9/30/2022
Today from Hiiraan Online:  _
Wararka Maanta- Isniin, Feb 21, 2022
Guddiga Doorashooyinka Heer Fedaraal oo Shaaciyay iney hakiyeen sadax kursi uu ku jiro kursiga Fahad Yaasiin
 

Isniin, Febraayo, 21, 2022 (HOL) - Guddoomiyaha guddiga doorashooyinka heer Fedaraal Muuse Geelle Yuusuf oo goordhaw shir jaraa'id ku qabtay magaalada Muqdisho ayaa sheegay iney hakiyeen doorashada sadax kursi oo ka mid ah kuraasta Golaha Shacabka.

Kuraasta guddoomiyaha guddiga doorashada uu shaaciyay iney hakiyeen ayaa kala ah HOP154, HOP 103 iyo HOP 086, oo ahaa kursigii uu shalay ku soo baxay La taliyaha amniga qaranka ee Madaxweynaha muddo xileddkiisa dhamaaday ee Farmaajo, Fahad Yaasiin Xaaji Daahir.

Kuraasta kale ee kala ah HOP 154, oo ay ku soo baxday Xildhibaan Sareedo Maxamed Cabdalla ayuu guddigu sheegay in aan loo marin habraacii saxda ahaa, maadaama gabadha la tartantay aysan da’deeda gaar siisneen 25 sano jir iyo Kursigii guddoomiye Jawaari ku fadhiyay ee HOP 103, ayaa isna ka mid ah sadaxda kursi ee la hakiyay.

“Kuraastaan oo habraacoodii khaldamay, kuna toosneyn sidii loogu tala galay dib ayaa looga fiirsanaya, inta ka horeysana waa la joojiyay oo sidooda ayey ahaanayaan,” ayuu yiri Guddoomiyaha guddiga doorashooyinka heer federaal.

Shalay ayay aheyd markii guddiga doorashada heer Fedaraal ay shaaciyeen inuusan waxba iska badalin go'aankii ay ku hakiyeen kursiga 086, oo uu shalay kuso baxay Fahad Yaasiin.

Xubnaha Guddiga Doorashooyinka ee ka soo jeeda maamulada Hirshabeele, Koonfur Galbeed iyo Galmudug ayaa wada abaabulka talaabo ay kaga jawaabayaan go'aanka kasoo baxay guddoomiyaha guddiga doorashada heer Fedaraal Muuse Geelle Yuusuf.



Jamaal Cali Cabdi, Hiiraan Online












Click here
2/21/2022 9:29 AM EST
Isniin, Febraayo, 21, 2022 (HOL) - Madaxweynaha Jamhuuriyada Jabuuti Ismaaciil Cumar Geelle, ayaa qasriga Madaxtooyada Jabuuti ku qaabilay waftigii uu hogaaminayay madaxweynaha Somaliland Muuse Biixi Cabdi, waxayna labada dhinac ka wada hadleen xoojinta xidhiidhka, fududaynta isu-socodka iyo ganacsiga.

2/21/2022 7:08 AM EST
Isniin, Febraayo, 21, 2022 (HOL) - Kooxda Alshabaab ayaa sheegtay masuuliyadda qarax maanta lagu weeraray kolonyo ciidan oo galbinaysay madaxweynaha Puntland Siciid Cabdullaahi Deni, xilli madaxweynaha iyo wafdi la socday ay gudaha usii galayeen magaalada Boosaaso.

2/21/2022 6:13 AM EST
Isniin, Febraayo, 21, 2022 (HOL) - Kolonyo ciiddan oo galbinaysay Madaxweynaha Puntland Siciid Cabdullaahi Deni, ayaa lagu weeraray Qarax miino, iyagoo sii galayay magaalada Boosaaso.

2/21/2022 4:46 AM EST
Isniin, Febraayo, 21, 2022 (HOL) - Xukuumada Taiwan, ayaa Somaliland ku wareejisay gargaar lacageed oo dhan $500,000 oo ay kaga qayb qaadanayso gargaarka dadka abaaruhu saameeyeen ee reer Somaliland.

2/21/2022 4:42 AM EST
Isniin, Febraayo, 21, 2022 (HOL) - Xeer ilaaliyaha guud ee Soomaaliya, Suleymaan Maxamed ayaa guddi xeer ilaaliyayaal ah u magacaabay, si baaris loogu sameeyo, tallaabada ku habboona looga qaato heshiiskii shidaalka ee uu saxiixay wasiirka batroolka iyo macdanta Soomaaliya.

2/21/2022 4:17 AM EST
Isniin, Febraayo, 21, 2022 (HOL) - Saddexdii xildhibaan ee ugu dambeeyay ee doorashada xildhibaannada gobollada Waqooyi ee golaha Shacabka, ayaa maanta doorashadooda lagusoo gabagabeeyay magaalada Muqdisho.

2/21/2022 3:07 AM EST
Axad, Febraayo, 21, 2022 (HOL) - Madaxweynaha Somaliland Muuse Biixi Cabdi iyo wafti uu hogaaminayo, ayaa saaka safar ugu ambo baxay Jamhuuriyada Jabuuti.

2/21/2022 12:57 AM EST
Isniin, Febraayo, 21, 2022 (HOL) - Waxaa Maanta lagu wadaa in magaalada Muqdisho ay ka dhacdo doorashada sadax kursi oo ka mid ah kuraasta Golaha Shacabka Baarlamaanka Soomaaliya ee deegaan doorashadoodu tahay gobolada Waqooyi ee Soomaaliland.

2/21/2022 12:41 AM EST
Isniin, Febraayo, 21, 2022 (HOL) - Guddiga doorashooyinka heer Fedaraal ayaa ka horyimid natiijada doorashadii kursiga HOP 086, kaasoo shalay doorashadiisa oo ka dhacday Baledweyne uu kusoo baxay Fahad Yaasiin Xaaji Daahir.

2/21/2022 12:35 AM EST
Isniin, Febraayo, 21, 2022 (HOL) - Madaxweynaha Puntland Siciid Deni ayaa ku tilmaamay heshiiskii shidaal baarista ah ee uu saxiixay wasiir kamid ah dowladda federalka, inuu yahay heshiis halis ku ah qaranimada Soomaaliya.

2/21/2022 12:30 AM EST
Isniin, Febraayo, 21, 2022 (HOL) - Guddiga hirgelinta doorashada maamulka Hirshabeelle ayaa soo saaray jadwalka doorashada 7 kursi oo ka mid ah kuraasta Golaha Shacabka Baarlamaanka Fedaraalka Soomaaliya ee deegaan doorashadoodu tahay Baledweyne.