8/18/2022
Today from Hiiraan Online:  _
Wararka Maanta- Axad, Jun 26, 2022
Dowladda Soomaaliya oo sheegtay inay la imaanayso siyaasad lagu wajahayo wadahadalka Somaliland
 

Axad, Juun, 26, 2022 (HOL) - Raysal wasaare Xamse Cabdi Barre, ayaa sheegay inay dowladda Soomaaliya ka shaqeynayso tabo iyo siyaasado iskusoo dhoweynaya Soomaaliya iyo Somaliland.

Raysal wasaaraha oo ka qeyb galayay xuska 62 guuradii kasoo wareegtay markii gobolada waqooyi ay xornimada ka qaateen gumaystihii Inguriiska, ayaa wuxuu ballanqaaday in xukuumadiisu ay ka fogaandoonto wax kasta oo keenaya in boogo jira la damqiyo.

“Maadaama dadka Soomaaliyeed ay dhinac walba isku xiran yihiin, waxaa lagama maarmaan ah in la ilaaliyo Soomaalinida iyo walaalnimada, lagana fogaado wax kasta oo keenaya dhibaato,” ayuu yiri raysal wasaaraha.

Ra’iisul Wasaaraha ayaa xusay in 26ka June ay huwan tahay taariikh aad u dheer ayna tahay maalintii ugu horraysay ee ummada Soomaaliyeed ay ka xaroobaan gumayste.

Wuxuu sheegay raysal wasaaruhu in dadka reer waqooyi la’aan tood aysan suuragasheen gobonimada maanta lagu faanayo. Isagoo sheegay in xukuumadiisa ay dadaal xooggan ku bixinayso in dib loosoo celiyo wada hadalkii.

Somaliland ayaa joojisay wada xaajoodkii ay kula jirtay dowladda Soomaaliya, kadib markii ay sheegtay in dowladdii hore ay qaatay tallaabooyin ka dhan ahaa gooni isku taagooda.

Abdiweli M. Sheikh, Hiiraan Online
[email protected]












Click here
6/26/2022 4:17 PM EST
Axad, Juun, 26, 2022 (HOL) - Wasiirka maaliyadda Soomaaliya, Cabdiraxmaan Ducaale Bayle, ayaa sheegay inuu diyaar u yahay inuu iska difaaco su’aalo la xiriira arrimaha maaliyadda oo uga yimid xafiiska xeer ilaalinta.

6/26/2022 2:32 PM EST
Axad, Juun, 26, 2022 (HOL) - Ergayga madaxweynaha Soomaaliya u qaabilsan abaaraha, Cabdiraxmaan Cabdishakuur ayaa ku eedeeyay guddoonka labada aqal ee barlamaanka, inay hor taagan yihiin in qeyb kamid ah lacagtii laga aruriyay musharraxiinta madaxweynaha, laga bixiyo gurmadka abaaraha.

6/26/2022 8:21 AM EST
Axad, Juun, 26, 2022 (HOL) - Ganacsatada qaadka ee Somaliland , ayaa go'aan ku gaadhay in ay si buuxda u joojiyaan qaadkii ay Itoobiya ka soo iibsan jireen, kadib markii ay Oromadu qaaliyaysay.

6/26/2022 2:03 AM EST
Axad, Juun, 26, 2022 (HOL) - Madaxweynaha Somaliland Muuse Biixi Cabdi, ayaa dowlada Soomaaliya ugu baaqay in ay Somaliland ka garbaxdo, oo anay kaliya afmacaan kula hadal.

6/26/2022 1:53 AM EST
Axad, Juun, 26, 2022 (HOL) - Maamulka Puntland ayaa magaalada Bosaso kusoo dhoweeyay 17 muwaadiniin Soomaaliyeed ah, kuwaas oo muddo 12 sano ah dambiyo burcad baddeednimo ugu xirnaa dalka Cumaan.

6/26/2022 1:33 AM EST
Axad, Juun, 26, 2022 (HOL) - Raysal wasaaraha Soomaaliya, Xamse Cabdi Barre oo shalay xasaanad ka helay barlamaanka Soomaaliya, ayaa markii ugu horeysay ka hadlay suurtagalnimada in khilaaf dhexmari karo isaga iyo madaxweynaha, si lamid ah madaxdii dowladdihii ka horeeyay.

6/26/2022 1:26 AM EST
Axad, Juun, 26, 2022 (HOL) - Madaxweynaha Somaliland Muuse Biixi Cabdi, ayaa sheegay in uu diyaar u yahay, in uu la hadlo oo uu dhagaysto mucaaradka.