegay iney gacanta kusoo dhigeen dagaalamayaal ka tirsan Al-shabaab.

1/2/2022 12:54 AM EST
Axad, January, 2, 2022 (HOL) - Wasiirka amniga Soomaaliya, Cabdullaahi Maxamed Nuur ayaa sheegay go’aan uu shalay soo saaray oo la xiriiray isbedelka ciidamada NISA ee ka howlgala Garoonka Aadan Cadde, inuu quseeyo kaliya Ciidamada dharcadda ah ee ka hawlgala Gudaha Garoonka Diyaaradaha (Terminal ka).