11/27/2022
Today from Hiiraan Online:  _
Wararka Maanta- Sabti, Sept 24, 2022
Madaxweynaha Soomaaliya oo Xoghayaha Guud ee Qaramada Midoobay kala hadlay Xaalada Soomaaliya
 

Sabti, September, 24, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud ayaa kulan la qaatay Xoghayaha guud ee Qaramada Midoobay Antonio Guterres oo ay ka wada hadleen xaalada guud ee dalka Soomaaliya iyo taageerada ay u baahan tahay dowladda.

Madaxweyne Xasan ayaa Xoghayaha guud ee Qaramada Midoobay u bandhigay in Maalaayiin Soomaali ah ay haatan gudaha dalka kula dhibaateysan yihiin abaaro baahsan oo ka jira inta badan gobolada dalka Soomaaliya, isagoona sidoo kale la wadaagay howlgalada ka dhanka ah Al-Shabaab ee ka socda gobolada dalka iyo kaalinta Qaramada Midoobay ay ka qaadan karto, qorshaha dowladda Federaalka iyo xoojinta dhaqdhaqaaqyada haatan socda.

Antonio Guterres ayaa si weyn u soo dhaweeyay warbixinta uu la wadaagay madaxweynaha dowladda Soomaaliya ee la xiriirtay dib u qaabaynta Mashaariicda horumarineed ay ka fuliyaan Qaramada Midoobay gudaha Soomaaliya, isagoona intaas ku daray in qorshaha ku salaysan wax ka abashada abaarta saameynta badan ku reebtay nolosha dad badan oo Soomaaliyeed, taasina uu sheegay inay tahay arrinta ugu weyn ee Qaramada Midoobay ka fakirayso si loo gacan qabto qoysaska cunno la'aanta iyo biyo la’aanta haysato.

Hay'addaha hoostaga Qaramada Midoobay ayaa dhowr jeer oo hore waxay soo saareen warbixino is xigxigay oo ay ku sheegayeen halista ka dhalan karta gargaar la’aanta haysata qoysaska Soomaaliyeed ee abaartu saamaysay oo hadii aysan gargaar deg deg ah helin wajahi doonaan halis ka dhalan karta in naftooda ku waayaan abaarta.












Click here
9/24/2022 10:24 AM EST
Sabti, September, 24, 2022 (HOL) - Raysal wasaaraha Xukuumadda fedaraalka Soomaaliya Xamse Cabdi Barre oo Maanta shir guddoomiyay shirka dib u habeynta dhaqaalaha ayaa si weyn uga hadlay hanaanka deyn cafinta ay u leedahay horumarka dalka.

9/24/2022 10:16 AM EST
Sabti, September, 24, 2022 (HOL) - Xisbiyada mucaaradka Somaliland, ayaa soo dhaweeyay go'aanka guddida doorashooyinku ku sheegeen in ay muddo 9 billood gudaheed ah ku qabanayaan doorashada madaxtooyada Somaliland.

9/24/2022 7:33 AM EST
Sabti, September, 24, 2022 (HOL) - Madaxweynaha Kenya ayaa sheegay in dhigiisa Soomaaliya Xasan Sheekh Maxamuud uu muujiyay sida ay uga go’an tahay la dagaalanka kooxda Al-Shabaab.

9/24/2022 6:07 AM EST
Sabti, September, 24, 2022 (HOL) - Guddida Doorashooyinka Somaliland ayaa ku dhawaaqay in anay suuragal ahayn in doorashada madaxtooyadu qabsoonto sannadkan guddihiisa.

9/24/2022 4:48 AM EST
Sabti, September, 24, 2022 (HOL) - Madaxweynaha golaha ku-meel-gaarka ah ee dalka Sudan, Jeneral Abdel Fattah Al-Burhan, ayaa sheegay in Suudaan ay garab taagan tahay Soomaaliya, si looga gudbo xaaladaha ay ku jirto.

9/24/2022 4:21 AM EST
Sabti, September, 24, 2022 (HOL) - Fadhigii maanta ee Golaha Wakiilada Somaliland, ayaa furmi waayay kadib markii xildhibaannada mucaaradka iyo muxaafadku ay isku qabteen sharcinimada habkii loo ansixiyay wax ka badalka lagu sameeyay xeerarka doorashooyinka.

9/24/2022 1:25 AM EST
Sabti, September, 24, 2022 (HOL) - Dowladda Soomaaliya ayaa magaalada New York kaga dhawaaqday go’aan ay ku doonayso inay safaarad kaga furato magaalada Rabat iyo qunsuliyadda guud ee magaalada Dakhla ee dalka Morroco.

9/24/2022 1:17 AM EST
Sabti, September, 24, 2022 (HOL) - Wararka aanu ka helayno dowlad degaanka Soomaalida ayaa sheegaya in dib u dhac uu ku yimid shirweynihii wada tashiga ee lagu ballansanaa inuu degaanka ka furmo maanta oo Sabti ah.