Axad, October, 30, 2022 (HOL) - Ra’iisul Wasaaraha xukuumada Soomaaliya Xamse Cabdi Barre ayaa magacaabay guddi toban xubnood ka kooban oo kashaqeyn doona gurmadka dadka ku waxyeeloobay qaraxyadii Soobbe.
Guddigan uu Ra’iisul Wasaaruhu magacaabay ayaa u xilsaaran, hubinta iyo la socodka qasaarihii ka dhashay qaraxyada, fidinta caawimaad deg deg ah dadkii wax yeeladu ka soo gaartay qaraxyada, diiwaan gelin iyo baadi goobka dadka la la’yahay, isku xirka iyo howlaha gurmadka, iyo xal u helidda iyo xoojinta adeeg-yada caafimaad ee Isbitaallada Dalka.
Magacaabidda guddigan ayaa kusoo aaday iyadoo dowladda Soomaaliya lagu dhalliilayay inay ka gaabisay ka jawaabidda gurmadka dadka dhibbanayaasha, iyo inay wax sahlan ka dhigtay khasaaraha ka dhashay qaraxyada.
24 saac kadib dowladdu weli gurmad la taaban karo ma samaynin. Khasaaruhu waa sii kordhayaa. Dad badan ayaa weli lagu la la'yahay nolol iyo geeri, halka isbitaaladii gaarka ahaana ay lacago dul dhigeen dadka dhiiggooda ku tabarucayay.
Guddiga la magacaabay.
1. Dr. Cali Xaaji Aadan wasiirka caafimaadka Guddoomiye
2. Dr. Maxamed Axmed Sh Cali Wasiirka Amniga Gudaha Xubin
3. Faarax Sheekh Cabdiqaadir Wasiirka Waxbarashada Xubin
4. Daa’uud Aweys Jaamac. Wasiirka Warfaafinta Xubin
5. Khadiijo Maxamed Diiriye Wasiirka Haweenka Xubin
6. Abshir Maxamed Axmed Wasiiru dowlaha Madaxtooyada Xubin
7. Xirsi Jaamac Gaani Wasiiru dowlaha XRW Xubin
8. Yuusuf Xuseen Jimcaale Guddoomiyaha Gobolka Banaadir Xubin
9. Maxamuud Macallin Cabdulle Guddoomiyaha SODMA Xubin
10. Cabdulqaadir Cabdullaahi Faarax Maareeyaha NEOC Xogheyn