6/28/2022
Today from Hiiraan Online:  _
Wararka Maanta- Arbaco, Jun 22, 2022
Imaaraatka carabta oo $20 million ugu deeqay gurmadka abaaraha Soomaaliya

Arbaco, Juun, 22, 2022 (HOL) - Madaxweynaha  Soomaaliya Xasan Sheekh Maxamuud ayaa kulan la qaatay Madaxweynaha dalka Imaaraadka Carabta Sheekh Maxamed Binu Saayid.

Kulanka Labada Madaxweyne ayaa lagu lafa guray hagaajinta xiriirka iyo iskaashiga labada dal, fududeynta dhaq-dhaqaaqa ganacsiga, isu-socdka muwaadiniinta iyo bixinta dal ku galka.

Madaxweynaha dowladda Imaaraatka ayaa kulankan kaga dhawaaqay inay Soomaaliya ugu deeqeen $20 million oo ay ugu talo galeen in dowladdiisu uga qeyb qaadato gurmadka abaaraha Soomaaliya.

Wuxuu sidoo kale ballanqaaday in ay Muqdisho dib uga furidoonto isbitaalkii Sheikh Sayid, in shirkaddaha duulimaadyada dalkiisa ay dib u bilaabi doonaan duulimaadyadii tooska ahaa ee magaalada Muqdisho iyo in dadka Soomaaliyeed loo fududeeyo fiisaha dal ku galka dalkaas.

Madaxweyne Xasan Sheekh Maxamuud ayaa uga mahadceliyey dowladda iyo shacabka Imaaraatka, garab istaagga ay u muujiyeen Shacabka Soomaaliyeed ee ay abaaruhu saameeyeen, isagoo sheegay in dowladdiisu ay ahmiyad gaar ah siineyso xoojinta xiriirka labada dal.

Madaxweyne Xasan sheilkh ayaa safarkiisii ugu horreeyay ku tagay dalka Imaaraatka oo kamid ah waddamada saamaynta ku leh Soomaaliya.

Abdiweli M. Sheikh, Hiiraan Online
[email protected]












Click here
6/22/2022 7:45 AM EST
Arbaco, Juun, 22, 2022 (HOL) - Qaar kamid ah wefdigii madaxweynaha dowladda Soomaaliya, Xasan Sheikh Maxamuud u raacay dalka isku tagga Imaaraatka ayaa la galiyay xaalad karantiil ah, kadib markii laga helay caabuqa Corona Virus.

6/22/2022 7:35 AM EST
Arbaco, Juun, 22, 2022 (HOL) - Dowladda Kenya ayaa boqolaal ka tirsan ciidamadeeda soo dhoobtay xuduudka Soomaaliya kadib markii dagaalamayaal katirsan Al-Shabaab ay weerar ku qaadeen tuulo ka tirsan degmada Mandheera.

6/22/2022 5:10 AM EST
Arbaco, Juun, 22, 2022 (HOL) - Qaramada Midoobay ayaa ku baaqday in sare loo qaado gargaarka bini'aadinimo si looga hortago macluusha ka jirta Soomaaliya xilli qeybo ka mid ah dalka ay ka jiraan abaaro iyo biyo la’aan aad u daran.

6/22/2022 4:18 AM EST
Arbaco, Juun, 22, 2022 (HOL) - Mas’uuliyiin katirsan Galmudug iyo Puntland ayaa yeeshay kulan ay kagaga hadlayeen amniga iyo iskaashiga ka dhanka ah kooxda Alshabaab.

6/22/2022 4:10 AM EST
Arbaco, Juun, 22, 2022 (HOL) - Wararka ka imaanaya degmada Rhamu ee ismaamulka Mandhera ee gobolka Waqooyi Bari Kenya ayaa sheegaya in dagaalyahano ka tirsan Al-shabaab weerar ay ku qaadeen degmadaasi ay ku burburiyeen xarun Isgaarsiineed oo ku taala degmadaasi.

6/22/2022 2:52 AM EST
Arbaco, Juun, 22, 2022 (HOL) - Warar dheeraad ah ayaa kasoo baxaya dagaalo khasaare kala duwan geystay oo Al-shabaab iyo ciidamada dowladda ku dhexmaray degmada Afgooye iyo deegaanka Bariire oo ka wada tirsan gobolka Sh/hoose.

6/22/2022 2:09 AM EST
Arbaco, Juun, 22, 2022 (HOL) - Guddoomiyaha Golaha Shacabka Baarlamaanka Fedaraalka Soomaaliya Sheekh Aadan Maxamed Nuur Madoobe oo ka hadlay xariga Mukhtaar Rooboow Mansuur ayaa ku tilmaamay go'aankii lagu xiray inuu ahaa mid sharci darro ah.