6/28/2022
Today from Hiiraan Online:  _
Wararka Maanta- Talaado, May 17, 2022
Ciidamada Burundi iyo kuwa dowladda oo dib ula wareegay deegaanka Ceelbaraf iyo Qarax khasaare geystay oo ka dhacay Balcad
 

Talaado, May, 17, 2022 (HOL) - Ciidamada dowladda Soomaaliya iyo kuwa Burundi ee qeybta ka ah howlgalka Midowga Afrika ee ATMIS ayaa Maanta dib ula wareegay gacan ku heynta Saldhiga deegaanka Ceelbaraf, halkaas oo laba todobaad ka hor Al-shabaab kula wareegeen weerar culus oo ay qaraxyo ku bilaaween, kaasoo geystay khasaarahii ugu badnaa ee abid ciidanka Burundi kasoo gaara gudaha Soomaaliya.

Ciidamada Burundi ayaa inta aysan la wareegin deegaanka Ceelbaraf waxay aroornimadii hore ee saakay ku garaaceen tiro madaafiic ah oo ilaa hada aanan la ogeyn khasaaraha ay geysteen, waxaana la sheegay in ciidanka xoogiisa ay deegaanka ku tageen diyaaradaha khumaatiga u kaca ee loo yaqaano Helikobtarka.

Dhinaca kale qarax bambo oo ahaa nooca gacanta laga tuuro ayaa lagu weeraray goob Maqaayad ah oo ku taala afaafka hore ee xarunta degmada Balcad, kaasoo geystay dhaawacyo soo gaaray xubno ka tirsan maamulka Hirshabeelle.

Inta la xaqiijiyay sadax ruux ayaa dhaawacyo kasoo gaareen weerarka bambaano, waxaana dadka ku dhaawacmay ka mid ah guddoomiyaha Maxkamada degmada Balcad, guddoomiyaha tuulada Mareereey iyo mid ka mid ah nabadoobada degmadaasi, sida uu warbaahinta u sheegay taliyaha Saldhiga Booliiska  degmada Balcad Gaashaanle Xuseen Macalin Cabdulle.

Taliyaha ayaa sidoo kale sheegay in qofka bambaanada ku tuuray Maqaayada uu isaga baxsaday goobta, hayeeshee ay ku raad joogaan ciidanka Booliiska degmada Balcad ee gobolka Sh/dhexe.

Al-shabaab ayaa inta badan weeraro qaraxyo ah iyo kuwa toos ah waxay inta badan ka geystaan inta u dhaxeysa magaalooyinka Balcad iyo Jowhar ee gobolka Sh/dhexe.

Jamaal Cali Cabdi, Hiiraan Online












Click here
5/17/2022 4:25 PM EST
Talaado, May, 17, 2022 (HOL) - Madaxweynaha Soomaaliya Xasan Sheikh Maxamuud ayaa u mahadceliyay madaxweynaha dalka Maraykanka Joe Biden oggolaanshaha uu u fasaxay in ciidamada Mareykanka loo diro gudaha Soomaaliya, si ay uga qeyb qaataan la dagaalanka Alshabaab.

5/17/2022 12:52 PM EST
Talaado, May, 17, 2022 (HOL) - Madaxweynaha cusub ee dowladda Fedaraalka Soomaaliya Xasan Sheekh Maxamuud ayaa Maanta kulan la qaatay madaxweynayaasha Maamul goboleedyada dalka, kadib kulan qado ah oo uu sameeyay Madaxweynaha la doortay ee JFS Xasan Sheekh Maxamuud.

5/17/2022 8:05 AM EST
Talaado, May, 17, 2022 (HOL) - Madaxweynaha cusub ee Soomaaliya Xasan Sheekh Maxamuud ayaa kulan la qaatay Madaxweynaha xafiiska baneynaya Maxamed Cabdillahi Farmaajo. Waxaana la sheegay inay ka wada hadleen xil wareejinta xafiiska Madaxweynaha

5/17/2022 3:45 AM EST
Talaado, May, 17, 2022 (HOL) - Wararka ka imaanaya deegaanka Ceelbaraf ee gobolka Sh/dhexe ayaa sheegaya in ciidamada Burundi ee qeybta ka ah howlgalka ciidanka Midowga Afrika ee ATMIS in saakay aroornimadii hore tiro madaafiic ah ay ku garaaceen deegaanka Ceelbaraf.

5/17/2022 3:15 AM EST
Talaado, May, 17, 2022 (HOL) - Dowladda Mareykanka ayaa shacabka Soomaaliyeed ugu hambalyeysay dhameystirka hannaankii doorasho ee dalka. Waxayna sidoo kale u hambalyaysay madaxweyne Xasan Sheekh Maxamuud oo loo doortay madaxweynaha Jamhuuriyadda Federaalka Soomaaliya.

5/17/2022 1:58 AM EST
Talaado, May, 17, 2022 (HOL) - Qaramada Midoobay ayaa soo dhaweysay doorashadii madaxtinimo ee Soomaaliya la qabtay habeenimadii axada, taas oo uu ku guulaystay Xasan Sheikh Maxamuud.

5/17/2022 1:47 AM EST
Talaado, May, 17, 2022 (HOL) - Madaxweyne Joe Biden ayaa oggolaaday codsi uga yimid Pentagon-ka oo ku saabsanaa in ciidamada Mareykanka dib loogu soo celiyo Soomaaliya si ay uga hortagaan kooxda Al-Shabaab, sidaas waxaa sheegay sarkaal sare oo ka tirsan maamulka.

5/17/2022 1:45 AM EST
Talaado, May, 17, 2022 (HOL) - Xukuumada Somaliland iyo xisbiyada mucaaradka ah ee Waddani iyo UCID, ayaa heshiis rasmi ah ka gaadhay khilaafka xuska 18 May, isla markaana wadahadalo ku saabsan khilaafka doorashooyinka, ayaa loo balamay in ay bilaabmaan 18 May kadib.