11/27/2022
Today from Hiiraan Online:  _
Wararka Maanta- Sabti, Sept 24, 2022
Dowladda Soomaaliya oo sheegtay inay safaarad iyo qundsuliyad ka furanayso dalka Morocco
 

Sabti, September, 24, 2022 (HOL) - Dowladda Soomaaliya ayaa magaalada New York kaga dhawaaqday go’aan ay ku doonayso inay safaarad kaga furato magaalada Rabat iyo qunsuliyadda guud ee magaalada Dakhla ee dalka Morroco.

“Soomaaliya waxay go’aansatey inay safaarad ka furato Rabat iyo Qunsuliyadda guud ee Dakhla,” ayuu yiri Wasiirka Arrimaha Dibadda dowladda Soomaaliya, Abshir Cumar Jaamac Haruuse.

Arrintaan ayaa ka dambeysay kadib markii wasiirku kulan uu la qaatay Wasiirka arrimaha dibadda, iskaashiga Afrika iyo Morroco, Nasser Bourita, oo ka qeyb galay kulanka Qaramada Midoobay.

Soomaaliya iyo Morroco “Waxay taageerayaan madax-bannaanidooda iyo wadajirkooda dhuleed,” ayuu madaxa diblomaasiyadda Soomaaliya ayaa lagu yidhi war-saxaafadeed lasoo saaray.

Wasiirka arrimaha dibadda Soomaaliya ayaa sheegaay inuu labada dal ka dhaxeeyo xiriir soo jireen ah oo ku dhisan saaxiibtinimo iyo wadajir.

Wasiirka Soomaaliya ayaa sidoo kale sheegay in la saxiixi doono qorshaha iskaashiga labada dal.

Kulankan ayaa waxaa goob joog ka ahaa Safiirka iyo Ergayga Joogtada ah ee Dowladda Morroco u fadhiya Qaramada Midoobay, Cumar Hiiraale.












Click here
9/24/2022 10:24 AM EST
Sabti, September, 24, 2022 (HOL) - Raysal wasaaraha Xukuumadda fedaraalka Soomaaliya Xamse Cabdi Barre oo Maanta shir guddoomiyay shirka dib u habeynta dhaqaalaha ayaa si weyn uga hadlay hanaanka deyn cafinta ay u leedahay horumarka dalka.

9/24/2022 10:16 AM EST
Sabti, September, 24, 2022 (HOL) - Xisbiyada mucaaradka Somaliland, ayaa soo dhaweeyay go'aanka guddida doorashooyinku ku sheegeen in ay muddo 9 billood gudaheed ah ku qabanayaan doorashada madaxtooyada Somaliland.

9/24/2022 7:33 AM EST
Sabti, September, 24, 2022 (HOL) - Madaxweynaha Kenya ayaa sheegay in dhigiisa Soomaaliya Xasan Sheekh Maxamuud uu muujiyay sida ay uga go’an tahay la dagaalanka kooxda Al-Shabaab.

9/24/2022 6:07 AM EST
Sabti, September, 24, 2022 (HOL) - Guddida Doorashooyinka Somaliland ayaa ku dhawaaqay in anay suuragal ahayn in doorashada madaxtooyadu qabsoonto sannadkan guddihiisa.

9/24/2022 4:48 AM EST
Sabti, September, 24, 2022 (HOL) - Madaxweynaha golaha ku-meel-gaarka ah ee dalka Sudan, Jeneral Abdel Fattah Al-Burhan, ayaa sheegay in Suudaan ay garab taagan tahay Soomaaliya, si looga gudbo xaaladaha ay ku jirto.

9/24/2022 4:21 AM EST
Sabti, September, 24, 2022 (HOL) - Fadhigii maanta ee Golaha Wakiilada Somaliland, ayaa furmi waayay kadib markii xildhibaannada mucaaradka iyo muxaafadku ay isku qabteen sharcinimada habkii loo ansixiyay wax ka badalka lagu sameeyay xeerarka doorashooyinka.

9/24/2022 2:26 AM EST
Sabti, September, 24, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud ayaa kulan la qaatay Xoghayaha guud ee Qaramada Midoobay Antonio Guterres oo ay ka wada hadleen xaalada guud ee dalka Soomaaliya iyo taageerada ay u baahan tahay dowladda.

9/24/2022 1:17 AM EST
Sabti, September, 24, 2022 (HOL) - Wararka aanu ka helayno dowlad degaanka Soomaalida ayaa sheegaya in dib u dhac uu ku yimid shirweynihii wada tashiga ee lagu ballansanaa inuu degaanka ka furmo maanta oo Sabti ah.