6/28/2022
Today from Hiiraan Online:  _
Wararka Maanta- Axad, May 15, 2022
Wareegga labaad ee tartanka doorashada madaxweynaha oo billaabatay
 

Axad, May, 15, 2022 (HOL) - Wareegga labaad ee doorashada madaxweynaha ayaa goor dhowayd billaabatay, iyadoo ay ku tartamayaan afarta musharrax ee usoo gudubtay wareegga labaad, kuwaas oo kala ah, Farmaajo, Xasan Sheikh Maxamuud, Siciid Deni iyo Xasan Cali Kheyre.

Musharrixiinta wareeggaan usoo gudbay oo haysta codad isku dhow dhow ayaa sababtay in aanay jirin wax tanaasul ah oo la sameeyay.

Labada musharrax ee ugu codadka badan ayaa u gudbi doona wareegga saddexaad ee ugu dambeeya doorashada, iyadoo midkii wareegga saddexaad ku guulaysta uu ahaandoono madaxweynaha Soomaaliya.

Olole doorasho oo aad u xooggan ayaa dhacay intii lagu jiray nasashada, waxaana muuqata in musharraxiinta ay labo labo isku bahaysteen, islamarkaana midkii hara uu kan kale codkiisa ku taageeridoono.

Raysal wasaarihii hore ee Soomaaliya Xasan Cali Kheyre ayaa xildhibaannada labada aqal ka codsaday inay codkooda ugu hiiliyaan, si uu mushaarkooda kor ugu qaado wax badana dalka uga qabto.

Madaxweynaha Puntland Siciid Deni ayaa sidaas oo kale xildhibaannada ka codsaday inay codkooda siiyaan si uu dalka ugu hoggaamiyo doorasho qof iyo cod ah.

Doorashadan waxaa lagu tilmaami karaa doorashadii ugu adkayd ee madaxtinimada Soomaaliya, waana doorashadii ugu horraysay oo madaxweynihii talada hayay looga sarreeyo codadka doorashada.

Abdiweli M. Sheikh, Hiiraan Online
[email protected]












Click here
5/15/2022 5:26 PM EST
Axad, May, 15, 2022 (HOL) - Xasan Sheikh Maxamuud ayaa ku guulaystay xilka madaxweynaha dowladda federalka Soomaaliya, kadib markii wareeggii saddexaad ee doorashada uu kaga guulaystay madaxweyne Farmaajo.

5/15/2022 2:54 PM EST
Axad, May, 15, 2022 (HOL) - Wareeggii labaad ee doorashada madaxweynaha ayaa lasoo gabagabeeyay, iyadoo labada musharrax ee ugu codadka badan ay u gudbayaan wareegga ugu dambeeya ee doorashada.

5/15/2022 12:01 PM EST
Axad, May, 15, 2022 (HOL) - Waxaa goordhaw si rasmi ah usoo gabagaboobay tirinta natiijada codadka wareega koowaad ee tartanka doorashada Madaxweynaha 10-aad ee Jamhuuriyadda Fedaraalka Soomaaliya.

5/15/2022 9:38 AM EST
Axad, May, 15, 2022 (HOL) - Waxaa Maanta hakad ku jira dhamaan duulimaadyadii uu sameyn jiray garoonka diyaaradaha Aadan Cadde ee magaalada Muqdisho.

5/15/2022 7:56 AM EST
Axad, May, 15, 2022 (HOL) - Doorashada madaxweynaha Soomaaliya ayaa hadda ka billaabatay magaalada Muqdisho gaar ahaan teendhada Afisyooni, halkaas oo ay ku sugan yihiin in ka badan 300 xildhibaan oo dooran doona madaxweynaha Soomaaliya hoggaamin doona afarta sano ee soo socota.

5/15/2022 6:40 AM EST
Axad, May, 15, 2022 (HOL) - Dib u dhac ayaa ku yimid codaynta doorashada madaxweynaha Soomaaliya oo lagu waday inay billaabato 11 ka barqanimo ee maanta sida uu sheegay guddoomiyaha guddiga doorashada madaxweynaha.

5/15/2022 6:34 AM EST
Axad, May, 15, 2022 (HOL) - Warbaahinta madaxa bannaan ee loogu talo galay in ay soo tebiyaan doorashada madaxweynaha, ayaa sheegay in loo diiday inay hoolka doorashada la galaan Mobaylada iyo Kambuutarada ay ku shaqeynayaan.

5/15/2022 6:28 AM EST
Axad, May, 15, 2022 (HOL) - Xilli saacaddaha soo socda lagu wado inay bilaaabato doorashada madaxweynaha Soomaaliya, ayaa qaar kamid ah musharraxiinka u sharraxan madaxweynaha waxay hoolka doorashada ka dhex wadaan olole siyaasadeed oo ay codad kaga raadinaayan xildhibaannada.

5/15/2022 5:40 AM EST
Axad, May, 15, 2022 (HOL) - Guddoomiyihii hore ee gobolka Mudug, Xildhibaan Cabdiladiif Muuse Nuur Sanyare ayaa sheegay tallaabada ugu horreysa ee laga rabo barlamaanka cusub inay tahay meel marinta sharciga la dagaalanka Argagixisada.

5/15/2022 2:15 AM EST
Axad, May, 15, 2022 (HOL) - Guddoomiyaha Aqalka sare ee Itoobiya Agenyahu Teshager oo la hadlayay Wakaaladda Wararka ee Itoobiya ayaa sheegay in kooxda TPLF ay isu diyaarinayso in mar kale ay dagaal soo qaado.

5/15/2022 2:01 AM EST
Axad, May, 15, 2022 (HOL) - Kooxo bastoolo ku hubeysnaa ayaa Xalay magaalada Baledweyne ee xarunta gobolka Hiiraan waxay ku dileen nin dhalinyaro ah oo ka mid ahaa Ergadi dooratay kursiga tirsigisu yahay HOP 058.

5/15/2022 1:46 AM EST
Axad, May, 15, 2022 (HOL) - In ka badan 300 oo xildhibaan ayaa maanta isku diyaarinaya doorashada madaxweynaha Soomaaliya, iyadoo magaalada Muqdisho oo doorashadu ay ka dhacayso uu saaran yahay bandow.