10/7/2022
Today from Hiiraan Online:  _
Wararka Maanta- Arbaco, Jan 12, 2022
Guddoomiyahii Guddiga Hirgelinta Doorashada Maamulka Galmudug oo xilkii laga qaaday
 

Arbaco, Janaayo, 12, 2022 (HOL) - Kulan aan horay loo sii shaacin oo ay isugu yimaadeen Maanta xubno ka tirsan guddiga hirgelinta doorashada maamulka Galmudug ayaa waxay xilka qaadis ku sameeyeen guddoomiyahii guddigaas Maxamed Daahir Guuleed.

Xubnaha guddiga doorashada Galmudug ee xilka qaadista ku sameeyay guddoomiyahii guddiga ayaa cod gacan taag ah xilkii uga qaaday, islamarkaana guddoomiye cusub waxay u doorteen xoghayahii hore ee guddiga doorashada Galmudug Maxamed Qaasim Maxamuud oo sidaas ku noqday guddoomiyaha cusub ee guddiga doorashada Galmudug.

Guddoomiyaha xilka qaadista lagu sameeyay Maxamed Daahir Guuleed ayaa dhankiisa been abuur ku tilmaamay xilka qaadista lagu sameeyay, islamarkaana aysan jirin wax kulan ah oo ay maanta isugu yimaadeen guddiga hirgelinta doorashada maamulka Galmudug.

Arintaan ayaa noqon karta caqabad hor leh oo kusoo korartay howlaha doorashooyinka oo loo balansan yahay in mudo kooban lagu soo gabagabeeyo doorashada Golaha Shacabka Baarlamaanka 11-aad ee dalka, waxaana xusid mudan in doorashadii ka dhacday Galmudug ee Golaha Shacabka ay aheyd mid lagu tilmaamay xulasho oo aad looga cabasho looga muujiyay.

Hoos ka akhriso qoraalka Guddiga Hirgelinta Doorashada Galmudug.


Jamaal Cali Cabdi, Hiiraan Online












Click here
1/12/2022 4:08 PM EST
Arbaco, January, 12, 2022 (HOL) - 42 dhalinyaro reer Somaliland ah oo dowlada Soomaaliya kasoo daysay xabsiyada dalka Liibiya oo ay ku xidhnaayeen kadib markii ay isku dayeen tahriib, ayaa markii ay Hargaysa soo gaadheen sheegay in qasab Xamar looga dajiyay, laguna qasbay in ay warbaahinta la hadlaan.

1/12/2022 10:17 AM EST
Arbaco, Janaayo, 12, 2022 (HOL) - Afhayeenka ciidamada Booliiska Soomaaliyeed Cabdifataax Xasan Aadan oo ka hadlay qaraxii Ismiidaaminta ahaa maanta ka dhacay wadada 21-ka Oktoobar degmada Waabari ee magaalada Muqdisho ayaa sheegay in qaraxii maanta uu geystay khasaare kala duwan oo dhimasho , dhaawac iyo burbur hantiyadeed isugu jira.

1/12/2022 6:44 AM EST
Arbaco, Janaayo, 12, 2022 (HOL) - Faahfaahino dheeraad ah ayaa kasoo baxaya qarax Ismiidaamin ah oo maanta ka dhacay wadada 21-ka Oktoobar agagaarka xerada Afisyooni degmada Waabari ee magaalada Muqdisho.

1/12/2022 4:47 AM EST
Arbaco, Janaayo, 12, 2022 (HOL) - Qarax aad u xoogan oo jugtiisa laga maqlay inta badan degmooyinka gobolka Banaadir ayaa goordhaw ka dhacay wadada 21-ka Oktokbar degmada Waabari ee magaalada Muqdisho.

1/12/2022 3:52 AM EST
Arbaco, Janaayo, 12, 2022 (HOL) - Wasiirka amniga Soomaaliya Cabdullaahi Maxamed Nuur ayaa soo saaray qoraal uu ku farayo taliska booliiska Soomaaliya iyo taliska booliiska gobolka Banaadir in ay sugaan amniga isisoo bax Muqdisho ay ku qabanayaan gole la magac baxay golaha badbaadada Banaadir.

1/12/2022 3:17 AM EST
Arbaco, Janaayo, 12, 2022 (HOL) - Waxaa xalay ilaa shalay magaalada Muqdisho siyaabo kala duwan loogu dilay ilaa 6 dhalinyaro ah oo aanan waxba galabsan.

1/12/2022 1:47 AM EST
Arbaco, Janaayo, 12, 2022 (HOL) - Dowladda Soomaaliya ayaa saakay dalka dib ugusoo celisay 97 dhallinyaro ah oo muddo sanado ah ku xirnaa xabsiyo kuyaalla dalka Libya.

1/12/2022 1:00 AM EST
Arbaco, Janaayo, 12, 2022 (HOL) - Wasaaradda arrimaha dibadda Maraykanka ayaa sheegtay in ay diyaar u tahay in ay qaado tallaabo kasta oo ka dhan ah dib udhaca doorashada oo ay ku jiraan in ay xayiraad kusoo rogaan kuwa masuulka ka ah falalka wax u dhimaya hufaanka iyo geeddi socodka doorashada.

1/12/2022 12:45 AM EST
Arbaco, Janaayo, 12, 2022 (HOL) - Jawhar Maxamed iyo Baqale Gerba oo kamid ah xisbiga OFC ee Oromo ee dhawaan xabsiga laga siidaayay, oo shir jaraa'id qabtay ayaa dowladda Itooboya ka codsaday, in xal nabadeed laga gaaro colaadda Itoobiya, isla markaana dowladda iyo TPLF miiska wada hadalka isugu yimaaddaan.