9/24/2022
Today from Hiiraan Online:  _
Wararka Maanta- Isniin, Apr 18, 2022
Booliiska Degmada Dharkenleey oo Howlgalo ku soo qabqabtay Ciyaal weero tiro badan
 

Isniin, April, 18, 2022 (HOL) - Taliska ciidanka Booliiska Degmada Dharkenleey ee gobolka Banaadir ayaa howlgalo ay ka sameyeen gudaha xaafadaha degmadaasi oo lagu bartilmaameedsanaayay ciyaal weero dhibaato xoogan ku haya shacabka degan xaafadaha degmada Dharkenley.

Ciidamada ayaa howlgaladooda waxay kusoo qabqabteen tiro farabadan oo ka mid ah ciyaal weerada, kuwaas oo ku hubeysna Midiyo, budad, dhagaxaan iyo waxii la mid ah.

Tirada ciyaal weerada ahaa ee gacanta kusoo dhigeen ciidanka Booliiska ayaa la isugu geeyay Saldhiga degmada Dharkenley, xili ay ku guda jireyn howshooda weerada ah ee ay ku dhibaateynayaan dadka ku dhaqan degmada.

Taliyaha ciidanka Saldhiga Booliiska Degmada Dharkenley Macalin Aadan oo Warbaahinta la hadlay ayaa waalidiinta dhalay dhalinyarada howlgalka lagusoo qabtay ee u xiran hay’adaha amaanka ka dalbaday in ay caddaaladda ku simaan xukunka dhalinyaradaas.

“Haddii ubadkaaga oo lagu hayo fal-dambiyeed cad oo ay gacanta ku dhigaan Laamaha ammaanka ee aad dhahdid kama tirsano waa inkiraad, haddii aad isku daydid in aad qariso ayaa lamid ah, Hooyo iyo Aabbe kasta ee Dharkeynley kunool fadlan haddii carruurtiina mindi lagu dhufto ama dhagax waa idinku dhib, haddii iyagana lagu dhufto waa sidaas oo kale, Laamaha ammaanka kala shaqeeya sidii wax looga qaban lahaa si loo kala badbaadiyo dhalinyarada” ayuu yiri Taliyaha Booliiska Degmada Dharkenley.

Masuuliyiinta horkacaysay howgalka Xalay lagu soo qabqabtay dhalinyarada ciyaal weerada ah oo warbaahinta la hadlay Howlgalka kadib, ayaa sheegay in ay sii wadi doonaan howgalada noocaan ah oo ay kula dagaalamayaan ciyaalka weerada marba marka ka dambeysa ay soo kordheyso dhibaatada ay ku hayaan shacabka Muqdisho.

Jamaal Cali Cabdi, Hiiraan Online












Click here
4/18/2022 2:00 PM EST
Isniin, April, 18, 2022 (HOL) - Koox ku hubaysan bistoolado ayaa magaalada Muqdisho ku dilay Allaha u naxariistee Abwaan Bedel Jaamac Xirsi, oo kamid ahaa abwaanada Soomaaliyeed ee ku noolaa Muqdisho.

4/18/2022 11:03 AM EST
Isniin, April, 18, 2022 (HOL) - Wararka ka imaanaya degmada Matabaan ee gobolka Hiiraan ayaa sheegaya iney la wareegeen gacan ku heynta degmadaasi dagaalamayaal ka tirsan Al-shabaab.

4/18/2022 8:50 AM EST
Isniin, April, 18, 2022 (HOL) - Hogaanka sare ee xisbiga Waddani oo booqday saxafiyiinta ku xidhan magaalada Hargaysa, ayaa ku baaqay in xoriyadooda loo celiyo.

4/18/2022 7:51 AM EST
Isniin, April, 18, 2022 (HOL) - Ra’iisul Wasaaraha Soomaaliya ayaa cambaareeyay hoobiyayaal lagu weeraray xarunta barlamaanka Soomaaliya, halkaas oo uu fadhi wadajir ah uga socday xildhibaannada labada aqal ee barlamaanka.

4/18/2022 6:47 AM EST
Isniin, April, 18, 2022 (HOL) - Tiro madaafiic ah ayaa lagu garaacay agagaarka xarunta Villa Hargeysa oo ay Maanta kulankoodii ugu horeeyay si wadajir ah ugu yeelanayeen labada Gole ee Baarlamaanka Fedaraalka Soomaaliya.

4/18/2022 5:42 AM EST
Isniin, April, 18, 2022 (HOL) - Labada aqal ee barlamaanka Soomaaliya oo maanta kulan wadajir ah ku yeeshay magaalada Muqdisho ayaa meel mariyay jadwalka doorashada guddoonka labada aqal ee barlamaanka.

4/18/2022 3:57 AM EST
Isniin, April, 18, 2022 (HOL) - Hay’adaha Sirdoonka Milliteriga ee Bariga Afrika ayaa shir ku yeeshay Caasimadda dalka Ethiopia ee Addis Abeba, kaasi oo ay kaga wada-tashanayeen Ammaanka Gobalka, Argagixisadda iyo arrimo kale.

4/18/2022 1:47 AM EST
Isniin, April, 18, 2022 (HOL) - Labada aqal ee barlamaanka Soomaaliya ayaa maanta yeelanaya Kulan wadajir ah oo looga arrinsanayo ansaxinta wax ka badelka Habraaca ku-meel-gaark ah ee Doorashooyinka Guddoonka labada Gole iyo Madaxweynaha.