11/27/2022
Today from Hiiraan Online:  _
Wararka Maanta- Arbaco, Sept 28, 2022
Maraykanka oo warbixin kasoo saaray khasaaraha ka dhasha duqeymaha cirka ee dalal ay Soomaliya ku jirto
 

Arbaco, September, 28, 2022 (HOL) - Maraykanka ayaa soo saaray warbixin sannadle ah oo uu ku qiimeynayo khasaaraha dadka rayidka ah kasoo gaara  duqeymaha laga soo billaabo 2021.

Wasaaradda gaashaandhigga Maraykanka ayaa sheegtay in 12 qof oo rayid ah lagu dilay laguna dhaawacay guud ahaan Afghanistan, Iraq, Soomaaliya iyo Syria.

Pentagon waxay sheegtay Soomaaliya in aan dad rayid ah lagu dilin 2021, balse 3 ayaa lagu dhaawacay hal weerar.

Saddexda qof ayaa ku dhaawacmay kadib markii uu Jan. 1, 2021, Mareykanku duqeyn cirka ah ka fuliyay deegaanka Kunyo Barrow oo Shabeeladda hoose ah.

"Ciidamada Mareykanka ee ku sugan Bariga Afrika waxay taageerayaan howlgalka Midowga Afrika ee Soomaaliya iyo dadaalka caalamiga ah ee lagula dagaallamayo ururada xagjirka ah sida al-Shabaab, oo ah urur argagixiso oo xiriir la leh al-Qaacida", ayaa lagu yiri warbixinta.

Weerarrada ay fuliyeen diyaaradaha aan duuliyaha lahayn ee Drones-ka ayaa dhaliyay baaritaan ay sameeyeen ciidamada cirka ee Mareykanka.

Madaxii taliska dhexe ee ciidamada Mareykanka Gen. Frank McKenzie, ayaa raalli galin bixiyay, isagoo qiray inay ahayd khalad dhacay.  

Ma jirto ciidan Maraykan ah oo lagu ciqaabay khasaaraha ka dhashay weerarada cirka ee uu Maraykanku ka geystay dalalka ku xusan warbixintan.

Bishii Ogosto, Pentagon-ka ayaa ku dhawaaqday qorshe gacan ka geysan doono dhimista tirada dadka rayidka ah ee lagu dilo laguna dhaawaco duqeymaha diyaaradaha aan duuliyaha lahayn, iyo in si wanaagsan loola tacaalo dhibaatooyinka ka dhasha dhacdooyinkan oo kale.












Click here
9/28/2022 5:04 PM EST
Arbaco, September, 28, 2022 (HOL) - Wararka naga soo gaaraya deegaanka Ceel jiqoow oo ka mid ah deegaanada hoostaga degmada Maxaas ee gobolka Hiiraan ayaa sheegaya in laba ruux oo ka mid ahaa dadka deegaankaasi ay u geeriyooday biyo sumeysan oo ay ka cabeen Ceel biyoodkii deegaanka Ceel jiqoow.

9/28/2022 10:49 AM EST
Arbaco, September, 28, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud oo Maanta gaaray magaalada Adis Ababa ee dalka Itoobiya ayaa isaga iyo wafdigiisa wadahadalo laba geesood ah waxay la yeesheen Rayaal Wasaaraha Xukuumadda Federaalka dalka Itoobiya Abiy Axmed iyo Golahiisa Xukuumadda.

9/28/2022 4:13 AM EST
Arbaco, September, 28, 2022 (HOL) - Madaxweynaha Soomaaliya Xassan Sheekh Maxamuud ayaa maanta booqasho ku yimid magaalada Addis Ababa ee caasimadda dalka Itoobiya.

9/28/2022 3:58 AM EST
Arbaco, September, 28, 2022 (HOL) - Puntland ayaa sheegtay inay gacanta ku dhigtay 150 qarax oo Alshabaab u qorsheynaysay inay weerarro uga geysato magaalooyinka Puntland iyo Somaliland.

9/28/2022 3:25 AM EST
Arbaco, September, 28, 2022 (HOL) - Ciidanka xoogga dalka Soomaaliyeed iyo kuwa dadka deegaanka ee dhawaan Al-shabaab kala wareegay deegaanada hoostaga degmada Buulaburte ee gobolka Hiiraan ayaa bilaabay caawinta dadka beeraleyda ah ee ku dhaqan deegaanadaasi.

9/28/2022 2:30 AM EST
Arbaco, September, 28, 2022 (HOL) - Dowlad goboleedka Puntland, ayaa ugu baaqay barlamaanka Soomaaliya inay xasaanadda kala laabtaan xildhibaan Mahad Cabdiraxmaan Aadan, oo saxaafadda kasii daayay hadal abuuray dhaleecayn badan.

9/28/2022 2:09 AM EST
Arbaco, September, 28, 2022 (HOL) - Wasiirka Warfaafinta Dowlad Goboleedka Koonfur Galbeed Soomaaliya ,Ilyaas Cali ayaa wax lagu qoslo ku tilmaamay sheegashada ah in Alshabaab ay ciidamo ka tirsan Nabadsugida Koonfur Galbeed ku dileen Seydheelow.