11/27/2022
Today from Hiiraan Online:  _
Wararka Maanta- Arbaco, Sept 28, 2022
Hiiraan : Dad shacab ah oo dhimasho iyo dhaawac ku noqday Ceel biyood Al-shabaab Sumeeyeen
 

Arbaco, September, 28, 2022 (HOL) - Wararka naga soo gaaraya deegaanka Ceel jiqoow oo ka mid ah deegaanada hoostaga degmada Maxaas ee gobolka Hiiraan ayaa sheegaya in laba ruux oo ka mid ahaa dadka deegaankaasi ay u geeriyooday biyo sumeysan oo ay ka cabeen Ceel biyoodkii deegaanka Ceel jiqoow.

Allah u naxariiste labada ruux ee cabay biyaha sumeysan ayaa lagu kala magacaabi jiray Saneey Abiikar Aadan Iyo Maxamed Uul Nuur, waxaana sidoo kale biyahaasi sumeysan ku waxyeeloobay ilaa shan ruux oo kale oo haatan lagula tacaalayo xaaladooda caafimaad Isbitaalka degmada Maxaas ee gobolka Hiiraan.

Ceel biyoodka deegaanka Ceel jiqoow oo ay bishaan gudaheeda qarxiyeen Al-shabaab ayaa dib u hagaajintiisa dadka deegaanka maalmahii lasoo dhaafay ay ku howlanayeen, waxaana qof ka mid ah dadka deegaanka uu sheegay in xubno ka tirsan Al-shabaab ay Ceelka sumeyeen xili laga kala maqnaa, taasina ay keentay in labada ruux dhintaan shan kalana ay ku sumoobeen biyaha Ceelka deegaanka Ceel jiqoow.

Dhinaca kale warar naga soo gaaray degmada Moqokori ee gobolka Hiiraan oo dhawaan ciidanka dowladda iyo kuwa Macawiisleey ay la wareegeen ayaa sheegaya in askari ka tirsan ciidanka dowladda uu toogasho ku dilay wiil yar oo ka mid ahaa dadka ku nool degmada Moqokori, islamarkaana anaan la ogeyn sababta rasmiga ah ee ka dambeysa dilka wiilka yar oo ku sugnaa Ceel biyoodka degmadaaasi.












Click here
9/28/2022 10:49 AM EST
Arbaco, September, 28, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud oo Maanta gaaray magaalada Adis Ababa ee dalka Itoobiya ayaa isaga iyo wafdigiisa wadahadalo laba geesood ah waxay la yeesheen Rayaal Wasaaraha Xukuumadda Federaalka dalka Itoobiya Abiy Axmed iyo Golahiisa Xukuumadda.

9/28/2022 4:13 AM EST
Arbaco, September, 28, 2022 (HOL) - Madaxweynaha Soomaaliya Xassan Sheekh Maxamuud ayaa maanta booqasho ku yimid magaalada Addis Ababa ee caasimadda dalka Itoobiya.

9/28/2022 3:58 AM EST
Arbaco, September, 28, 2022 (HOL) - Puntland ayaa sheegtay inay gacanta ku dhigtay 150 qarax oo Alshabaab u qorsheynaysay inay weerarro uga geysato magaalooyinka Puntland iyo Somaliland.

9/28/2022 3:25 AM EST
Arbaco, September, 28, 2022 (HOL) - Ciidanka xoogga dalka Soomaaliyeed iyo kuwa dadka deegaanka ee dhawaan Al-shabaab kala wareegay deegaanada hoostaga degmada Buulaburte ee gobolka Hiiraan ayaa bilaabay caawinta dadka beeraleyda ah ee ku dhaqan deegaanadaasi.

9/28/2022 2:56 AM EST
Arbaco, September, 28, 2022 (HOL) - Maraykanka ayaa soo saaray warbixin sannadle ah oo uu ku qiimeynayo khasaaraha dadka rayidka ah kasoo gaara duqeymaha laga soo billaabo 2021.

9/28/2022 2:30 AM EST
Arbaco, September, 28, 2022 (HOL) - Dowlad goboleedka Puntland, ayaa ugu baaqay barlamaanka Soomaaliya inay xasaanadda kala laabtaan xildhibaan Mahad Cabdiraxmaan Aadan, oo saxaafadda kasii daayay hadal abuuray dhaleecayn badan.

9/28/2022 2:09 AM EST
Arbaco, September, 28, 2022 (HOL) - Wasiirka Warfaafinta Dowlad Goboleedka Koonfur Galbeed Soomaaliya ,Ilyaas Cali ayaa wax lagu qoslo ku tilmaamay sheegashada ah in Alshabaab ay ciidamo ka tirsan Nabadsugida Koonfur Galbeed ku dileen Seydheelow.