6/25/2022
Today from Hiiraan Online:  _
Wararka Maanta- Isniin, Jun 20, 2022
Caruur badan oo nafaqadaro ugu geeriyootay degmada Maxaas ee gobolka Hiiraan
 

Isniin, Juun, 20, 2022 (HOL) - Wararka ka imaanaya degmada Maxaas ee gobolka Hiiraan ayaa sheegaya in halkaasi ay ka jirto xaalada nafaqadaro ah oo mareysa heerkii ugu darnaa abid.

Agaasimaha Isbitaalka degmada Maxaas Yaxye Cabdi Garuun oo la hadlay warbaahinta ayaa sheegay in caruurta ku dhaqan degmada Maxaas iyo tulooyinka hoos yimaada ay la dhimanayaan macluul sababtay abaaraha ka jira degmada iyo nawaaxigeeda.

"Bilahii lasoo dhaafay waxaa degmada Maxaas ka jirtay xaalad nafaqadaro nooca ugu daran oo soo ridaneysay caruurta da'doodu ka yartahay shanta sano, waxaana maalin walba degmada iyo tulooyinka hoos yimaada nafaqadaro ugu geeriyoodo laba ama sadax caruur ah, degmada ma joogaan wax hay'addo ah oo ka shaqeeya, kuwaan codsiyada u gudbinayna cid inooga soo jawabtay malaha, xata wasaaradaha Cafimaadka heer dowlad goboleed iyo heer Fedaraal" ayuu yiri Agaasimaha Isbitaalka Yaxye Cabdi.

Waxuu intaasi ku daray in Isbitaalka degmada Maxaas uu yahay Isbitaal ay ku tiirsan yihiin dadka ka kala yimaado degmooyinka Ceelbuur iyo Aadan Yabaal oo ka kala tirsan Galgaduud iyo Sh/dhexe, kuwaas oo aanan laheyn adeegyo Caafimaad.

Ku dhawaad lix boqol oo caruur ah ayuu sheegay Agaasime Yaxye Cabdi in haatan ay u jiifaan Isbitaalka degmada Maxaas nafaqadaro soo ridatay, islamarkaana bishaan hada socoto ay geeriyootay carur ka badan 20, wuxuuna walaac ka muujiyay xaalada caruurta nafaqadarada soo ridaneyso maalin walba oo tiradoodu ay sii kordheyso.

Jamaal Cali Cabdi, Hiiraan Online












Click here
6/20/2022 10:55 AM EST
Isniin, Juun, 20, 2022 (HOL) - Sida ay Warbaahinta u sheegeen dad goob joogayaal ah, ku dhawaad 300 oo qof oo Axmaaro u badan ayaa lagu dilay dalka Itoobiya, gaar ahaan degaanka Oromiya, goobta lagu magacaabo Gimbi oo ay degaan qawmiyadda Axmaaradu, waxaana lagu eedeeyay Jabhadda Oromada ah ee OLA.

6/20/2022 10:10 AM EST
Isniin, Juun, 20, 2022 (HOL) - Ergeyga gaarka ah ee Madaxweynaha Soomaaliya u qaabilsan Arrimaha Bani'aadannimada iyo gurmadka Abaaraha, Xildhibaan Cabdiraxmaan Cabdishakuur Warsame ayaa safar shaqo maanta ku tagay magaalada Doolow ee gobolka Gedo.

6/20/2022 7:43 AM EST
Isniin, Juun, 20, 2022 (HOL) - Wasiirka maaliyadda Soomaaliya, Cabdiraxman Ducaale Beyle, ayaa been abuur ku tilmaamay in qasbada dowladda ay ka buuxdo lacago badan oo ay ka tagtay dowladdii uu katirsanaa.

6/20/2022 6:55 AM EST
Isniin, Juun, 20, 2022 (HOL) - Golaha Wakiilada Somaliland, ayaa codka kalsoonida siiyay 4 xubnood oo kamid ah 7 xubnood oo dhawaan losoo xulay in ay noqdaan Guddida Doorashooyinka Somaliland.

6/20/2022 6:26 AM EST
Isniin, Juun, 20, 2022 (HOL) - Dowladda Soomaaliya iyo dowladda Shiinaha ayaa maanta Muqdisho ku kala saxiixday heshiis gargaar loogu soo dhoofinayo Soomaaliya.

6/20/2022 4:48 AM EST
Isniin, Juun, 20, 2022 (HOL) - Wararka ka imaanaya degmada Ceelbuur ee gobolka Galgaduud ayaa sheegaya in dagaalamayaasha Al-shabaab si xoog ah kula wareegtay maamulka Isbitaalka guud ee degmada Ceelbuur, halkaas oo ay dhigeen dhaawacyo aad u badan oo dagaalyahano ka tirsan Shabaab ka soo gaaray dagaalkii dhawaan ka dhacay deegaanka Baxdo.

6/20/2022 2:13 AM EST
Isniin, Juun, 20, 2022 (HOL) - Xisbiga mucaaradka Somaliland ee Waddani, ayaa waxba kama jiraan ku tilmaamay eedaynta Booliiska Somaliland ee ah in madaxda xisbigu ay qorteen ilaalo shacab hubaysan ah.

6/20/2022 1:34 AM EST
Isniin, Juun, 20, 2022 (HOL) - Madaxweyne ku xigeenka maamulka Puntland Axmed Karaash, ayaa u diiday inuu shir kala qeyb galo wasiirka arrimaha gudaha Puntland, Maxamed Cabdiraxmaan Dhabancad oo kamid ahaa saddexdii wasiir ee uu xilka ka qaaday 5tii bishii may.