11/27/2022
Today from Hiiraan Online:  _
Wararka Maanta- Jimco, Sept 23, 2022
Duqa magaalada Muqdisho “Albaabkii ganacsi ee loo xiro amarka Al-shabaab, waxaan cadeynaya inaan dib loo furi doonin"
 

Jimco, September, 23, 2022 (HOL) - Guddoomiyaha maamulka gobolka Banaadir ahna duqa magaalada Muqdisho Yuusuf Xuseen Jimcaale Madaale ayaa digniin adag u diray ganacsatada ku dhaqan magaalada Muqdisho ee ka amar qaata Al-shabaab, kuwa goobahooda ganacsi ku iibiya waxyaabaha maanka dooriya iyo waliba dadka u garsoor doonta Al-shabaab.

Guddoomiye Madaale ayaa sheegay in ganacsadahii albaabkiisa u xira amar kasoo baxa Al-shabaab uusan dib u furi doonin goobtiisa ganacsi, isagoona intaa ku daray in sidoo kale dadka u garsoor doonta deegaanada Shabaab ee ka taga gudaha magaalada Muqdisho ineysan dhici doonin iney dib ugu soo laabtaan magaalada Muqdisho.

“Albaabkii ganacsi ee lagu xiro amarka Al-shabaab, waxaan cadeynaya inaan dib loo furi doonin, sidoo kale qofkii Al-shabaab u garsoor u raadsada waxaan u sheegaya inuusan Muqdisho soo laaban doonin” ayuu yiri guddoomiyaha gobolka Banaadir.

Duqa magaalada Muqdisho ayaa sidoo kale sheegay in ganacsadahii lagu arko goobtiisa ganacsi isago ku iibinaya waxyaabaha maanka dooriya in laga burburin doono goobtiisa, islamarkaana dhulka lagala wareegi doono.

"Magaalada Muqdisho anaga fasahaad uma ogolin waxaan u sheegaya dadka goobahooda ganacsi ku iibiya waxyaabaha maanka dooriya sida xashiishka iyo Calaqa in goobtan ku aragno aan burburin doono, lana wareegi doono goobtiisa ganacsi" ayuu yiri guddoomiyaha gobolka Banaadir Yuusuf Xuseen Jimcaale.

Hadalkaan kasoo yeeray duqa magaalada Muqdisho ayaa imaanaya iyadoo sanadkaan gudahiisa amaro kasoo kala baxay Al-shabaab iyo Daacish loo xiray qaar ka mid ah goobaha ganacsi ee ku yaala Suuqyada Bakaaraha iyo Xamarweyne ee magaalada Muqdisho, islamarkaana sidoo kale dadweyne fara badan oo ku nool Muqdisho ay u garsoor doontaan Maxkamadaha Al-shabaab.












Click here
9/23/2022 3:04 PM EST
Jimco, September, 23, 2022 (HOL) - Madaxweynaha maamulka Puntland, Siciid Deni ayaa caawa xilkii ka qaaday wasiirkii maaliyadda Puntland, Xasan Shire Abgaal, oo lagu tilmaamo inuu ahaa wasiirkii ugu saamaynta badnaa Puntland.

9/23/2022 2:01 PM EST
Jimco, September, 23, 2022 (HOL) - Waxaa Maanta magaalada Nairobi ee dalka Kenya uu shir ugu soo gabagaboobay Wasaaradda Caafimaadka Xukuumadda Federaalka Soomaaliya, hay'addaha deeq bixiyayaasha taageera Adeegyada Caafimaad dalka Soomaaliya iyo xubno ka socday hay'adda Caafimaadka Aduunka.

9/23/2022 8:02 AM EST
Jimco, September, 23, 2022 (HOL) - Maamul goboleedka Puntland ayaa si cad uga soo horjeestay go'aan kasoo baxay Wasaaradda Kaluumeyaiga dowladda Fedaraalka Soomaaliya, kaasoo ahaa in cid aan aheyn dowladda Soomaaliya aysan bixin karin shatiga Kaluumeysiga.

9/23/2022 6:51 AM EST
Jimco, September, 23, 2022 (HOL) - Dowladda Fedaraalka Soomaaliya ayaa warsaxafadeed kasoo saartay dagaalo ka dhacay deegaanada Sinadhaqe iyo Labidulle oo ka mid ah deegaanada hoostaga magaalada Dhuusamareeb ee gobolka Galgaduud.

9/23/2022 3:45 AM EST
Jimco, September, 23, 2022 (HOL) - Warar dheeraad ah ayaa kasoo baxaya dagaal qaraar oo gabal dhacii shalay ku dhexmaray ciidamada dowladda Soomaaliya iyo kuwa Al-shabaab deegaanada Sinadhaqo iyo Labidule oo ka mid ah deegaanada hoostaga magaalada Dhuusamareeb ee gobolka Galgaduud.

9/23/2022 1:59 AM EST
Jimco, September, 23, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud oo khudbad dhinacyo badan taabaneysay ka jeediyey Shirka Golaha loo dhanyahay ee Qaramada Midoobey ayaa soo bandhigay dadaallada dowladda Soomaaliya ee gurmadka abaaraha, dib u habaynta laamaha ammaanka, guulaha laga gaaray dagaalada ka dhanka ah kooxaha Al-shabaab iyo Daacish, dib u heshiisiinta iyo hirgelinta dowladnimada.