3/29/2024
Today from Hiiraan Online:  _
Wararka Maanta- Axad, Sept 25, 2022
Xisbiga Waddani oo la hadlay madaxweyne Xasan Sheekh Maxamuud

Axad, September, 25, 2022 (HOL) - Xisbiga mucaaradka Somaliland ee Waddani, ayaa madaxweynaha Soomaaliya Xasan Sheekh Maxamuud usoo jeediyay in uu kafiirsado hadaladiisa iyo ficiladiisa ku aadan Somaliland.

Guddoomiyaha Xisbiga Waddani Xirsi Cali Xaaji Xasan oo ay barbar taagnaayeen Musharaxa Madaxweynaha Xisbiga Cabdiraxmaan Maxamed Cabdillaahi Cirro, iyo saraakiil kale, ayaa sheegay in ay haboontahay in Somaliland iyo Soomaaliya noqdaan laba dowladood oo kala madaxbannaan isla markaana jaar wanaagsan ah.

"Hadii mawqif kaagu yahay midnimo oo anad maqli karin madaxbannaanida Somaliland iyo gooni isu taageeda, anagana mawqif kayagu waa madaxbannaani iyo Somaliland oo beesha caalamka ka mid noqota" ayuu yidhi Xirsi.  "Iyo dadka Soomaaliyeed oo ah walaalo is gudub yaala iyo dowlado iskaashada".

Waxa uu sheegay in madaxbannaanida Somaliland ku timid rabitaanka shacbiga "Midnimada Soomaaliya rabitaan bulsho ayay ku timid ee rabitaanka siyaasiyiinta kumay iman, gooni isu taaga iyo madaxbannaanida Somaliland-na waxay ku timid rabitaanka bulshada reer Somaliland".

Waxa uu sheegay in anay ahayn wax cusub ahayn in umadi ka tashato masiir keeda, isla markaana uu heshiiska caalamiga ah ee Qaramada Midoobay farayo in umad kasta ay xor u tahay in ay mustaqbal keeda iyo sida uu u ekaanayo ka tashato.

Waxa uu madaxweyne Xasan Sheekh kula taliyay in uu ka fiirsado hadalada iyo ficiladiisa, isaga oo sheegay in uu xilka ka tagi doono, lakiinse wixii uu Somaliland u gaysto iyo wixii uu taraaba ay taariikhda u gali doonaan. Waxaana uu sheegay in mawqifka madaxweyne Xasan aanu ahayn mawqif bulsho.

Waxa uu kusoo gaba gabeeyay in ay xisbi ahaan aaminsanyihiin in wadahadalku xalyahay, loona baahanyahay in wadahadal mawqifka bulshada ku salaysan la wada yeesho.

Abdilahi Geel-maal, Hiiraan Online
[email protected]












Click here
9/25/2022 4:40 PM EST
Axad, September, 25, 2022 (HOL) - Madaxweyne ku xigeenka Galmudug, Cali Daahir Ciid ayaa sheegay inay kooxda Al shabaab ka qabsadeen wax ka badan 10 deegan oo ay maamulayeen 10 kii sano ee la so dhaafay.

9/25/2022 11:31 AM EST
Axad, September, 25, 2022 (HOL) - Hay'adda nabad sugida iyo sirdoonka Soomaaliya ee NISA ayaa waxay shaacisay in la qab-qabtay ku dhawaad 10 qof oo si yaabo kala duwan u la macaamilayay kooxda Alshabaab.

9/25/2022 10:02 AM EST
Axad, September, 25, 2022 (HOL) - Wararka naga soo gaaraya degmada Halgan ee gobolka Hiiraan ayaa sheegaya in qarax miino oo Maanta ka dhacay inta u dhaxeysa Halgan iyo Garasyaani uu ku geeriyooday Taliyahii saadka ciidanka xoogga dalka Soomaaliyeed gaar ahaan guutada 5-aad qeybta 27-aad ee fadhigoodu yahay gobolka Hiiraan Kornel Barre Ceyrow.

9/25/2022 7:19 AM EST
Axad, September, 25, 2022 (HOL) - Xisbiga Waddani ayaa sheegay in anay ogolayn in madaxweynaha Somaliland loo sameeyo muddo kordhin aan iyaga laga talo galin.

9/25/2022 3:59 AM EST
Axad, September, 25, 2022 (HOL) - Wararka naga soo gaaraya degmada Moqokori ee gobolka Hiiraan ayaa sheegaya in ciidanka xoogga dalka iyo kuwa dadka deegaanka ay saakay Al-shabaab kala wareegeen degmada Moqokori oo ka mid ah meelaha Shabaab ku awood badnayeen.

9/25/2022 3:37 AM EST
Axad, September, 25, 2022 (HOL) - Wararka ka imaanaya gobolka Baay ayaa sheegaya in ciidamada dowladda Soomaaliya oo kaashanaya kuwa deegaanka inay Al-shabaab kala wareegeen deegaano badan oo ka tirsan gobolka Baay.

9/25/2022 3:05 AM EST
Axad, September, 25, 2022 (HOL) - Warar kala duwan ayaa kasoo baxaya qarax Ismiidaamin ah oo goordhaw ka dhacay Xerada Nacnaca oo ku taala degmada wadajir ee Magaalada Muqdisho, kaasoo jugtiisa laga maqlay qaar ka mid ah degmooyinka gobolka Banaadir.

9/25/2022 2:23 AM EST
Axad, September, 25, 2022 (HOL) - Ciidamada Booliska Soomaaliya ayaa ku guuleystay inay gacanta ku soo dhigaan haweeney tacaddi ugeysatay gabadh yar, kadib markii muuqaal laga duubay lagu faafiyay baraha bulshada.

9/25/2022 1:53 AM EST
Axad, September, 25, 2022 (HOL) - La-taliyaha amniga qaranka, Xuseen Macallin, ayaa sheegay in dowladda Soomaaliya uusan qorshaha ugu jirin inay hubayso ciidamada Macaawisleyda ee qeybta weyn ka qaadanaya howlgallada dalka looga xoraynayo Alshabaab.