6/27/2022
Today from Hiiraan Online:  _
Wararka Maanta- Sabti, May 14, 2022
Guddiga Doorashada Madaxweynaha Soomaaliya oo soo saaray fariin deg deg ah oo ku socota Musharaxiinta Madaxweynaha
 

Sabti, May, 14, 2022 (HOL) - Guddiga doorashada madaxweynaha Soomaaliya ayaa goordhaw soo saaray fariin ku socota Musharaxiinta u taagan tartanka madaxweynaha 10-aad ee Jamhuuriyadda Fedaraalka Soomaaliya.

War qoraal ah oo kasoo baxay guddiga ayaa looga dalbaday dhamaan Musharaxiinta iney guddiga usoo gudbiyaan magacyada Musharax kasta xubinta u qaabilsan tirinta codadka doorashada.

Guddiga ayaa qoraalka kasoo baxay waxay ku sheegeen in Musharaxii ku soo gudbin waaya waqtiga loo qabtay aysan suuragal u noqon doonin inuu hoolka doorashada soo galo qof la socda, waxaana Musharaxiinta laga codsaday in ugu dambeyn Maanta 12:30 ay kusoo gudbiyaan magacyada xubnaha codadka u tirin doona.

“Dhammaan Musharraxiinta Madaxwaynaha JFS waxaa laga codsanayaa in ay ka soo jawaabaan codsiga Guddiga Doorashada Madaxwaynaha oo ah in Musharrax kasta Guddiga u soo gudbiyo xubinta u tirinaysa codadka. Musharraxii ku soo gudbin waaya waqtiga loo qabtay uma suurta gali doonto in uu hoolka doorashada soo galo qofka la socda FG: Waqtiga kama danbaysta ah ee soo gudbinta magacyada waa 12:30  Duhurnimo ee maanta” ayaa lagu yiri Qoraalka kasoo baxay Guddiga Doorashada Madaxweynaha.

Maalinta berito ayaa lagu wadaa in teendhada Afisyooni ee magaalada Muqdisho ay ka dhacdo doorashada Madaxweynaha cusub ee hogaamin doono dalka Soomaaliya afarta sano ee soo socota, waxaana xilka Madaxweynaha u tartamaya 37 Musharax kadib markii ay tanasuleen saacadahii lasoo dhaafay laba Musharax, waxaana haatan Muqdisho siweyn uga socda ololihii ugu dambeeyay ee doorashada madaxweynaha dalka.

Jamaal Cali Cabdi, Hiiraan Online












Click here
5/14/2022 3:30 PM EST
Sabti, May, 14, 2022 (HOL) - Beesha caalamka ayaa caawa ugu baaqday dhammaan xubnaha Baarlamaanka ee labada aqal inay waajibaadkooda dastuuriga ah u gutaan si ay ku jirto danta dalka.

5/14/2022 10:54 AM EST
Sabti, May, 14, 2022 (HOL) - Daahir Maxamuud Geelle oo ka mid ahaa Musharaxiinta madaxweynaha 10-aad ee dalka Soomaaliya ayaa goordhaw si rasmi ah u shaaciyay inuu isaga haray tartanka doorashada xilka madaxweynaha oo lagu wado in maalinta berito ah ay ka dhacdo magaalada Muqdisho.

5/14/2022 9:50 AM EST
Sabti, May, 14, 2022 (HOL) - Maxamuud Daahir Jaamac oo kamid ah xubnaha Guddida Doorashooyinka Somaliland, ayaa iscasilay kadib khilaaf soo kala dhexgalay xubnaha guddida.

5/14/2022 8:55 AM EST
Sabti, May, 14, 2022 (HOL) - Xisbiyada mucaaradka Somaliland ee Waddani iyo UCID, ayaa ku dhawaaqay in ay si gaar ah ugu dabaal dagi doonaan munaasibada 18 May, waxayna sheegeen in anay tagi doonin fagaaraha uu madaxweyne Biixi kaga qayb galayo munaasibada.

5/14/2022 8:01 AM EST
Sabti, May, 14, 2022 (HOL) - 4 qof ayaa ku nafwaayay 7 kalena way ku dhaawacmen shil baabuur oo ka dhacay xaafada Burcada-yar ee magaalada Hargaysa.

5/14/2022 7:55 AM EST
Sabti, May, 14, 2022 (HOL) - Guddoonka labada Aqal ee Baarlamaanka ayaa maanta kulan ku saabsan amniga doorashada la yeeshay gudigga qabanqaabada doorashada madaxweynaha JFS iyo sarkiisha sare ee howlgalka ATMIS.

5/14/2022 7:11 AM EST
Sabti, May, 14, 2022 (HOL) - Wasiirka Wasaarada Arrimaha Guddaha Somaliland Maxamed Kaahin Axmed, oo ka jawaabay mudaharaadyadii uu balan qaaday musharaxa xisbiga Waddani, ayaa sheegay in xukuumadu dalka ku hogaaminayso nabadgalyo.

5/14/2022 3:23 AM EST
Sabti, May, 14, 2022 (HOL) - Booliiska Soomaaliya ayaa sheegay in caawa laga billaabo magaalada Muqdisho la galindoono xaalad Bandow ah oo looga golleeyahay adkaynta ammaanka magaalada Muqdisho oo ay berrito ka dhacayso doorashada madaxweynaha Soomaaliya.

5/14/2022 2:14 AM EST
Sabti, May, 14, 2022 (HOL) - Waxaa Maanta degan xaalada magaalada Dhuusamareeb ee Caasimadda maamul goboleedka Galmudug oo shalay dagaalo xoogan ay ku dhaxemareen ciidamada dowladda Soomaaliya iyo kuwa Ahlusunna Waljameeca.

5/14/2022 1:57 AM EST
Sabti, May, 14, 2022 (HOL) - Guddoomiyaha Golaha Shacabka Jamhuuriyadda Federaalka Soomaaliya Sheekh Aadan Maxamed Nuur (Madoobe) ayaa kulan la qaatay madaxda warbaahinta madaxa banaan iyo qaar ka mid ah hoggaanka ururadda saxaafada ee dalka oo horay cabasho ugu gudbiyay guddoomiyaha Baarlamaanka.

5/14/2022 1:46 AM EST
Sabti, May, 14, 2022 (HOL) - Musharrax madaxweyne Cabdinaasir Cabdille Cusmaan, oo kamid ahaa musharraxiinta isku diiwaan galiyay doorashada madaxweynaha, ayaa sheegay inuu go’aansaday inuu u tanaasulo oo uu taageero musharax Madaxweyne Cabdiraxmaan Cabdishakuur Warsame.