11/27/2022
Today from Hiiraan Online:  _
Wararka Maanta- Isniin, Sept 26, 2022
Faahfaahino kasoo baxaya ganacsade caan ahaa oo goordhaw lagu dilay goobtiisa ganacsi oo ku taala Muqdisho
 

Isniin, September, 26, 2022 (HOL) - Warar dheeraad ah ayaa kasoo baxaya dil saakay loogu geystay goobtiisa ganacsi mid ka mid ah ganacsatada Suuqa weyn ee degmada Wadajir ee magaalada Muqdisho.

Dableey bastoolado ku hubeysan ayaa la sheegay iney fuliyeen dilka ganacsadaha oo caan ka ahaa Suuqa weyn ee degmada Wadajir, kaasoo lagu magacaabi jiray Daahir Cabdullaahi Maxamuud loona yaqiinay Daahir Jugle.

Dad goobjoogayaal ah ayaa warbaahinta u sheegay in dableyda dilka geystay oo ahaa rag dhalinyaro ah ay si deg deg ah uga baxsadeen goobta ay ku dileen Marxuumka, waxaana dilka kadib goobta tagay ciidamo ka tirsan kuwa dowladda Soomaaliya oo halkaasi baaritaano kooban ka sameeyay, walow aanan la sheegin cid ay usoo qabteen dilka loo geystay ganacsade Daahir Jugle.

Warar hoose oo ay heshay shabakada HOL ayaa sheegaya in ganacsadaha la dilay uu kasoo jeedo degmada Cadaado ee gobolka Galgaduud, islamarkaana uu dilkiisa la xariiro dilal la sheegay in Al-shabaab ay ku beegsanayaan dadka waxtarka u leh beelaha Habargidir iyo Xawaadle oo ay Al-shabaab beegsi ku hayaan, kadib kacdoono beelahaasi ay kala hortageen Al-shabaabkii ku sugnaa deegaanadooda.

Dilka ganacsadahaan ayaa imaanaya iyadoo maalmihii ugu dambeeyay Muqdisho ay ka dhacayeen dilal qorsheysan oo loo gaysanayay nabaddoono iyo ganacsato kasoo kala jeeda beelaha Xawaadle iyo Habargidir, islamarkaana masuuliyadooda ay sheegteen Ururka Al-shabaab.












Click here
9/26/2022 11:09 AM EST
Isniin, September, 26, 2022 (HOL) - Wararka aan ka helayno gobolka Tigray ee dagaaladu ka socdaan ee dalka ayaa sheegaya in diyaarad nooca aan duuliyaha lahayn ee ciidamada Itoobiya ay duqeyn u gaysatay gaari waday gargaar raashin oo ku socday gobolka Tigray.

9/26/2022 8:40 AM EST
Isniin, September, 26, 2022 (HOL) - Dowladda Soomaaliya ayaa gargaarkii ugu horeeyay u dirtay deegaanada gobolka Hiiraan ee laga xoreeyay kooxda Al shabaab.

9/26/2022 8:22 AM EST
Isniin, September, 26, 2022 (HOL) - Golaha Guurtida Somaliland ayaa dib golaha wakiilada ugu celiyay xeerka guud ee doorashooyinka Xeer Lr 91/2022 iyo xeerka nidaamka urrurada iyo axsaabta siyaasada ee Xeer Lr 14/2011.

9/26/2022 3:40 AM EST
Isniin, September, 26, 2022 (HOL) - Kalfadhiggii 50-aad ee barlamaanka Puntland oo saakay lagu waday inuu dib u furmo si barlamaanka loogusoo bandhigo natiijada la xisaabtanka xukuumada, ayaa si lama filaan ah ku xirmay, kadib markii uu buuq harreeyay.

9/26/2022 2:45 AM EST
Isniin, September, 26, 2022 (HOL) - Raysal wasaaraha Xukuumadda Fedaraalka Soomaaliya Xamse Cabdi Barre ayaa khadka taleefanka kula hadlay qaar ka mid ah masuuliyiinta dowladda iyo kuwa deegaanka ee hoggaaminaya howlgalada ka dhanka ah Al-shabaab ee ka socda gobolada Hiiraan iyo Galgaduud.

9/26/2022 2:40 AM EST
Isniin, September, 26, 2022 (HOL) - Madaxweynaha dalka Kenya, William Ruto ayaa sheegay in ciidamada Kenya ee ku sugan Soomaaliya ay isaga bixi doonaan Soomaaliya marka uu dhamaado howlgalkooda.

9/26/2022 2:32 AM EST
Isniin, September, 26, 2022 (HOL) - Johanathan Starr oo ah aasaasaha Dugsiga Abaarso ee ku yaal galbeedka Hargaysa iyo Jaamacadda Barwaaqo ee Hargeysa ayaa qaatay diinta Islaamka.