8/13/2022
Today from Hiiraan Online:  _
Wararka Maanta- Axad, Jan 9 , 2022
Cabdixakiin Dhoobo daareed: Wixii Boosaso ka dhacay waa inay jirtaa cid masuuliyaddeeda lagula xisaabtamo

Axad, Janaayo, 9, 2022 (HOL) - Guddoomiyihii hore ee barlamaanka Puntland Cabdixakiin Maxamed Axmed ( Dhoobo-daareed) ayaa sheegay in loo baahan yahay colaaddii ka dhacday magaalada Bosaso in ay jirto cid masuuliyadeeda yeelata oo lagula xisaabtamo.

“Bosaso wixii ka dhacay oo dhibaato ah oo barakac ah oo dil ah oo qaxin ah, in masuuliyadeeda ciddi qaadato, ayaa loo baahan yahay. Arrintaasi ilaaheey wuu idin weydiinayaa guddigiina,” ayuu yiri guddoomiyihii hore ee barlamaanka Puntland .

Cabdixakiin Dhoobbo-daareed ayaa ku eedeeyay maamulka madaxweyne Deni inuu ku kacay dhibaatooyin badan oo u baahan in dib looga farriisto, waxna la iska weydiiyo sidii loo saxi lahaa.

Hadalka guddoomiyihii hore ee barlamaanka Puntland ayaa kusoo aadaya iyadoo maanta lagu wado inuu soo baxo heshiis laga gaaray khilaafkii u dhaxeeyay madaxweyne Deni iyo hay’adda PSF, khilaafkaas oo sababay colaadda Bosaso.

Guddiga dhex dhexaadinta ayaa gaaray go'aanno labada dhinac ay ku wada qanacsan yihiin sida aan xogta ku helayno, kuwaas oo aan warbaahinta loosoo bandhigin, hase yeeshee la filayo in la shaaciyo.

Abdiweli M. Sheikh, Hiiraan Online












Click here
1/9/2022 9:43 AM EST
Axad, Janaayo, 9, 2022 (HOL) - Madaxda Golaha Wadatashiga Qaranka ayaa goordhaw si rasmi ah u soo gabagabeeyay shirkii uga socday magaalada Muqdisho lixdii maalmood ee lasoo dhaafay.

1/9/2022 9:06 AM EST
Axad, Janaayo, 9, 2022 (HOL) - Ciidamo ka tirsan Booliiska Maamulka Galmudug iyo ciidanka Gorgor ee dowladda Soomaaliya ayaa goordhaw ku dagaalamay degmada Guriceel ee gobolka Galgaduud.

1/9/2022 8:51 AM EST
Waxaa gobolka Minnesota laga daahfuray urur loogu ay ku midaysnaan doonaan ganacsatada gobolkaas ee laga tirada badan yahay (MINNESOTA MINORITY BUSINESS ASSOCIATION)

1/9/2022 7:44 AM EST
Axad, January, 9, 2022 (HOL) - Guddoomiyaha Xisbiga Waddani Xirsi Cali Xaaji Xasan, ayaa sheegay in uu kalsooni buuxda ku qabo in xisbigiisu uu ka dabaalan doono, hadii la qabto doorashada ururrada oo aanu marnaba ku hadhi doonin.

1/9/2022 6:14 AM EST
Axad, January, 9, 2022 (HOL) - Musharaxa madaxweynaha xisbiga Waddani Cabdiraxmaan Maxamed Cabdillaahi Cirro, ayaa sheegay in aanu marnaba aqbalaynin qorshe uu sheegay in xukuumadu wadato, si madaxweyne Biixi mudada loogu kordhiyo.

1/9/2022 5:28 AM EST
Axad, Janaayo, 9, 2022 (HOL) - Golaha Wadatashiga Qaranka ayaa haatan kulan la leh Midowga Musharixiinta madaxweynaha, oo ka mid ah dhinacyada ay arki doonaan madaxdu kahor intaan shirka lasoo geba-gebayn.

1/9/2022 1:58 AM EST
Axad, Janaayo, 9, 2022 (HOL) - Waxaa xalay lagu dilay degmada Warta Nabadda ee magaalada Muqdisho Ismaaciil Maxamed Aadan oo la sheegay inuu ka mid ahaa ergadii soo xushay Xildhibaanadda Baarlamaanka Soomaaliya.

1/9/2022 1:43 AM EST
Axad, Janaayo, 9, 2022 (HOL) - Guddoomiyaha maamulka gobolka Hiiraan Cali Jeyte Cismaan oo ka hadlaayay abaaraha ka jira gobolka Hiiraan ayaa si adag ugu dhalilay dowladda Soomaaliya iney indhaha ka qabsatay wax ka qabashada abaarta ka jirta Hiiraan.

1/9/2022 12:45 AM EST
Axad, Janaayo, 9, 2022 (HOL) - Ergeyga gaarka ah ee Maraykanka u qaabilsanaa Geeska Afrika, Jeffrey Feltman ayaa xilka ka tagaya. David Satterfield, oo ah safiirka Maraykanka ee Turkiga, ayaa xilkaan la wareegidoona maalmaha soo socda.

1/9/2022 12:38 AM EST
Axad, Janaayo, 9, 2022 (HOL) - Ciiddanka amniga degmada Howlwadaag ee gobolka Banaadir ayaa gacanta ku dhigay guri Lagu beerayay geedka laga sameeyo Xashiishka iyo dadkii ku lugta lahaa.