8/14/2022
Today from Hiiraan Online:  _
Wararka Maanta- Khamiis, Jan 13, 2022
Faysal Cali Waraabe "Guddoomiyaha maxkamada sarre dacwada uu qaaday waxaanu u aragnaa in aanu sharci u qaadin"
 

Khamiis, January, 13, 2022 (HOL) - Guddoomiyaha Xisbiga UCID Faysal Cali Waraabe, ayaa Guddoomiyaha Maxkamada Sarre ee Somaliland Aadan Xaaji Cali, ku eedeeyay in dacwada xeerka furista ururrada siyaasada aanu daacad ka ahayn.

Faysal ayaa guddoomiyaha maxkamada ku eedeeyay in uu dacwada muranka ka taagan xeer 14 uu u jeedo kale ka leeyahay "Guddoomiyaha Maxkamada Sarre Aadan Xaaji Cali, dacwada uu qaaday waxaanu u aragnaa in uu xeelad kale u qaaday, ee aanu sharci u qaadin".

Xisbiyada mucaaradka Somaliland ee UCID iyo Waddani, ayaa si wayn uga soo horjeestay talaabo ay 46 xildhibaan oo kamid ah 82 ka mudane ee Golaha Wakiilada Somaliland ka koobanyahay maxkamada sarre ugu gudbiyeen, in ay tafsiir sharci ah ka bixiso qodobo ka mid ah xeerka furista ururada siyaasada oo laysku khilaafasanyahay.

Mucaaradka ayaa sheegay in maxkamada sarre anay xaq u lahayn in ay ka garnaqdo muranka xeerka oo ay tahay arrin u taala Golaha Wakiilada Somaliland, in ay go'aan ka gaadhaan murankan.

Maxkamada sarre ayaan wali wax go'aan ah kasoo saarin qodobada muranka dhaliyay ee xeerkan, tan iyo markii kala badh ka badan xildhibaanada goluhu ay maxkamada u gudbiyeen xeerkan 21 bishii December ee sannadkii hore ee 2021.

Abdilahi Geel-maal, Hiiraan Online
[email protected]














Click here
1/13/2022 12:23 PM EST
Khamiis, Janaayo, 13, 2022 (HOL) - Raysal wasaaraha Soomaaliya Maxamed Xuseen Rooble ayaa hay’addaha dowladda uga digay in ay ku tagrifal ku sameeyaan hantida dowladda oo ay gacanta ku hayaan.

1/13/2022 8:24 AM EST
Khamiis, January, 13, 2022 (HOL) - Xukuumada Somaliland ayaa ku dhawaaqday in abaaro ay ku dhufteen dad tirradoodu dhantahay 810,000 oo ku kala nool 6 gobol oo Somaliland ah.

1/13/2022 7:06 AM EST
Khamiis, Janaayo, 13, 2022 (HOL) - War qoraal ah oo kasoo baxay dhanka dowladda Itoobiya ayaa lagu sheegay in TPLF ay caqabad ku tahay gargaarkii lagaarsiin lahaa dadka dhibaataysan, ee gaajada iyo dhibaatooyinka kale saameeyeen ee ku sugan gudaha gobolka Tigray.

1/13/2022 3:19 AM EST
Khamiis, Janaayo, 13, 2022 (HOL) - Guddiga doorashada heer federal ayaa been abuur ku tilmaamay warqad baraha internetka lagu faafiyay oo la sheegay in xilka looga qaaday guddoomiyihii guddiga doorashada Galmudug, halka mid cusubna loo doortay.

1/13/2022 3:09 AM EST
Khamiis, Janaayo, 13, 2022 (HOL) - Waxaa Maanta oo Khamiis ah dib u dhac uu ku yimid banaanbax lagu waday in magaalada Muqdisho uu ka dhaco, kaasoo looga soo horejeedo madaxweynaha mudo xileedkiisu dhamaaday Maxamed Cabdullaahi Farmaajo.

1/13/2022 12:58 AM EST
Khamiis, Janaayo, 13, 2022 (HOL) - Guddiga hirgelinta doorashada maamulka Koonfur Galbeed ayaa shaaciyay in dhawaan ay qaban doonaan doorashada shan kursi oo ka mid ah kuraasta Golaha Shacabka Baarlamaanka 11-aad ee dalka.

1/13/2022 12:49 AM EST
Khamiis, Janaayo, 13, 2022 (HOL) - Hantidhowrka guud ee Soomaaliya ayaa joojiyay qandaraas uu wasiirka ganacsiga Soomaaliya ku siiyay tayaynta hubinta badeecadaha dekeda Muqdisho, shirkad lagu magacaabo Maru port.

1/13/2022 12:41 AM EST
Khamiis, Janaayo, 13, 2022 (HOL) - Shirkadda duulimaadyada ee Freedom Airline ee uu fadhigeedu yahay magaalada Nairobi ayaa dayuuradii ugu qaad-weyneyd ku soo kordhisay dayaaradeeda. Dayuurddaan oo ah nooca AIRBUS 320 ayaa noqoneysay dayuuraddii labaad laga diiwaan-galiyo dalka Kenya.

1/13/2022 12:33 AM EST
Khamiis, Janaayo, 13, 2022 (HOL) - Guddiyadii isku xilsaaray dhameynta khilaafka madaxweyne Deni iyo agaasimihii hore ee PSF ayaa ku kala qeybsamay go'aan qaar Isimada Puntland kasoo saareen arrinta Bosaso ka jirta.