9/30/2022
Today from Hiiraan Online:  _
Wararka Maanta- Isniin, Feb 21, 2022
Madaxweynaha Jabuuti oo qaabilay waftigii uu hogaaminayay madaxweynaha Somaliland

Isniin, Febraayo, 21, 2022 (HOL) - Madaxweynaha Jamhuuriyada Jabuuti Ismaaciil Cumar Geelle, ayaa qasriga Madaxtooyada Jabuuti ku qaabilay waftigii uu hogaaminayay madaxweynaha Somaliland Muuse Biixi Cabdi, waxayna labada dhinac ka wada hadleen xoojinta xidhiidhka, fududaynta isu-socodka iyo ganacsiga.

Qoraal ay soo saartay Madaxtooyada Somaliland ayaa lagu yidhi "Kulanka labada madaxweyne, ayaa lagaga wada hadlay xoojinta xidhiidhka soo jireenka ah ee labada dal, fududaynta isu-socodka iyo ganacsiga ka dhexeeya labada shacbi, ee walaalaha iyo deriskaba ah".

Madaxweynaha Somaliland, ayaa Jabuuti ku joogi doona safar qaadan doono maalmo, sida lagu sheegay qoraal ay baahisay Madaxtooyada Somaliland.

Madaxweyne Biixi ayaa waxaa kulanka ku wehelinaya, saddex wasiir oo kala ah, Wasiirka Warfaafinta Dhaqanka iyo Wacyigalinta Saleebaan Yuusuf Cali Koore, Wasiirka Arrimaha Guddaha Maxamed Kaahin Axmed iyo Wasiirka Ganacsiga iyo Warshadaha Maxamuud Xasan Saajin.

Dhinaca Jamhuuriyadda Jabuutina waxa ku wehelinaayey Wasiirka Arrimaha Gudaha, Mudane Siciid Nuux Xasan, wasiirka Ganacsiga Mudane Maxamed Warsame Diiriye, Wasiirka Warfaafinta dhaqanka iyo Isgaadhsiinta, Mudane Ridwaan Cabdilaahi Bahdoon iyo Agaasimaha Guud ee Madaxtooyada Almis Maxamed Cabdilaahi, sida lagu sheegay qoraalka Madaxtooyada Somaliland.

Abdilahi Geel-maal, Hiiraan Online
[email protected]












Click here
2/21/2022 10:16 AM EST
Isniin, Febraayo, 21, 2022 (HOL) - Guddoomiyaha guddiga doorashooyinka heer Fedaraal Muuse Geelle Yuusuf oo goordhaw shir jaraa'id ku qabtay magaalada Muqdisho ayaa sheegay iney hakiyeen doorashada sadax kursi oo ka mid ah kuraasta Golaha Shacabka.

2/21/2022 7:08 AM EST
Isniin, Febraayo, 21, 2022 (HOL) - Kooxda Alshabaab ayaa sheegtay masuuliyadda qarax maanta lagu weeraray kolonyo ciidan oo galbinaysay madaxweynaha Puntland Siciid Cabdullaahi Deni, xilli madaxweynaha iyo wafdi la socday ay gudaha usii galayeen magaalada Boosaaso.

2/21/2022 6:13 AM EST
Isniin, Febraayo, 21, 2022 (HOL) - Kolonyo ciiddan oo galbinaysay Madaxweynaha Puntland Siciid Cabdullaahi Deni, ayaa lagu weeraray Qarax miino, iyagoo sii galayay magaalada Boosaaso.

2/21/2022 4:46 AM EST
Isniin, Febraayo, 21, 2022 (HOL) - Xukuumada Taiwan, ayaa Somaliland ku wareejisay gargaar lacageed oo dhan $500,000 oo ay kaga qayb qaadanayso gargaarka dadka abaaruhu saameeyeen ee reer Somaliland.

2/21/2022 4:42 AM EST
Isniin, Febraayo, 21, 2022 (HOL) - Xeer ilaaliyaha guud ee Soomaaliya, Suleymaan Maxamed ayaa guddi xeer ilaaliyayaal ah u magacaabay, si baaris loogu sameeyo, tallaabada ku habboona looga qaato heshiiskii shidaalka ee uu saxiixay wasiirka batroolka iyo macdanta Soomaaliya.

2/21/2022 4:17 AM EST
Isniin, Febraayo, 21, 2022 (HOL) - Saddexdii xildhibaan ee ugu dambeeyay ee doorashada xildhibaannada gobollada Waqooyi ee golaha Shacabka, ayaa maanta doorashadooda lagusoo gabagabeeyay magaalada Muqdisho.

2/21/2022 3:07 AM EST
Axad, Febraayo, 21, 2022 (HOL) - Madaxweynaha Somaliland Muuse Biixi Cabdi iyo wafti uu hogaaminayo, ayaa saaka safar ugu ambo baxay Jamhuuriyada Jabuuti.

2/21/2022 12:57 AM EST
Isniin, Febraayo, 21, 2022 (HOL) - Waxaa Maanta lagu wadaa in magaalada Muqdisho ay ka dhacdo doorashada sadax kursi oo ka mid ah kuraasta Golaha Shacabka Baarlamaanka Soomaaliya ee deegaan doorashadoodu tahay gobolada Waqooyi ee Soomaaliland.

2/21/2022 12:41 AM EST
Isniin, Febraayo, 21, 2022 (HOL) - Guddiga doorashooyinka heer Fedaraal ayaa ka horyimid natiijada doorashadii kursiga HOP 086, kaasoo shalay doorashadiisa oo ka dhacday Baledweyne uu kusoo baxay Fahad Yaasiin Xaaji Daahir.

2/21/2022 12:35 AM EST
Isniin, Febraayo, 21, 2022 (HOL) - Madaxweynaha Puntland Siciid Deni ayaa ku tilmaamay heshiiskii shidaal baarista ah ee uu saxiixay wasiir kamid ah dowladda federalka, inuu yahay heshiis halis ku ah qaranimada Soomaaliya.

2/21/2022 12:30 AM EST
Isniin, Febraayo, 21, 2022 (HOL) - Guddiga hirgelinta doorashada maamulka Hirshabeelle ayaa soo saaray jadwalka doorashada 7 kursi oo ka mid ah kuraasta Golaha Shacabka Baarlamaanka Fedaraalka Soomaaliya ee deegaan doorashadoodu tahay Baledweyne.