10/6/2022
Today from Hiiraan Online:  _
Wararka Maanta- Axad, Sept 11, 2022
Ku dhawaad shan qof oo ku geeriyooday qarax loo maleynayo ismiidaamin oo ka dhacay tuulada Milxo ee gobolka Sanaag
 

Axad, September, 11, 2022 (HOL) - Ku dhawaad shan qof ayaa ku geeriyooday, tiro ka badana way ku dhaawacmeen qarax loo maleynayo inuu yahay ismiidaamin oo ka dhacay deegaanka Milxo oo hoos taga degmada Laasqorey ee Sanaag.

Weerarkan ayaa galabta casir gaabkii lala eegtay dad shacab ah oo ku sugnaa meel maqaaxi ah oo lagu shaaho, waxaana loo maleynayaa inay ka dambeeyaan ururka Alshabaab, oo halkaas meelo aan ka fogayn ka howlgala.

Lama oga sababta weerarkan loola beegsaday deegaanka Milxo, hase ahaatee warar aan helnay waxay sheegayaan in dhawaanahan uu jiray dhaqdhaqaaqyada ciidamo deegaanka ah oo ka horyimid lacago canshuur ah oo Shabaabku ka qaadi jireen dadka deegaanka Milxo.

Deegaanka Milxo waa dhul laga baarto macdanta, waxaana tiro dhowr jeer ah ka dhacay iska- horimaadyo u dhaxeeya Alshabaab iyo ciidamo Macaaawisley ah oo aan cidna hoos tagin.

Deegaankan ayaa katirsan Puntland inkastoo uu maamulka uusan wax xarumo dowladdeed ah ku lahayn. Sidoo kal Somaliland ayaa sheegata.












Click here
9/11/2022 1:26 PM EST
Axad, September, 11, 2022 (HOL) - Wararka ka imaanaya magaalada Baledweyne ee xarunta gobolka Hiiraan ayaa sheegaya in Caawa abaare 07:00 Fiidnimo laba qarax oo nooca gacanta laga tuuro ah lagu weeraray barkoontarool oo ku taala Xaafada Buundaweyn.

9/11/2022 1:21 PM EST
Axad, September, 11, 2022 (HOL) - Madaxweynaha Kenya, William Ruto ayaa markii ugu horraysay ka hadlay Qaadka dalkiisu u dhoofiyo Soomaaliya, kaasoo bishii August dib loo fasaxay kadib muddo labo sano oo hakad uu ku jiray.

9/11/2022 10:04 AM EST
Axad, September, 11, 2022 (HOL) - Waxaa goordhaw si raami ah uga furmay xarunta Madaxtooyada Soomaaliya shirka Golaha Wadatashiga Qaran ee u dhaxeeya madaxda dowladda Fedaraalka iyo kuwa maamul goboleedyada dalka, iyadoo uu shir guddoominaayo madaxweynaha Soomaaliya Xasan Sheekh Maxamuud.

9/11/2022 5:42 AM EST
Axad, September, 11, 2022 (HOL) - Wasiirka arrimaha dibadda iyo iskaashiga caalamiga ah ee xukuumada Soomaaliya, Abshir Cumar Jaamac Haruuse, ayaa magaalada Muqdisho kula kulmay diblomaasiyiin shisheeye.

9/11/2022 3:06 AM EST
Axad, September, 11, 2022 (HOL) - Wararka naga soo gaaraya magaalada Baledweyne ee xarunta gobolka Hiiraan ayaa sheegaya in goordhaw uu halkaasi ka dhacay qarax haleelay gaari ay saarnayeen ciidamo ka tirsan Booliiska magaalada Baledweyne, gaar ahaan kuwa miino baarista xili uu maraayay wadada laamiga ah ee isku xirta gudaha magaalada iyo garoonka diyaaradaha Ugaas Khaliif.

9/11/2022 2:29 AM EST
Axad, September, 11, 2022 (HOL) - Maanta oo Axad ah ayaa lagu wadaa in magaalada Muqdisho uu ka furmo shirka Golaha Wadatashiga Qaranka ee madaxda dowladda Fedaraalka iyo kuwa dowlad goboleedyada dalka, waxaana Muqdisho ku wada sugan madaxweynayaasha maamul goboleedyada marka laga reebo madaxweynaha Puntland oo aan wali Muqdisho soo gaarin.

9/11/2022 2:19 AM EST
Axad, September, 11, 2022 (HOL) - Puntland ayaa digniin kasoo saartay isku dayo falal argigixiso oo kooxda Alshabaab ay u maleegayso inay ka geysato gudaha magaalooyinka Puntland.