3/28/2024
Today from Hiiraan Online:  _
Wararka Maanta- Isniin, Apr 18, 2022
Sirdoonka bariga Afrika oo kala saxiixday heshiiska dhanka ah kooxda argigixisada

Isniin, April, 18, 2022 (HOL) - Hay’adaha Sirdoonka Milliteriga ee Bariga Afrika ayaa shir ku yeeshay Caasimadda dalka Ethiopia ee Addis Abeba, kaasi oo ay kaga wada-tashanayeen Ammaanka Gobalka, Argagixisadda iyo arrimo kale.

Shirkaan oo ay ka soo qeyb galeen dalalka Ethiopia, Djibouti, Sudan, South Sudan, Somalia, Tanzania iyo Uganda ayaa waxa ay carabka ku adkeeyeen baahida loo qabo feejignaanta joogtada ah iyo dadaalada wadajirka ah ee wadamada gobolka si loola dagaalamo caqabadaha amniga.

Sida lagu sheegay war qoraal ah oo ay Axaddii soo saartay wasaaradda gaashaandhigga Itoobiya, hay’adaha milaterigu waxay saxeexeen heshiis is-afgarad ah oo si wadajir ah loola dagaallamo argagixisada iyo ka hortagga xoogagga nabad-diidka ah ee khatarta ku ah nabadda iyo ammaanka gobolka.

Dhanka kale, hay’adaha sirdoonka milateriga ayaa isku raacay in si wadajir ah looga wada shaqeeyo amniga xuduudaha, amniga internetka, baraha bulshada, ilaalinta deegaanka iyo shaqo la’aanta dhalinyarada, iyo kuwo kale si loo abuuro “Afrika nabad iyo amni ah.

Abdiweli M. Sheikh, Hiiraan Online












Click here
4/18/2022 2:00 PM EST
Isniin, April, 18, 2022 (HOL) - Koox ku hubaysan bistoolado ayaa magaalada Muqdisho ku dilay Allaha u naxariistee Abwaan Bedel Jaamac Xirsi, oo kamid ahaa abwaanada Soomaaliyeed ee ku noolaa Muqdisho.

4/18/2022 11:03 AM EST
Isniin, April, 18, 2022 (HOL) - Wararka ka imaanaya degmada Matabaan ee gobolka Hiiraan ayaa sheegaya iney la wareegeen gacan ku heynta degmadaasi dagaalamayaal ka tirsan Al-shabaab.

4/18/2022 8:50 AM EST
Isniin, April, 18, 2022 (HOL) - Hogaanka sare ee xisbiga Waddani oo booqday saxafiyiinta ku xidhan magaalada Hargaysa, ayaa ku baaqay in xoriyadooda loo celiyo.

4/18/2022 7:51 AM EST
Isniin, April, 18, 2022 (HOL) - Ra’iisul Wasaaraha Soomaaliya ayaa cambaareeyay hoobiyayaal lagu weeraray xarunta barlamaanka Soomaaliya, halkaas oo uu fadhi wadajir ah uga socday xildhibaannada labada aqal ee barlamaanka.

4/18/2022 6:47 AM EST
Isniin, April, 18, 2022 (HOL) - Tiro madaafiic ah ayaa lagu garaacay agagaarka xarunta Villa Hargeysa oo ay Maanta kulankoodii ugu horeeyay si wadajir ah ugu yeelanayeen labada Gole ee Baarlamaanka Fedaraalka Soomaaliya.

4/18/2022 5:42 AM EST
Isniin, April, 18, 2022 (HOL) - Labada aqal ee barlamaanka Soomaaliya oo maanta kulan wadajir ah ku yeeshay magaalada Muqdisho ayaa meel mariyay jadwalka doorashada guddoonka labada aqal ee barlamaanka.

4/18/2022 2:33 AM EST
Isniin, April, 18, 2022 (HOL) - Taliska ciidanka Booliiska Degmada Dharkenleey ee gobolka Banaadir ayaa howlgalo ay ka sameyeen gudaha xaafadaha degmadaasi oo lagu bartilmaameedsanaayay ciyaal weero dhibaato xoogan ku haya shacabka degan xaafadaha degmada Dharkenley.

4/18/2022 1:47 AM EST
Isniin, April, 18, 2022 (HOL) - Labada aqal ee barlamaanka Soomaaliya ayaa maanta yeelanaya Kulan wadajir ah oo looga arrinsanayo ansaxinta wax ka badelka Habraaca ku-meel-gaark ah ee Doorashooyinka Guddoonka labada Gole iyo Madaxweynaha.