6/28/2022
Today from Hiiraan Online:  _
Wararka Maanta- Jimco, Jun 24, 2022
Korontada oo maqnaandoonta saacadaha qaar magaalooyinka Somaliland 1 August kadib
 

Jimco, Juun, 24, 2022 (HOL) - Shidaal yaraan dhacday awgeed korontada, ayaa habeenkasta magaalooyinka Somaliland ka maqnaandoonta saacadaha u dhexeeya 11:00 ilaa 4:00 habeenimo marka la gaadho 1 August.

Guddoomiyaha iskaashatada shirkadaha korontada Ilyaas Xaamud Jibriil, oo waraysi gaar ah siiyay BBC Somali, ayaa sheegay in ay talaabadan ku kaliftay shidaal yaraanta awgeed, markaa ay rabaan in ay beekhaamiyaan shidaalka ay hayaan si aanu dhakhso ugu dhamaan.

"Arrintaasi xaqiiqiyan maaha wax saluug ku xidhan ee waa shidaalka aan haysana inta uu noo gaadhayo, waad la socotaa caalamka shidaalku halka uu marayo, Somaliland-na helitaankii ayaaba yarba, wixii aanu hayno, ayaanu rabnaa in aanu shacabka aan adeega siino u beekhaamino" ayuu yidhi Ilyaas.

Hadaba shidaal yaraanta dhacday kadib, shirkadaha laydhka ee Somaliland, ayaa qiimaha korontada kor u qaaday, talaabadaas oo xukuumada Somaliland ka hortimid isla markaana joojisay, kadibna waxa ku xigtay talaabadan ay shirkaduhu adeegi korontada meesha kaga saarayaan saacado kamid ah habeenkii.

Cunaqabataynta ay reer galbeedku kaga jawaabeen duulaanka Ruushka ee Yukrayn, ayaa loo aanaynayaa in ay keentay in qiimaha shidaalka uu kor u kaco meelaha qaar koodna la waayaba, madaama oo uu Ruushku ahaa mid kamid ah dowladaha soo saara gaaska ugu badan ee adduunka.

Afrika ayaa dhibanaha koowaad ka ah dagaalka Yukrayn sida madaxweynaha Yukrayne Volodymyr Zelenskyy sheegay, madaama oo dalkiisu uu ahaa mid kamid ah dalalka Afrika ugu tiirsantahay cuntada, halka Ruushkana laga heli jiray shidaalka, taasi oo istaagtay dagaalka awgii.

Abdilahi Geel-maal, Hiiraan Online
[email protected]












Click here
6/24/2022 5:43 PM EST
Jimco, Juun, 24, 2022 (HOL) - Xukuumada Somaliland ayaa wax aan la aqbali karin ku tilmaantay, go'aanka shirkadaha korontadu ku sheegeen in ay korontadu maqnaan doonto habeenkasta saacadaha u dhexeeya 1:00 ilaa 400 habeenimo laga bilaabo 1 August.

6/24/2022 8:45 AM EST
Jimco, Juun, 24, 2022 (HOL) - Madaxweynaha Soomaaliya Xasan Sheikh Maxamuud ayaa laga helay caabuqa COVID-19, baaritaan uu maray kadib markii uu maanta dalka dib ugusoo laabtay.

6/24/2022 7:31 AM EST
Jimco, Juun, 24, 2022 (HOL) - Maxamed Cali Maxamed oo reer Hargaysa ah, ayaa Ciidanka Booliiska Somaliland ku eedeeyay in ay u gaysteen jidhdil sababay in mid kamid ah xiniinyihiisu ay dhimato, intii uu socday mudaharaadkii 9 Juun.

6/24/2022 7:14 AM EST
Jimco, Juun, 24, 2022 (HOL) - Booliiska dalka Mozambique ayaa xiray 5 qof oo Soomaali ah oo looga shakisan yahay inay ka tirsan yihiin shabakad isku xiran oo falal isugu jira afduub iyo ganacsi ka sameeya maandooriyaha magaalada xeebta ku taal ee Beira ee gobolka Sofala.

6/24/2022 5:08 AM EST
Jimco, Juun, 24, 2022 (HOL) - Ciiddanka PSF-ta Puntland ayaa gacanta kusoo dhigay saddex xubnood oo katirsan kooxda Daacish, kuwaas oo dhalasho ahaan kasoo jeeda Qowmiyadda Oromada ee dalka Ethiopia.

6/24/2022 4:54 AM EST
Jimco, Juun, 24, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, oo waraysi gaar ah siiyay Universal TV, ayaa sheegay in ergo beesha caalamka ka socota oo uu Nairobi kula kulmay, uu uga warbixiyay mawqif mucaaradka, ee ku aadan in aanay aqbalayn doorashada urrurada siyaasada.

6/24/2022 3:11 AM EST
Jimco, Juun, 24, 2022 (HOL) - Wasaaradda amniga maamulka Koonfur galbeed ayaa digniin u dirtay siyaasiyiin ay ku eedeysay inay qalqal amni ka abuurayaan deegaannada Koonfur Galbeed.

6/24/2022 12:53 AM EST
Jimco, Juun, 24, 2022 (HOL) - Telefishinka Channel 4 ee laga leeyahay dalka UK, ayaa la kulmay in ka badan 100 cabasho ah oo ka dhan ah barnaamij weriye Jamaal Cismaan uu dhawaan ka diyaariyay ururka Al-Shabaab.

6/24/2022 12:39 AM EST
Jimco, Juun, 24, 2022 (HOL) - Ergayga madaxweynaha Soomaaliya uqaabilsan arrimaha abaaraha, Cabdiraxmaan Cabdishakuur Warsame, ayaa soo jeediyay in hoos loo dhigo xuska maalmaha xorriyada dalka, isagoo sheegay dalku inuu ku jiro xaalad aan mudnayn dabaal deg.