9/30/2022
Today from Hiiraan Online:  _
Wararka Maanta- Isniin, Feb 21, 2022
Guddiga Doorashada heer Fedaraal oo ka horyimid Natiijada Doorashada Fahad Yaasiin
 

Isniin, Febraayo, 21, 2022 (HOL) - Guddiga doorashooyinka heer Fedaraal ayaa ka horyimid natiijada doorashadii kursiga HOP 086, kaasoo shalay doorashadiisa oo ka dhacday Baledweyne uu kusoo baxay Fahad Yaasiin  Xaaji Daahir.

War qoraal ah oo kasoo baxay guddiga doorashada ayay ku shaaiyeen natiijada hordhaca aheyd ee kuraastii shalay Baledweyne lagu doortay, iyagoona ka  reebay kursiga tirsigiisu yahay HOP 086, oo ahaa kursiga lixaad ee kuraastii Baledweyne lagu doortay.

"Natiijada Hordhaca ah ee Doorashada 5-tii kursi ee maanta lagu qabtay Magaalada Beledweyne ee deegaan Doorashada 2aad ee Hirshabelle, waxaa ku soo baxay: F.G: Guddiga Hirgalinta Doorashooyinka Heer Federaal (FEIT) waxba iskama badalin go'aankii ay ku hakiyeen kursiga HOP#086, sidaasi darteed waa waxba kama jiraan natiijada talaabadii maanta lagu baalmaray" ayaa lagu yiri qoraalka kasoo baxay guddiga doorashada heer Fedaraal.

Hakinta natiijada kursiga HOP 086, ayaa imaanaya xili maamulka Hirshabelle ay horey ugu gacan sayreen qoraal kasoo baxay guddiga doorashooyinka heer federal oo ahaa mid lagu hakiyey doorashada kursiga HOP 086, kadibna ay doorashadiisa shalay qabteen.

Qoraalkaan kasoo baxay guddiga doorashada heer Fedaraal ayaa imaanaya xili dhawaan qoraal ay si wadajir ah ugu saxiixnayeen guddoomiyaha guddiga, ku xigeenkiisa iyo xoghaya ay ku sheegeen in ciwaanadii guddiga ay ka maqan yihiin gacantooda, iyadoo markaas kadibna aysan sheegin iney dib ula soo wareegeen ciwaanadii guddiga, mana la ogo ilaa hada cida sida rasmiga ah u maamuleysa boggagii guddiga.



Jamaal Cali Cabdi, Hiiraan Online












Click here
2/21/2022 10:16 AM EST
Isniin, Febraayo, 21, 2022 (HOL) - Guddoomiyaha guddiga doorashooyinka heer Fedaraal Muuse Geelle Yuusuf oo goordhaw shir jaraa'id ku qabtay magaalada Muqdisho ayaa sheegay iney hakiyeen doorashada sadax kursi oo ka mid ah kuraasta Golaha Shacabka.

2/21/2022 9:29 AM EST
Isniin, Febraayo, 21, 2022 (HOL) - Madaxweynaha Jamhuuriyada Jabuuti Ismaaciil Cumar Geelle, ayaa qasriga Madaxtooyada Jabuuti ku qaabilay waftigii uu hogaaminayay madaxweynaha Somaliland Muuse Biixi Cabdi, waxayna labada dhinac ka wada hadleen xoojinta xidhiidhka, fududaynta isu-socodka iyo ganacsiga.

2/21/2022 7:08 AM EST
Isniin, Febraayo, 21, 2022 (HOL) - Kooxda Alshabaab ayaa sheegtay masuuliyadda qarax maanta lagu weeraray kolonyo ciidan oo galbinaysay madaxweynaha Puntland Siciid Cabdullaahi Deni, xilli madaxweynaha iyo wafdi la socday ay gudaha usii galayeen magaalada Boosaaso.

2/21/2022 6:13 AM EST
Isniin, Febraayo, 21, 2022 (HOL) - Kolonyo ciiddan oo galbinaysay Madaxweynaha Puntland Siciid Cabdullaahi Deni, ayaa lagu weeraray Qarax miino, iyagoo sii galayay magaalada Boosaaso.

2/21/2022 4:46 AM EST
Isniin, Febraayo, 21, 2022 (HOL) - Xukuumada Taiwan, ayaa Somaliland ku wareejisay gargaar lacageed oo dhan $500,000 oo ay kaga qayb qaadanayso gargaarka dadka abaaruhu saameeyeen ee reer Somaliland.

2/21/2022 4:42 AM EST
Isniin, Febraayo, 21, 2022 (HOL) - Xeer ilaaliyaha guud ee Soomaaliya, Suleymaan Maxamed ayaa guddi xeer ilaaliyayaal ah u magacaabay, si baaris loogu sameeyo, tallaabada ku habboona looga qaato heshiiskii shidaalka ee uu saxiixay wasiirka batroolka iyo macdanta Soomaaliya.

2/21/2022 4:17 AM EST
Isniin, Febraayo, 21, 2022 (HOL) - Saddexdii xildhibaan ee ugu dambeeyay ee doorashada xildhibaannada gobollada Waqooyi ee golaha Shacabka, ayaa maanta doorashadooda lagusoo gabagabeeyay magaalada Muqdisho.

2/21/2022 3:07 AM EST
Axad, Febraayo, 21, 2022 (HOL) - Madaxweynaha Somaliland Muuse Biixi Cabdi iyo wafti uu hogaaminayo, ayaa saaka safar ugu ambo baxay Jamhuuriyada Jabuuti.

2/21/2022 12:57 AM EST
Isniin, Febraayo, 21, 2022 (HOL) - Waxaa Maanta lagu wadaa in magaalada Muqdisho ay ka dhacdo doorashada sadax kursi oo ka mid ah kuraasta Golaha Shacabka Baarlamaanka Soomaaliya ee deegaan doorashadoodu tahay gobolada Waqooyi ee Soomaaliland.

2/21/2022 12:35 AM EST
Isniin, Febraayo, 21, 2022 (HOL) - Madaxweynaha Puntland Siciid Deni ayaa ku tilmaamay heshiiskii shidaal baarista ah ee uu saxiixay wasiir kamid ah dowladda federalka, inuu yahay heshiis halis ku ah qaranimada Soomaaliya.

2/21/2022 12:30 AM EST
Isniin, Febraayo, 21, 2022 (HOL) - Guddiga hirgelinta doorashada maamulka Hirshabeelle ayaa soo saaray jadwalka doorashada 7 kursi oo ka mid ah kuraasta Golaha Shacabka Baarlamaanka Fedaraalka Soomaaliya ee deegaan doorashadoodu tahay Baledweyne.