1/21/2022
Today from Hiiraan Online:  _
Wararka Maanta- Sabti, Jan 8 , 2022
Puntland oo heshiis nabadeed dhex dhigtay beelo walaalo ah oo colaad dhexmartay
 

Sabti, Janaayo, 8, 2022 (HOL) - Puntland ayaa heshiis nabadeed dhex dhigtay beelo walaalo ah oo dhowaan ku dagaalamay deegaanadda Saax-maygaag iyo Sange-jabiye ee dhaca inta u dhaxaysa magaalooyinka Garowe iyo Boocame.

Heshiiskaan nabadeed ayaa lagu gaaray shir shalay ka dhacay tuulada Hadh-wanaag ee gobolka Sool, halkaas oo ay isugu yimaadeen odayaasha labada beelood ee heshiiska la dhex dhigay.

Dhinaca kale madaxweyne ku-xigeenka Puntland ayaa guddi 7 xubnood ka kooban u magacaabay hubinta, kormeerka iyo dhaqangalka heshiiska nabadaynta ee xabad joojin iyo kala rarista ciidan beeleedyada ku diriray deegaanka Saax-meygaag.

Halkaan ka akhriso qodobada heshiiska :-

1 Xabad joojin rasmiya oo la dhex dhigay beelihii dirirtu dhex martay.
2. kala rarista ciidamadii dirirtu dhex martay.
3.In dowladu la wareegto amniga deegaanka lagu diriray.
4. Dowladu waxay magacaabay gudi kormeera qodobad lagu heshiiyey fulintooda.
5. In cidii jebisa heshiiska lagu ganaaxo 200 oo halaad oo aan wakhti lahayn.

Guddiga loo xil saaray dabagalka fulintq heshiiska:-

1. Shiikh Maxamuud Xaaji Yuusuf. Gudoomiye
2. Shiikh Maxamuud Maxamed Xaliike. Xubin
3. Gen:- Axmed Taajir. Xubin
4. Caaqil Cismaan Ismaaciil Barre. Xubin
5. Caaqil Siciid Cismaan Shanlayste. Xubin
6. Caaqil Cabdullaahi Cali Barre. Xubin
7. Maxamed Maxamuud Ciise(Awoowe). Xubin

Abdiweli M. Sheikh, Hiiraan Online












Click here
1/8/2022 2:55 PM EST
Sabti, January, 8, 2022 (HOL) - Laba Caruura oo mataano ah ayaa maanta ku dhintay dab qabsaday hoygii ay ku noolaayeen oo ku yaala degmada Dilla ee gobolka Awdal gaar ahaan xaafada Laanta Hawada, sida lagu baahiyay boga ciidanka dab-damiska.

1/8/2022 9:24 AM EST
Sabti, Janaayo, 8, 2022 (HOL) - Waxaa goordhaw soo gabagaboobay shirkii Golaha wadatashiga Qaran oo maanta oo Sabti ah galay maalintiisii shanaad, kaasoo madaxda ay uga doodayaan cabashooyinka kasoo laabtay doorashooyinkii dhawaan ka dhacay qaar ka mid ah magaalooyinka Muqdisho, Baydhabo, Dhuusamareeb iyo Kismaayo

1/8/2022 9:16 AM EST
Sabti, Janaayo, 8, 2022 (HOL) - Xogeeyaha Arrimaha Bulshada ee Xisbiga Waddani Maxamed Sadiiq Dhamme, ayaa sheegay in Afhayeenka Xisbiga Kulmiye Cabdinaasir Muxumed Xasan Buuni, aanu Somaliland gashan wax tacab ah, isla markaana uu dowlada Soomaaliya la shaqayn jiray xiliyadii hore.

1/8/2022 7:29 AM EST
Sabti, Janaayo, 8, 2022 (HOL) - Taliska Qeybta Booliiska Gobolka Bari ayaa sheegay in ay ku guuleystaen qabashada shabakad isku xiran oo ka shaqeysa tahriibka dadka u kala soconaya dalalka Soomaaliya, Yemen, Sudan iyo Libiya.

1/8/2022 2:17 AM EST
Sabti, Janaayo, 8, 2022 (HOL) - Ciidamada Booliiska iyo Kuwa Nabadsugida maamulka Jubbaland ayaa Xalay howlagalo waqti badan qaatay ka sameeyay xaafadaha magaalada Kismaayo ee xarunta gobolka Jubbada Hoose.

1/8/2022 2:08 AM EST
Sabti, Janaayo, 8, 2022 (HOL) - Warar soo baxaya ayaa sheegaya in dowladda Soomaaliya ay dib u furtay isticmaalka UN Terminal ee garoonka Aadan Cadde oo aheyd qeyb u gaar ah isticmaalkeeda UN-ka, AMISOM iyo dhamaan Ajaaniibta degan Xerada Xalane.

1/8/2022 1:05 AM EST
Sabti, Janaayo, 8, 2022 (HOL) - Madaxweynayaasha Puntland iyo Jubbaland ayaa soo dhoweeyay tallaabada uu Ra’iisal Wasaare Maxamed Xuseen Rooble dib-ugu-saxayo xiriirka diblumaasiyadeed iyo iskaashi ee Soomaaliya la lahayd dowladda Imaaraatka Carabka.

1/8/2022 12:27 AM EST
Sabti, Janaayo, 8, 2022 (HOL) - Golaha wadatashiga qaran ayaa xalay yeeshay kulan looga arrinsanayay doorashooyinka dalka, kaas oo uu shir guddoominayay Ra’iisul Wasaaraha Soomaaliya Maxamed Xuseen Rooble.

1/8/2022 12:15 AM EST
Sabti, Janaayo, 8, 2022 (HOL) - Musharaxa xisbiga Waddani Cabdiraxmaan Maxamed Cabdillaahi Cirro, ayaa sheegay in madaxweynaha Somaliland ku yimid doorasho loona baahanyahay in uu doorasho ku tago marka uu xilka dhamaysto.

1/8/2022 12:12 AM EST
Sabti, Janaayo, 8, 2022 (HOL) - Dowladda Itoobiya ayaa habeenkii xalay ahaa waxay cafis u fidisay qaar kamid ah madaxda u sarraysa Ururka TPLF, sida ay baahisay Warbaahinta ku hadasha afka dowladda Itoobiya.