6/28/2022
Today from Hiiraan Online:  _
Wararka Maanta- Isniin, May 16, 2022
Madaxwayne Mustafe cagjar oo hambalyo u diray Madaxwaynaha Soomaaliya ee xalay la doortay

Isniin, May, 16, 2022 (HOL) - Madaxwaynaha dowlad degaanka Soomaalida Mustafe cagjar, oo doorashadii Soomaaliya kaddib qoraal kooban soo dhigay bartiisa Facebook-ga ayaa waxa uu u hambalyeeyay Madaxwaynaha cusub ee Soomaaliya Xasan Sheekh Maxamuud.

Madaxwayne Mustafe cagjar ayaa qoraalkiisa sidan ku billaabay, "Anigoo ku hadlaya magacayga iyo ka Xukuumadda Dawladda Degaanka Soomaalida, waxaan hambalyo diiran u dirayaa Madaxweynaha Cusub ee Soomaaliya Mudane Xassan Sheikh Maxamuud. Waxaan ilaahay uga baryayaa in uu u fududeeyo gudashada waajibaadka culus ee loo igmaday".

"Waxaan sidoo kale u mahadnaqayaa Madaxweynihii hore Maxamed Cabdullahi Farmaajo oo door muhiim ah ka ciyaaray adkeeynta xidhiidhka walaaltinimo ee labada dal ee Soomaaliya iyo Itoobiya".

Sidoo kale qaar kamid ah Xisbiyada siyaasadda ee dowlad degaanka Soomaalida oo uu kamid yahay ONLF, ayaa iyaguna geestooda, waxay soo dhaweeyeen Madaxwaynaha cusub ee Soomaaliya ee xalay la doortay Xasan Sheekh Maxamuud.

Abdilahi Jawhar, Hiiraan Online
[email protected]












Click here
5/16/2022 3:36 PM EST
Isniin, May, 16, 2022 (HOL) - Xafiiska bahda Qaramada Midoobay ee Soomaaliya ayaa ugu hambalyeeyay Madaxweyne Xasan Sheekh Maxamuud doorashada loo doortay madaxwaynihii tobnaad ee dowladda federalka Soomaaliya.

5/16/2022 1:52 PM EST
Isniin, May, 16, 2022 (HOL) - Kooxda TPLF ee dagaalka kula jirta dowladda Itoobiya, ayaa farriin hambalyo ah waxay u direen Madaxwaynaha cusub ee Soomaaliya ee xalay la doortay Xasan Sheekh Maxamuud.

5/16/2022 9:59 AM EST
Isniin, May, 16, 2022 (HOL) - Madaxweynaha cusub ee dowladda Fedaraalka Soomaaliya Xasan Sheekh Maxamuud iyo guddoomiyaha Golaha Shacabka Sheekh Aadan Madoobe ayaa Maanta yeeshay kulankoodii ugu horeeyay.

5/16/2022 8:58 AM EST
Isniin, May, 16, 2022 (HOL) - Saaxiibada Soomaaliya ee caalamiga ah ayaa maanta soo dhaweeyay doorashada Madaxweyne Xasan Sheekh Maxamuud, oo xafiiska la wareegaya kadib bilo ay Soomaaliya ku jirtay xasillooni darro siyaasadeed.

5/16/2022 7:38 AM EST
Isniin, May, 16, 2022 (HOL) - Xukuumada Somaliland oo ku guda jirta qaban qaabada munaasibada 18 May, oo ah maalintii ay Somaliland ku dhawaaqday in ay gaar iskaga taagtay Soomaaliyada kale, ayaa xisbiyada mucaaradka uga digtay in ay gaar ugu dabaal dagaan maalintan.

5/16/2022 7:10 AM EST
Isniin, May, 16, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa hambalyo u diray madaxweynaha cusub ee Soomaaliya Xasan Sh. Maxamuud, isla markaana wuxuu ka codsaday in uu fuliyo go'aamadii kasoo baxay wadahadaladii Somaliland iyo Soomaaliya.

5/16/2022 6:41 AM EST
Isniin, May, 16, 2022 (HOL) - Saraakiisha ugu saraysa Ciidanka Booliiska Somaliland, ayaa ka digay banaanbaxyada uu balanqaaday xisbiga mucaaradka ah ee Waddani, waxayna sheegeen in aanay ogolaanayn wax nabadgalyada wax yeelaya.

5/16/2022 5:30 AM EST
Isniin, May, 16, 2022 (HOL) - Dowladda Soomaaliya ayaa dib u fasaxday duulimaadyada garoonka diyaaradaha ee Aadan Cadde, kadib muddo ka badan 24 saac ah oo lagusoo rogay Bandow la xiriiray arrimaha doorashada madaxweynaha.

5/16/2022 4:32 AM EST
Isniin, May, 16, 2022 (HOL) - Raysal wasaaraha Soomaaliya Maxamed Xuseen Rooble ayaa u hambalyeeyay madaxweynaha cusub ee Jamhuuriyadda Fedaraalka Soomaaliya oo Xalay loo doortay Xasan Sheekh Maxamuud.

5/16/2022 2:57 AM EST
Isniin, May, 16, 2022 (HOL) - Raysal wasaaraha dalka Itoobiya, Aby Ahmed Ali ayaa qoraal uu bartiisa twitterka soo dhigay ugu hambalyeey madaxweynaha cusub ee dowladda federalka Soomaaliya, Xasan Sheikh Maxamuud.

5/16/2022 2:21 AM EST
Isniin, May, 16, 2022 (HOL) - In ka badan 30 saacadood oo ay xaalad bandow ah ku jirtay magaalada Muqdisho ee Caasimadda Soomaaliya oo ay ka socotay doorashada madaxweynaha 10-aad ee Jamhuuriyadda Fedaraalka Soomaaliya, waxaa saaka dib u furmay dhaqdhaqaaqyadii kala duwana ee bulshada ku dhaqan Muqdisho.