11/27/2022
Today from Hiiraan Online:  _
Wararka Maanta- Axad, Sept 25, 2022
Madaxweyne ku xigeenka Galmudug: Bartilmaameedkeenu waa Ceelbuur iyo Xarardheere
 

Axad, September, 25, 2022 (HOL) - Madaxweyne ku xigeenka Galmudug, Cali Daahir Ciid ayaa sheegay inay kooxda Al shabaab ka qabsadeen wax ka badan 10 deegan oo ay maamulayeen 10 kii sano ee la so dhaafay.

Madaxweyne ku xigeenka Galmudug ayaa hadalkan ka sheegay deegaanka Ceel lahelay ee gobolka Galgaduud halkaasi oo ay caawa ku hooyanayaan isaga, wasiirka Gaashaandhiga Soomaaliya iyo taliyaha Ciidamada Xoogga.

Cali Daahir Ciid ayaa sheegay inay Alshabaab gaarsiiyeen jab xoogan. Wuxuu tilmaamay inay Alshabaab saddex aag dagaal kaga fureen uuna bartilmaameedkooda yahay inay gaaraan degmooyinka Ceelbuur iyo Xarardheere ee gobolada Mudug iyo Galgaduud.

Madaxweyne ku xigeenka Galmudug wuxuu sheegay deegaannada Shabaab maamulayeen 15 sano, inay ku sugan yihiin dad aan garanayn calanka Soomaaliya iyo magaca Soomaaliyeed.”

"Maanta wiilka isagoo shan jir ah la qabsaday Ceelbuur, waa 2o jir aan aqoon calanka  waddan Soomaaliya la yiraahdo iyo calanka Soomaaliya, oo aan ka ahayn calan madow,”ayuu yiri Ciid.

Ciidamada Galmudug ayaa hadda ku sugan tuulada Ceel la helay oo 40km u jirta  Ceelbuur.  Waxay ciidamadu maanta la kulmeen iska caabin, inkastoo markii dambe ay jebiyeen kooxdii Alshabab ee loogu tagay farriiisinkooda.












Click here
9/25/2022 11:31 AM EST
Axad, September, 25, 2022 (HOL) - Hay'adda nabad sugida iyo sirdoonka Soomaaliya ee NISA ayaa waxay shaacisay in la qab-qabtay ku dhawaad 10 qof oo si yaabo kala duwan u la macaamilayay kooxda Alshabaab.

9/25/2022 10:02 AM EST
Axad, September, 25, 2022 (HOL) - Wararka naga soo gaaraya degmada Halgan ee gobolka Hiiraan ayaa sheegaya in qarax miino oo Maanta ka dhacay inta u dhaxeysa Halgan iyo Garasyaani uu ku geeriyooday Taliyahii saadka ciidanka xoogga dalka Soomaaliyeed gaar ahaan guutada 5-aad qeybta 27-aad ee fadhigoodu yahay gobolka Hiiraan Kornel Barre Ceyrow.

9/25/2022 8:42 AM EST
Axad, September, 25, 2022 (HOL) - Xisbiga mucaaradka Somaliland ee Waddani, ayaa madaxweynaha Soomaaliya Xasan Sheekh Maxamuud usoo jeediyay in uu kafiirsado hadaladiisa iyo ficiladiisa ku aadan Somaliland.

9/25/2022 7:19 AM EST
Axad, September, 25, 2022 (HOL) - Xisbiga Waddani ayaa sheegay in anay ogolayn in madaxweynaha Somaliland loo sameeyo muddo kordhin aan iyaga laga talo galin.

9/25/2022 3:59 AM EST
Axad, September, 25, 2022 (HOL) - Wararka naga soo gaaraya degmada Moqokori ee gobolka Hiiraan ayaa sheegaya in ciidanka xoogga dalka iyo kuwa dadka deegaanka ay saakay Al-shabaab kala wareegeen degmada Moqokori oo ka mid ah meelaha Shabaab ku awood badnayeen.

9/25/2022 3:37 AM EST
Axad, September, 25, 2022 (HOL) - Wararka ka imaanaya gobolka Baay ayaa sheegaya in ciidamada dowladda Soomaaliya oo kaashanaya kuwa deegaanka inay Al-shabaab kala wareegeen deegaano badan oo ka tirsan gobolka Baay.

9/25/2022 3:05 AM EST
Axad, September, 25, 2022 (HOL) - Warar kala duwan ayaa kasoo baxaya qarax Ismiidaamin ah oo goordhaw ka dhacay Xerada Nacnaca oo ku taala degmada wadajir ee Magaalada Muqdisho, kaasoo jugtiisa laga maqlay qaar ka mid ah degmooyinka gobolka Banaadir.

9/25/2022 2:23 AM EST
Axad, September, 25, 2022 (HOL) - Ciidamada Booliska Soomaaliya ayaa ku guuleystay inay gacanta ku soo dhigaan haweeney tacaddi ugeysatay gabadh yar, kadib markii muuqaal laga duubay lagu faafiyay baraha bulshada.

9/25/2022 1:53 AM EST
Axad, September, 25, 2022 (HOL) - La-taliyaha amniga qaranka, Xuseen Macallin, ayaa sheegay in dowladda Soomaaliya uusan qorshaha ugu jirin inay hubayso ciidamada Macaawisleyda ee qeybta weyn ka qaadanaya howlgallada dalka looga xoraynayo Alshabaab.