8/15/2022
Today from Hiiraan Online:  _
Wararka Maanta- Sabti, Jun 25, 2022
Al-Shabaab oo muddo labo saacadood ah haystay gaari rakaab ah oo ka yimid Nairobi
 

Sabti, Juun, 25, 2022 (HOL) - Dagaalamayaal katirsan ururka Al-Shabaab ayaa wadada u galay oo istaajiyay Bas ay la socdeen dad rakaab ah oo kusii jeeday degmada Mandheera ee gobolka Waqooyi Bari ee Kenya.

Dhacdadan oo ka dhacday deegaanka Kutulo oo ku dhow xuduudka Kenya iyo Soomaaliya, ayaa Alshabaab waxay baadi goobayeen dad aan u dhalan degmada Mandheera oo la socday gaariga.

Baska oo rakaab kasoo qaaday magaalada Nairobi kuna sii jeeday Mandheera, waxaa jidka u galay rag aad u hubeysan oo katirsan Alshabab, kuwaas oo rakaabka haystay muddo labo saacadood oo baaritaan ah,

Alshabaab waxay sidoo kale joojiyeen Taksi ka yimid Kotulo oo ku sii jeeday Ceelwaaq iyo Mooto ka soo baxay Tuulada Dimu.

Kadib markii ay waayeen dadkii ay raadinayeen waxay  Alshabaab, dadka ujeediyeen waxay ugu yeereen muxaadaro ku baxaysay luuqada Soomaaliga, taas oo inta badan rakaabka aysan fahmin, sida ay qaar kamid ah rakaabka u sheegeen laamaha Booliiska.

Bishii Disembar 2019, siddeed rakaab ah oo aan ahayn dadka deegaanka ayaa lagu dilay weerar ay Alshabaab ay ka sameeyeen isla aaggan.

Mid ka mid ah weeraradii ugu xumaa ee ka dhacay gudaha dalka Kenya, Al-Shabaab ayaa sanadkii 2014-kii afduubtay bas marayey degmada Mandheera, waxaana ay ku dileen 28 qof oo aan Muslim ahayn.

Abdiweli M. Sheikh, Hiiraan Online
[email protected]












Click here
6/25/2022 11:16 AM EST
Sabti, Juun, 25, 2022 (HOL) - Shirkada Sky Power oo ah mid kamid ah shirkadaha ugu waa wayn ee dhaliya quwada korontada caalamka, ayaa cilmi-baadhis ku samaynaysa kadibna maalgashan doonta suuqa korontada ee Somaliland.

6/25/2022 8:11 AM EST
Sabti, Juun, 25, 2022 (HOL) - Wasiirka Maaliyadda Soomaaliya, Cabdiraxmaan Ducaale Bayle ayaa maanta looga yeeray xafiiska xeer ilaaliyaha guud ee qaranka, sida lagu sheegay qoraal rasmiya oo kasoo baxay xeer ilaaliyaha guud.

6/25/2022 7:44 AM EST
Sabti, Juun, 25, 2022 (HOL) - Madaxda ugu saraysa xisbiga mucaaradka Somaliland ee Waddani, oo booqasho ugu tagay muwaadin kii sheegay in booliisku jidh dileen, ayaa cambaareeyay waxyeelada uu sheegay in booliisku kula kaceen.

6/25/2022 6:50 AM EST
Sabti, Juun, 25, 2022 (HOL) - Madaxweynaha Soomaaliya Xasan Sheekh Maxamuud ayaa ku bogaadiyey Golaha Shacabka ansixinta Ra’iisul Wasaaraha Xukuumadda Federaalka Soomaaliya Xamse Cabdi Barre oo 15-kii Bishan uu magacaabay Madaxweynuhu.

6/25/2022 5:34 AM EST
Sabti, Juun, 25, 2022 (HOL) - Baarlamaanka Soomaaliya ayaa goor dhowayd cod aqbliyad leh ku ansaxiyey Raysal wasaare Xamse Cabdi Barre, kadib markii uu maanta hortagay oo uu ka jeediyay barnaamijkiisa siyaasadeed ee xukuumada soo socota.

6/25/2022 1:47 AM EST
Sabti, Juun, 25, 2022 (HOL) - Wasiir katirsan maamulka Puntland ayaa ku eedeeyay xildhibaannada Puntland lagasoo doortay inay masuul ka yihiin guul darradii madaxweyne Deni kasoo gaartay doorashadii madaxtinimada Soomaaliya.

6/25/2022 1:41 AM EST
Sabti, Juun, 25, 2022 (HOL) - Xildhibaanadda Golaha Shacabka Baarlamaanka 11-aad ee dowladda Fedaraalka Soomaaliya ayaa Maanta oo Sabti ah fadhigooda waxay ugu codeynayaan Raysal wasaaraha cusub ee dhawaan la magacaabay Xamse Cabdi Barre oo haddii uu codka kalsoonida uu ka helo Baarlamaanka Soomaaliya soo magacaabi doono Xukuumad sidaan oo kale u hortagi doonto Golaha Shacabka.