11/27/2022
Today from Hiiraan Online:  _
Wararka Maanta- Sabti, Sept 24, 2022
Raysal wasaaraha Soomaaliya oo faray golaha wasiiradda dardargelinta barnaamijka deyn Cafinta
 

Sabti, September, 24, 2022 (HOL) - Raysal wasaaraha Xukuumadda fedaraalka Soomaaliya Xamse Cabdi Barre oo Maanta shir guddoomiyay shirka dib u habeynta dhaqaalaha ayaa si weyn uga hadlay hanaanka deyn cafinta ay u leedahay horumarka dalka.

Raysal wasaare Xamse ayaa golaha wasiiradda Xukuumaddiisa ku booriyay iney xoogga saaraan sidii loo dhameystiri lahaa dhamaan sharciyada hortabinta u leh deyn cafinta si loo horgeeyo Baarlamaanka Soomaaliya ugu dambeyn bisha Decembar ee sanadkan 2022.

“Waxaan doonaya inaan xoojino isla xisaabtanka iyo hufnaanta oo qeyb weyn ka qaadanayso qorshaha horumarinta dowladnimada ee xukuumaddu waddo, waxaana dhammaan wasaaradaha iyo hay’adaha kale ee uu khuseeyo barnaamijka deyn cafinta aan faraya iney si dhaw isaga kaashadaan ka guul gaaridda dadaallada socda oo aysan ka dib dhicin waqtiga lagu balamay in la horgeeyo Baarlamaanka Soomaaliya, waa inaan masuuliyad iska saarna inaan dhowrno sharafka shacabka Soomaaliyeed, sida aan masuuliyada isaga saarnay inaan ka dul qaadno cadawga Al-shabaab” Ayuu yiri Raysal wasaare Xamse Cabdi Barre.

Xamse Cabdi Barre ayaa sidoo kale faray golahiisa wasiiradda iney la dagaalamaan wax kasta oo musuqmaasuq keeni kara si loogu guuleysto daahfurnaan iyo hufnaan horseed u noqon karta iney sare u kacdo heerka aaminaada bulshada iyo dhamaan daneeyayaasha arrimaha Soomaaliya.

Gabagabadii Xukuumadda Fedaraalka Soomaaliya ayaa haatan u muuqata mid dardar galineysa dadaalada ku aadan sidii dowladda Soomaaliya looga cafin lahaa deynta.













Click here
9/24/2022 10:16 AM EST
Sabti, September, 24, 2022 (HOL) - Xisbiyada mucaaradka Somaliland, ayaa soo dhaweeyay go'aanka guddida doorashooyinku ku sheegeen in ay muddo 9 billood gudaheed ah ku qabanayaan doorashada madaxtooyada Somaliland.

9/24/2022 7:33 AM EST
Sabti, September, 24, 2022 (HOL) - Madaxweynaha Kenya ayaa sheegay in dhigiisa Soomaaliya Xasan Sheekh Maxamuud uu muujiyay sida ay uga go’an tahay la dagaalanka kooxda Al-Shabaab.

9/24/2022 6:07 AM EST
Sabti, September, 24, 2022 (HOL) - Guddida Doorashooyinka Somaliland ayaa ku dhawaaqay in anay suuragal ahayn in doorashada madaxtooyadu qabsoonto sannadkan guddihiisa.

9/24/2022 4:48 AM EST
Sabti, September, 24, 2022 (HOL) - Madaxweynaha golaha ku-meel-gaarka ah ee dalka Sudan, Jeneral Abdel Fattah Al-Burhan, ayaa sheegay in Suudaan ay garab taagan tahay Soomaaliya, si looga gudbo xaaladaha ay ku jirto.

9/24/2022 4:21 AM EST
Sabti, September, 24, 2022 (HOL) - Fadhigii maanta ee Golaha Wakiilada Somaliland, ayaa furmi waayay kadib markii xildhibaannada mucaaradka iyo muxaafadku ay isku qabteen sharcinimada habkii loo ansixiyay wax ka badalka lagu sameeyay xeerarka doorashooyinka.

9/24/2022 2:26 AM EST
Sabti, September, 24, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud ayaa kulan la qaatay Xoghayaha guud ee Qaramada Midoobay Antonio Guterres oo ay ka wada hadleen xaalada guud ee dalka Soomaaliya iyo taageerada ay u baahan tahay dowladda.

9/24/2022 1:25 AM EST
Sabti, September, 24, 2022 (HOL) - Dowladda Soomaaliya ayaa magaalada New York kaga dhawaaqday go’aan ay ku doonayso inay safaarad kaga furato magaalada Rabat iyo qunsuliyadda guud ee magaalada Dakhla ee dalka Morroco.

9/24/2022 1:17 AM EST
Sabti, September, 24, 2022 (HOL) - Wararka aanu ka helayno dowlad degaanka Soomaalida ayaa sheegaya in dib u dhac uu ku yimid shirweynihii wada tashiga ee lagu ballansanaa inuu degaanka ka furmo maanta oo Sabti ah.