8/15/2022
Today from Hiiraan Online:  _
Wararka Maanta- Sabti, Jun 25, 2022
Guddoomiye Xirsi: Waa ayaan daro aad u wayn in ragii xiniinyaha laga garaaco
 

Sabti, Juun, 25, 2022 (HOL) - Madaxda ugu saraysa xisbiga mucaaradka Somaliland ee Waddani, oo booqasho ugu tagay muwaadin kii sheegay in booliisku jidh dileen, ayaa cambaareeyay waxyeelada uu sheegay in booliisku kula kaceen.

Guddoomiyaha xisbiga Xirsi Cali Xaaji Xasan oo ay weheliyaan musharaxa madaxweynaha Cabdiraxmaan Maxamed Cabdillaahi Cirro iyo saraakiil kale, oo isbitaalka ku booqday Maxamed Cali Maxamed oo sheegay in askar booliis ahi xiniinyaha kaga tunteen intii uu socday mudaharaadkii 9 Juun, ayaa ayaan daro ku tilmaamay jidhdilka booliiska lagu eedeeyay.

"Waa ayaan daro aad u wayn weeyaan in ragii xiniinyaha laga garaaco, dumarkiina beerka iyo naasaha laga garaaco, waa waxan ina soo marin, oo aad u foolxun, waad arkayseen inantii la garaacayay" ayuu yidhi guddoomiye Xirsi.

Xirsi ayaa wax laga xumaado ku tilmaamay in booliisku uu dafiro jidhdilka lagu eedeeyay, waxaanu sheegay in hadiiba dhibku dhacay in ay ahayd in dhakhtar si dhakhso ah loo geeyo, lagana raali galiyo dhibka soo gaadhay.

"Waxa kasii daran in booliiskii dhibkaa gaystay uu dafiro oo uu yidhaahdo nabaro ayuu qabay iyo wax caynkaas ah ... waxay ahayd marka hore in aan dhib loo gaysan, marka labaad haday dhibi gaadhay lala tacaalo, marka saddexaadna in laga raali galiyo" ayuu yidhi guddoomiye Xirsi.

Maxamed ayaa danbi-baadhe ka tirsan Saldhiga Dhexe ee Hargaysa ku eedeyay in uu xiiniinyaha kaga tuntay intii uu socday mudaharaadkii mucaaradku soo abaabuleen ee 9 Juun, taasina ay sababtay in mid kamid ah xiniinyihiisu ay dhimato oo laga saaro, eedeyntaas oo booliisku waxba kama jiraan ku tilmaameen, sheegeena in xiniintu horay u xanuunaysay.

Maxamed oo kamid ah taageerayaasha xisbiga Waddani, ayaa horey iskaga soo duubay muuqaalo uu qori sito, oo uu madaxweynaha ugu hanjabayo in uu qori-caaradii madaxtooyada kaga soo saari doono.

Abdilahi Geel-maal, Hiiraan Online
[email protected]












Click here
6/25/2022 11:16 AM EST
Sabti, Juun, 25, 2022 (HOL) - Shirkada Sky Power oo ah mid kamid ah shirkadaha ugu waa wayn ee dhaliya quwada korontada caalamka, ayaa cilmi-baadhis ku samaynaysa kadibna maalgashan doonta suuqa korontada ee Somaliland.

6/25/2022 8:11 AM EST
Sabti, Juun, 25, 2022 (HOL) - Wasiirka Maaliyadda Soomaaliya, Cabdiraxmaan Ducaale Bayle ayaa maanta looga yeeray xafiiska xeer ilaaliyaha guud ee qaranka, sida lagu sheegay qoraal rasmiya oo kasoo baxay xeer ilaaliyaha guud.

6/25/2022 7:47 AM EST
Sabti, Juun, 25, 2022 (HOL) - Dagaalamayaal katirsan ururka Al-Shabaab ayaa wadada u galay oo istaajiyay Bas ay la socdeen dad rakaab ah oo kusii jeeday degmada Mandheera ee gobolka Waqooyi Bari ee Kenya.

6/25/2022 6:50 AM EST
Sabti, Juun, 25, 2022 (HOL) - Madaxweynaha Soomaaliya Xasan Sheekh Maxamuud ayaa ku bogaadiyey Golaha Shacabka ansixinta Ra’iisul Wasaaraha Xukuumadda Federaalka Soomaaliya Xamse Cabdi Barre oo 15-kii Bishan uu magacaabay Madaxweynuhu.

6/25/2022 5:34 AM EST
Sabti, Juun, 25, 2022 (HOL) - Baarlamaanka Soomaaliya ayaa goor dhowayd cod aqbliyad leh ku ansaxiyey Raysal wasaare Xamse Cabdi Barre, kadib markii uu maanta hortagay oo uu ka jeediyay barnaamijkiisa siyaasadeed ee xukuumada soo socota.

6/25/2022 1:47 AM EST
Sabti, Juun, 25, 2022 (HOL) - Wasiir katirsan maamulka Puntland ayaa ku eedeeyay xildhibaannada Puntland lagasoo doortay inay masuul ka yihiin guul darradii madaxweyne Deni kasoo gaartay doorashadii madaxtinimada Soomaaliya.

6/25/2022 1:41 AM EST
Sabti, Juun, 25, 2022 (HOL) - Xildhibaanadda Golaha Shacabka Baarlamaanka 11-aad ee dowladda Fedaraalka Soomaaliya ayaa Maanta oo Sabti ah fadhigooda waxay ugu codeynayaan Raysal wasaaraha cusub ee dhawaan la magacaabay Xamse Cabdi Barre oo haddii uu codka kalsoonida uu ka helo Baarlamaanka Soomaaliya soo magacaabi doono Xukuumad sidaan oo kale u hortagi doonto Golaha Shacabka.