3/28/2024
Today from Hiiraan Online:  _
Wararka Maanta- Axad, Feb 6 , 2022
Korneyl Nuur Dheere "Cali Guudlaawe Imaashahiisa Baledweyne Dhimasho ayaan ka xigna"

Axad, Febraayo, 6, 2022 (HOL) - Iyadoo saacadii ugu dambeeyay ay isa soo tarayeen wararka ku aadan in si xoog ah Maanta lagu geynayo magaalada Baledweyne madaxweynaha Hirshabeelle Cali Guudlaawe ayaa waxaa arintaasi si kulul uga hadlay Korneyl Nuur Dheere oo ah hoggaaminaya ciidamada Kacdoonka ee ku sugan Baledweyne.

Korneyl Nuure oo warbaahinta kula hadlay gudaha magaalada Baledweyne ayaa sheegay inuu uga digayo Cali Guudlaawe inuu Maanta yimaado magaalada Baledweyne, islamarkaana haduu yimaado ay la dagaalami doonaan.

"Ciidankan Kacdoonka ee mudada halka sano ah diidana in Cali Guudlaawe uu yimaado Baledweyne wali way joogaan waxaana u sheegaya Cali Guudlaawe inuusan qaadan beenta ay u sheegayaan kuwa leh maalin walba xoog ayaan kugu geyneyna Baledweyne, dhimasho ayaan ka xignaa inuu Baledweyne yimaado Cali Guudlaawe, mana jirto wax heshiis ah oo dhexmaray Cali Guudlaawe iyo Xawaadle " ayuu yiri Korneyl Nuur Dheere.

Waxuu intaasi ku daray hadalkiisa in magaalada Baledweyne ay imaan karaan madaxda kasocota dowladda Fedaraalka, hayeeshee aysan marnaba suurta gal aheyn inuu Cali Guudlaawe yimaado Baledweyne.

Si kastaba ha ahaatee waxaa saakay shacabka ku dhaqan Baledweyne ay kusoo tooseen ciidamo aad u farabadan oo ka tirsan dowladda Soomaaliya oo xirtay wadooyinka ugu muhiimsan isku socodka magaalada Baledweyne, mana jirto xafa qof shacab ah oo wadooyinkaasi isticmaali kara, waxaana qorshuhu yahay in si qasab ah Maanta lagu keeno Baledweyne Cali Guudlaawe.

Shacab farabadan oo usoo kalahay iney u shaqo tagaan goobahooda ganacsiga ayaa si raxanraxan ah u taagan meelaha ay ka xiran yihiin wadooyinka gaar ahaan labada Buundo ee Buundaweyn iyo Liqliqato, waxayna dadka saakay ku qaxweynayaan madaxweyne diidan in la socdo oo isticmaalaya awood ciidan maxay soo kordhineysa imaashahiisa.

Xaalada Baledweyne ayaa laga cabsi qaba iney ka dhacaan dagaalo u dhaxeeya ciidamada dowladda oo doonaya iney si xoog ah ku keenaan Baledweyne Cali Guudlaawe iyo ciidamada Kacdoonka Hiiraan ee uu hoggaamiyo Korneyl Nuur Dheere oo diidan imaashaha Guudlaawe.

Jamaal Cali Cabdi, Hiiraan Online












Click here
2/6/2022 10:38 AM EST
Axad, Febraayo, 6, 2022 (HOL) - Madaxweynaha maamulka Hirshabeelle Cali Guudlaawe Xuuseen oo Maanta si xoog ah lagu geeyay magaalada Baledweyne oo ka hadlaayay munaasabad soo dhaweyn ah oo loogu sameey gudaha magaalada Baledweyne ayaa ka hadlay tabashada maamulkiisa ay ka qabaan shacabka reer Hiiraan oo mudo hal sano ah u diidana inuu tago Baledweyne.

2/6/2022 4:34 AM EST
Axad, Febraayo, 6, 2022 (HOL) - Madaxweynaha Soomaaliya Maxamed C/llaahi Farmaajo ayaa sheegay in dowladdiisu guulo ka gaartay dagaalka Al-Shabaab, xilli uu khudbad ka jeedinayay shir madaxeedka Midowga Afrika ee ka dhacay magaalada Addis Ababa ee dalka Itoobiya.

2/6/2022 4:28 AM EST
Axad, Febraayo, 6, 2022 (HOL) - Waxaa goordhaw soo caga dhigatay garoonka diyaaradaha Ugaas khaliif ee magaalada Baledweyne diyaarad uu saarana madaxweyanaha maamulka Hirshabeelle Cali Guudlaawe oo mudo sanadka ah loo diidana inuu tago Baledweyne ee xarunta gobolka Hiiraan.

2/6/2022 3:14 AM EST
Axad, Febraayo, 6, 2022 (HOL) - Ciidamada Golaha Kacdoonka Hiiraan ee kasoo horjeeda imaashaha Cali Guudlaawe ee magaalada Baledweyne ayaa weerar loo adeegaaday madaafiic ah waxay ku qaadeen garoonka diyaaradaha Ugaas Khaliif ee Baledweyne oo wararku sheegayaan in Maanta uu ka dagayo madaxweynaha Hirshabeelle Cali Guudlaawe.

2/6/2022 12:57 AM EST
Axad, Febraayo, 6, 2022 (HOL) - Fanaanadii caanka ahayd ee Soomaaliyeed Xaliimo Maxamed Axmed (Xaliimo Gobaad) ayaa si rasmi ah u shaacisay inay isaga baxday guud ahaan arrimaha fanka.

2/6/2022 12:13 AM EST
Axad, Febraayo, 6, 2022 (HOL) - Jeneraal Abuukar Xaaji warsame Xuud ayaa dalbaday in si degdeg ah looga saaro ciidamada gudaha loosoo galiyay magaalada Baladweyne, isagoo sheegay wixii ka dhasha inuu qaadayo madaxweynaha Hirshabeelle.

2/6/2022 12:05 AM EST
Axad, Febraayo, 6, 2022 (HOL) - 3 caruur ah oo da'doodu u dhaxayso sannad ilaa 8 sanno jir, ayaa geeriyooday, kadib markii uu dab qabsaday gurigooda oo ku yaala magaalada Borama, ee gobolka Awdal ee Somaliland.