5/25/2022
Today from Hiiraan Online:  _
Wararka Maanta- Isniin, Jan 10, 2022
Puntland oo kala qaaday maleyshiyo beeleedkii ku dagaalamay Saax maygaag
 

Isniin, Janaayo, 10, 2022 (HOL) - Guddi nabadayn ah oo Puntland u xilsaartay colaadda Saax maygaag iyo Sange jebiye ayaa ku guulaystay in ay kala qaadaan labadii maleyshiyo beeleedkii ee isku horfadhiyay deegaannadii dhowaan lagu dagaalamay.

Guddiga  nabadaynta ayaa sheegay in ay masaafo 30km  dib u durkiyeen malayshiyada, si looga hortago isku dhac kale oo dhex mari kara labada dhinac.

Deegaannada laga saaray maleyshiyo beeleedka ayaa la geynayaa ciiddamo katirsan maamulka Puntland  si ay u xoojiyaan nabada, iyadoo laga ambaqaadayo go'aannadii nabadeed ee dhawaan la dhex dhigay labada beel ee walaalaha ah.

Ugu yaraan 20 qof ayaa ku geeriyooday dagaalkii dhawaan ka dhacay deegaanka Saax maygaag, dagaalkaas oo salka ku hayay muran ka dhashay deegaamaynta Saax maygaag.

Abdiweli M. Sheikh, Hiiraan Online












Click here
1/10/2022 3:03 PM EST
Isniin, January, 10, 2022 (HOL) - Guddoomiyaha Xisbiga Waddani Xirsi Cali Xaaji Xasan, ayaa cambaareeyay isku day uu maamulka gobolka Togdheer ku doonayay in ay ku joojiyo, shir madaxda xisbigu ay la lahaayeen qaybo kamid ah bulshada reer Burco.

1/10/2022 10:51 AM EST
Isniin, Janaayo, 10, 2022 (HOL) - Maxkamada Ciidamada Qalabka Sida qeybta 27-aad ayaa maanta xukun dil toogasho ah waxay ku fulisay askari ka tirsanaa ciidamada dowladda Soomaaliya, kaasoo horay ugu dilay qof shacab ahaa degmada Luuqa ee gobolka Gedo.

1/10/2022 6:49 AM EST
Isniin, Janaayo, 10, 2022 (HOL) - Xafiiska Qaramada Midoobay ee Soomaaliya ayaa soo dhoweeyay in golaha wadatashiga qaran ay heshiis ku gaareen hannaanka doorashada iyo dardar gelinta doorashada Golaha Shacabka.

1/10/2022 1:57 AM EST
Isniin, Janaayo, 10, 2022 (HOL) - Ciidamada Booliiska Puntland ayaa sheegay inay gacanta kusoo dhigeen dadkii ka dambeeyay dil xalay magaalada Garowe loogu geystay wiil dhalinyaro ah oo katirsanaa shaqaalaha dowladda hoose ee Garowe.

1/10/2022 12:40 AM EST
Isniin, Janaayo, 10, 2022 (HOL) - Afhayeenka Xisbiga Kulmiye Cabdinaasir Muxumed Xasan Buuni, oo waraysi siiyay HCTV, ayaa sheegay in furista ururrada siyaasadu ay tahay arrin qaanuuni ah oo aan la dhaafi karin.

1/10/2022 12:31 AM EST
Isniin, Janaayo, 10, 2022 (HOL) - Golaha Midowga Musharaxiinta madaxweynaha Soomaaliya ayaa war qoraal ah oo ay soo saareen waxa ay kusoo dhaweeyeen War murtiyeedkii kasoo baxay shirkii Golaha Wadatashiga Qaranka ee Shalay galinkii dambe lagu soo gabagabeeyay magaalada Muqdisho.

1/10/2022 12:26 AM EST
Isniin, Janaayo, 10, 2022 (HOL) - Warar dheeraad ah ayaa laga helaya dagaal xoogan oo khasaare badan dhaliyay oo Al-shabaab iyo ciidamo ka tirsan dowladda Soomaaliya iyo kuwa Galmudug ku dhexmaray deegaanka lagu magacaabo Cadakibir.