10/1/2022
Today from Hiiraan Online:  _
Wararka Maanta- Talaado, May 3 , 2022
Qaramada Midoobay oo sheegtay in saxaafadda Soomaaliya lagu hayo cabsi galin joogto ah
 

Talaado, May, 3, 2022 (HOL) - Xafiiska Qaramada Midoobay ee Soomaaliya ayaa sheegay in Saxafiyiinta ku sugan Soomaaliya lagu hayo hanjabaad joogto ah iyo cabsi galin ka dhan ah gudashada waajibaadkooda shaqo.

Munaasabadda Maalinta Xorriyadda Saxaafadda Adduunka, ayuu danjiraha QM ku nuuxnuuxsaday doorka muhiimka ah ee warbaahinta dalku ay ku leedahay bulshada Soomaaliyeed.

"Saxaafadda Soomaaliya waa qayb muhiim ah oo ka mid ah kobaca dimuqraadiyadda, waxayna u baahan yihiin inay awooddaan inay shaqadooda si xor ah u wataan," ayuu yiri Ergeyga Gaarka ah ee Xoghayaha Guud ee Qaramada Midoobay u qaabilsan arrimaha Soomaaliya. Soomaaliya, James Swan.

Ururka Suxufiyiinta Soomaaliyeed ee FESOJ ayaa sheegay, in Muddadii u dhaxaysay May 2021 ilaa May, 2022, la diiwaan- geliyay 98 xad-gudub oo lagula kacay wariyayaasha Soomaaliyeed. Waxaana la dilay 1 weriye, waxaana la xiray 53 wariye, waxaana dhibaatayn iyo handadaad la kulmay 37 weriye.

Golaha Qaramada Midoobay oo maalinta xorriyadda saxaafadda adduunka asteeyay sannadkii 1993-kii, ayaa ah Maalin ay xasuusin u tahay dawladaha baahida loo qabo in la ixtiraamo xorriyadda saxaafadda, lagana difaaco weerarrada ka dhanka ah madax-bannaanidooda, iyo in la xuso saxafiyiinta naftooda ku waayey iyagoo gudanaya waajibaadkooda shaqo.

Abdiweli M. Sheikh, Hiiraan Online
[email protected]












Click here
5/3/2022 12:08 PM EST
Talaado, May, 3, 2022 (HOL) - Guddoomiyaha Golaha Shacabka Baarlamaanka 11-aad ee dalka Soomaaliya Sheekh Aadan Maxamed Nuur Madoobe ayaa kulan la qaatay Maanta dhamaan Taliyeyaasha iyo Saraakiisha sare ee ciidamada Qalabka Sida ee dowladda Soomaaliya.

5/3/2022 8:19 AM EST
Talaado, May, 3, 2022 (HOL) - Wasiirka dekedaha iyo gaadiidka badda ee Puntland, Axmed Yaasiin Saalax ayaa sheegay inay ku guulaysteen inay meesha ka saaraan shirkadda P&O port oo gacanta ku haysay dekeda Bosaso.

5/3/2022 5:03 AM EST
Talaado, May, 3, 2022 (HOL) - Dagaalamayaasha Al-shabaab ayaa faahfaahin hordhac ah ka bixiyay khasaaraha ka dhashay weerar qaraxyo ku bilaawday oo ay saaka aroornimadii hore ku qaadeen Saldhig ciidamada dowladda iyo kuwa Midowga Afrika ee ATMIS ay ku leeyihiin deegaanka Ceelbaraf ee gobolka Sh/dhexe, kaasoo geystay khasaare kala duwan oo dhimasho iyo dhaawacba leh.

5/3/2022 1:56 AM EST
Talaado, May, 3, 2022 (HOL) - Ciidamada Midowga Afrika ee nabad ilaalinta Soomaaliya ATMIS ayaa hub lagu soo qabtay howlgallo ka dhanka ah Al-Shabaab ku wareejiyay dowladda Soomaaliya.

5/3/2022 1:45 AM EST
Talaado, May, 3, 2022 (HOL) - Warar dheeraad ah ayaa kasoo baxaya weerar ku bilaawday qaraxyo xoogan oo lagu qaaday Saldhig ay cidamada dowladda iyo kuwa ATMIS ay ku leyihiin deegaanka Ceel baraf ee gobolka Sh/dhexe.

5/3/2022 1:38 AM EST
Talaado, May, 3, 2022 (HOL) - Askari ka tirsan ciidanka Maxkamada Sare ee Somaliland, ayaa toogasho ku dilay Najma Cabdillaahi Maykal oo ka tirsanayd shaqaalaha wasaarada beeraha.