8/14/2022
Today from Hiiraan Online:  _
Wararka Maanta- Jimco, Jan 14, 2022
Maamulka magaalada Addis Ababa oo deeq raashin ah ugu deeqay shacabka dowlad degaanka Soomaalida

Jimco, Janaayo, 14, 2022 (HOL) - Waxaa maanta magaalada Jigjiga lasoo gaarsiiyay deeq raashin ah, oo loogu talagalay shacabka ay abaaruhu saameeyeen ee dowlad degaanka Soomaalida Itoobiya.

Deeqdan raashinka ah oo ka timid dhanka maamulka magaalada Addis Ababa, ayaa waxaa degaanka Soomaalida soo gaarsiisay Adanech Ababe oo ah Maayarka magaalada Addis Ababa, iyadoo ku wareejisay deeqdan maamulka dowlad degaanka Soomaalida.

Dhinaca kale Axmed Yaasiin Sheekh Ibraahim oo ah Madaxa Xafiiska maaraynta khataraha iyo masiibooyinka ee dowlad degaanka Soomaalida, oo ka waramayay sida loo kala maaraynayo deeqdan raashinka ah, ayaa waxa uu sheegay in deeqdan oo isugu jirta ilaa 6 nooc oo raashinka kamid ah sida, Bariis, Burka, Sonkor, Saliid, Caano iyo Timir lagaarsiin doono gobollada ay abaartu saamaysay, oo ay usii daran yihiin ilaa 10 gobol oo kamid ah dowlad degaanka Soomaalida.

Waxa kale oo uu sheegay in deeqdan oo lacag ahaan gaaraysa 100 milyan oo birr, aysan ahayn mid ku filan dadka ay abaartu saamaysay, waxa uuna sheegay in deeqdaas ka sokow dowladdu dhankeeda ay wado dadaalo badan oo wax loogu qabanayo dadka ay abaaruhu saameeyeen.

Sidoo kalena waxa uu sheegay in hay'adaha caalamiga ah ay ka cosadeen in hawlahooda hormarineed ee degaanka ay kawadeen u badalaan dhanka abaaraha, oo in badan oo shacabka degaanka Soomaalida saamaysay.

Deeqdan raashinka ah ayaa waxay kusoo hagaagtay xilli degaanka Soomaalida badankiisu la daalaa dhacayo abaaro dad iyo duunyaba saamaysay, iyadoo  deeqdanna la filayo inay wax ka qabato abaartan dheeraatay ee degaanka ku dhufatay, iyadoo meelo badanna ay wkhti xaadirkan dowlad degaanku ka wado biyo dhaamin iyo waxyaabaha lamid ah ee wax u qabanaya shacabka la dhibaataysan abaarta.

Abdilahi Jawhar, Hiiraan Online
[email protected]












Click here
1/14/2022 7:42 AM EST
Jimco, Janaayo, 14, 2022 (HOL) - Wasiirkii hore ee arrimaha dibadda Soomaaliya, Maxamed Cabdirisaaq Maxamed ayaa sheegay in Soomaaliya ay diiday deeq daawo ah oo uga imaan lahayd Masar, sababo la xiriira xiriirka Itoobiya awgii.

1/14/2022 4:52 AM EST
Jimco, Janaayo, 14, 2022 (HOL) - Guddoomiyaha Guddiga Midowga Afrika, Moussa Faki Mahamat, ayaa soo dhoweeyay shir-madaxeedka Golaha Wadatashiga Qaran ee dhawaan heshiiska looga gaaray dhameystirka doorashada.

1/14/2022 1:00 AM EST
Jimco, Janaayo, 14, 2022 (HOL) - Raysal wasaaraha Soomaaliya maxamed Xuseen Rooble ayaa sheegay in berrito oo sabti ah ay dib u billaaban doonaan doorashooyinka golaha shacabka.

1/14/2022 12:44 AM EST
Jimco, Janaayo, 14, 2022 (HOL) - Wasaaradda arrimaha dibaddaa Soomaaliya ayaa ku guuleysatay in Muwaadiniinta Soomaaliyeed ee ku nool dalka Suudaan laga dhaafo lacagta degenaanshaha, lacagta ganaaxa iyo lacagta kaararka shaqada.

1/14/2022 12:40 AM EST
Jimco, Janaayo, 14, 2022 (HOL) - Madaxweynaha Puntland Siciidi Deni ayaa guddoomiye cusub u magacaabay gobolka Bari oo maalmahaan ay ka jiraan xasarado ka dhashay xil ka qaadistii lagu sameeyay agaasimihii hay'adda PSF.

1/14/2022 12:38 AM EST
Jimco, Janaayo, 14, 2022 (HOL) - Dowladda Germany ayaa diiday caddeymaha aqoonsiga Soomaalinimada wixii ka dambeeyay 1991, markii ay dhacday dowladdii dhexe ee Soomaaaliya.