9/27/2022
Today from Hiiraan Online:  _
Wararka Maanta- Sabti, Apr 16, 2022
Taliyaha booliska Somaliland oo si adag ugu hanjabay xildhibaan Maxamed Abiib oo ka tirsan Golaha Wakiillada

Sabti, April, 16, 2022 (HOL) - Xildhibaan Maxamed Abiib oo ka tirsan Golaha Wakiillada Somaliland, ayaa maanta sheegay in hanjabaad iyo baahdil uu kala kulmay taliyaha booliska Somaliland, Maxamed Aadan Saqadhi (Daba-Gale).

Xildhibaanka oo shir jaraa’iid ku qabtay magaalada Hargeysa ayaa sheegay in isaga iyo taliyaha uu muran ku dhex maray xarunta dambi baarista ee CID, kaddibna taliyaha uu ku yiri “Iska tag annagaa kuu gelineyna shaar kula eg, kaddibna naqaana halka aan ku geyn doono”.

Mudane Abiib ayaa is-weydiiyay halka taliyaha uu geyn doono, kaddibna raaciyay in taliyaha la weydiin doono haddii isaga la waayo.

Xildhibaanka ayaa sheegay in gelinkii dambe ee maanta uu tegay xarunta dambi baarista ee CID-da si uu usoo oggaado halka ay mareyso baarista dad laga soo xiray deegaan doorashadiisa iyo hoggaanka CID-da in uu ka codsado mid kamid ah wariyayaasha ku xiran saldhiga dhexe oo xanuunsanaya loo soo wareejiyo CID-da.

 “Markaan kasoo baxay xarunta waxaa iga horyimid taliyaha booliska iyo taliyaha RRU-da, kaddib taliyaha ayaa igu yiri: Maxaad kasoo doontay halkan, ma hooyadaa baa leh? Waxaan ugu jawaabay maya ee waxaa leh qaranka? Markaas ayuu iisii raaciyay adiga ma waxaad tahay qaranka? Waxaad cadow ku tahay Somaliland? Mana soo geli kartid xaruun uu leeyahay booliska”. ayuu ku sheegay shirkiisa.

Waxaa uu taliyaha ka codsaday in uu la yimaado caddeyn ku aadana halka uu ku noqday “Cadowga Somaliland”. Mudane Abiib ayaa shirkiisa jaraa’iid ku caddeeyay in garyaqaan Xuseen Shabeel uu kamid ahaa ku dhowaad 30 qof oo ku sugnaa goobtii murankaasi uu ka dhacayay.

Garyaqaanka oo la hadlayay warbaahinta ayaa sheegay in uu aad uga xumaaday ficiladii taliyaha ciidanka booliska, isla markaana lagu tilmaami karin ficilo masuuliyadeed.

Waxaa uu xusay in marar badan uu isku dayay in taliyaha uu xusuusiyo masuuliyadiisa, balse uusan dhegeystan, laakiin beddelkeeda uu ku guuleystay in uu xakameeyo xildhibaan Maxamed Abiib oo la socday

“Waxaan ka xasuustaa hadalada taliyaha in uu lahaa waxaan kuu xireynaa shaar kula eg, waad kibirsantahay, mana tihid Somaliland ee waxaad tahay cadowgeeda”, ayuu yiri garyaqaanka.

Garyaqaanka ayaa sheegay in muddo 20 sannadood ah uu kusoo jiray garsoorka, balse uusan waligii soo arkin taliye u dhaqmaya sida Maxamed Aadan Saqadhi.

“Xarunta CID-du waa meel u shaqeysa dadka, mana ahan meel qof loo diidi karo. Taliye Maxamed ka hor waan geli jirnay, haddana waan geleynaa”, ayuu sii raaciyay.

Taliyaha booliska Somaliland, Maxamed Aadan Saqadhi, wali kama uusan halin eedaha culus ee loo jeediyay.


Hassan Istiila, Hiiraan Online
[email protected]













Click here
4/16/2022 4:01 PM EST
Sabti, April, 16, 2022 (HOL) - Xukuumada Somaliland, ayaa sheegtay in sharciga lala tiigsanayo wariyayaashii tabiyay dhacdadii Jeelka Wayn ee Hargaysa, iyadoo dhinaca kale sheegtay in ay ka xuntahay xadhiga suxufiyiinta.

4/16/2022 12:43 PM EST
Sabti, April, 16, 2022 (HOL) - Xafiiska Garyaqaanka guud ee Soomaaliya ayaa maxkamadda sare ee dalka ka codsaday inay diido dacwadda lagasoo gudbiyay go'aanka guddiga doorashadu ku hakiyay kursiga Fahad Yaasiin.

4/16/2022 8:04 AM EST
Sabti, April, 16, 2022 (HOL) - Guddoomiyaha kumeel gaarka ee Golaha Shacabka Xildhibaan Cabdisalaan Axmed Dhabanacad ayaa magacaabay xubnaha guddiga qabanqaabada doorashada guddoonka Golaha Shacabka oo ka kooban 10 xubnood, kadib markii Maanta Golaha ay yeesheen kulankoodii ugu horeeyay.

4/16/2022 6:28 AM EST
Sabti, April, 16, 2022 (HOL) - Guddoomiyaha kumeel gaarka ah ee golaha shacabka Soomaaliya, Cabdisalaan Xaaji Axmed (Dhabancad) ayaa ka codsaday xidlhibaannada in la dadajiyo doorashada guddoonka barlamaanka, si uu dalka uga baxo sharciyad la’aanta hay’addaha dastuuriga ah.

4/16/2022 5:19 AM EST
Sabti, April, 16, 2022 (HOL) - Labo sannadood ka hor markii Faadumo Cali ay sheegtay inay iska dhaaftay shaqadii kalkaalisannimada oo ay furaneyso ganacsi ay iyadu leedahay, dad badan ayaa ku tilmaamay in ay waalantahay, balse shirkadeeda hadda waxay haysataa lacag dhan malaayiin Yuuro.

4/16/2022 5:16 AM EST
Sabti, April, 16, 2022 (HOL) - Waxaa goordhaw si rasmi ah u furmay kulankii ugu horeeyay ee Xildhibaanada Golaha Shacabka Baarlamaanka 11-aad ee dalka Soomaaliya, waxaana kulanka shir guddoominaya guddoomiyaha KMG ah ee Golaha Shacabka.

4/16/2022 4:15 AM EST
Sabti, April, 16, 2022 (HOL) - Wararka ka imaanaya deegaanka lagu magacaabo Warmaxan oo ka tirsan gobolka Sh/hoose ayaa sheegaya in dagaalamayaal ka tirsan Al-shabaab ay dagaal kula wareegeen deegaankaasi.

4/16/2022 3:12 AM EST
Sabti, April, 16, 2022 (HOL) - Howlgalka Midowga Afrika ee ku meel gaarka ah ee Soomaaliya ayaa la filayaa in uu yeesho hogaamiye cusub maalmaha soo socda kadib markii uu xumaaday xiriirka u dhaxeeya dowladda Soomaaliya iyo madaxii hore howlgalka.

4/16/2022 3:04 AM EST
Sabti, April, 16, 2022 (HOL) - Xildhibaan Cabdirashiid Xiddig oo katirsan barlamaanka Soomaaliya ayaa markii labaad iskusoo sharraxay xilka guddoomiyaha golaha shacabka, isagoo u arka fursad uu kusoo bixi karo.

4/16/2022 2:07 AM EST
Sabti, April, 16, 2022 (HOL) - Guddiga hirgelinta doorashada maamulka Hirshabeelle ayaa Maanta lagu wadaa in magaalada Jowhar ee xarunta gobolka Sh/dhexe iney ku qabtaan doorashada hal kursi oo sumadiisu tahay HOP 106, kaasoo ay ku tartami doonaan ilaa lix Musharax.

4/16/2022 1:56 AM EST
Sabti, April, 16, 2022 (HOL) - Soomaaliya ayaa loo doortay in ay noqoto Guddoomiyaha Ururka Horumarinta Beeraha Carabta ee Jaamacadda Carabta labada sano ee soo socota.