8/13/2022
Today from Hiiraan Online:  _
Wararka Maanta- Khamiis, Jan 13, 2022
Wararkii ugu dambeeyay banaanbaxii lagu waday inuu Maanta ka dhaco magaalada Muqdisho iyo Golaha Musharaxiinta oo ka hadlay
 

Khamiis, Janaayo, 13, 2022 (HOL) - Waxaa Maanta oo Khamiis ah dib u dhac uu ku yimid banaanbax lagu waday in magaalada Muqdisho uu ka dhaco, kaasoo looga soo horejeedo madaxweynaha mudo xileedkiisu dhamaaday Maxamed Cabdullaahi Farmaajo.

Banaanbaxaan ayaa maalmahii lasoo dhaafay qabanqaabadiisa si xolwhi ah looga dareemaayay gudaha magaalada Muqdisho, kaasoo abaabulkiisa ay wadeen Siyaasiyiin, Odayaal dhaqameed iyo qeybo kale oo ka mid ah bulshada ku dhaqan gobolka Banaadir, waxaana baajinta banaanbaxa dadaal badan ku bixiyay Ugaasyo iyo waxgarad kale oo ku dhaqan magaalada Muqdisho.

Ugaas Maxamuud Cali Ugaas oo horkaacayay dhaqanka dadaalka badan ku bixiyay baajinta banaanbaxa ayaa gogol u dhigay xubnaha guddiga ku howlanaa qabanqaabada banaanbaxa maanta lagu waday ayaa ku guuleystay iney baajiyaan banaanbaxaasi si aysan magaalada uga dhicin qalalaase dhibaato kasoo gaartay bulshada ku dhaqan magaalada Muqdisho.

Banaanbaxaan baaqday ee Maanta lagu waday inuu ka dhaco Muqdisho ayaa waxaa horay digniino culus uga soo saaray inaan lagu qaban karin magaalada Muqdisho, maamulka gobolka Banaadir oo sheegay inaan la qaban karin wax banaanbax ah oo uusan maamulka ka warqabin, waxaana xusid mudan in banaanbaxa maanta baaqday uu fasaxay wasiirka amniga Xukuumadda Soomaaliya.

Dhinaca kale Golaha Midowga Musharaxiinta ayaa si kulul waxay u Cambaareeyeen hadalkii kasoo yeeray guddoomiyaha gobolka Banaadir ee uu faldambiyeedka ugu tilmaamay banaanbaxa maanta dhici lahaa, islamarkaana ay sheegeen Midowga inuu yahay mid Dastuuri ah sida uu dhigayo qodobka 20-aad ee Dastuurka dalka.

Golaha Musharaxiinta ayaa sidoo kale uga mahadceliyay Golaha Bulshada Gobolka Banaadir GBB aqbalitaankooda ku aadan codsigii uga yimid Odayaasha dhaqanka Muqdisho ee ahaa in dib loo dhigo banaanbaxa laqaban lahaa Maanta oo Khamiis ah.

Hoos ka akhriso Warsaxafadeedka kasoo baxay Midowga Musharaxiinta.


Jamaal Cali Cabdi, Hiiraan Online












Click here
1/13/2022 12:23 PM EST
Khamiis, Janaayo, 13, 2022 (HOL) - Raysal wasaaraha Soomaaliya Maxamed Xuseen Rooble ayaa hay’addaha dowladda uga digay in ay ku tagrifal ku sameeyaan hantida dowladda oo ay gacanta ku hayaan.

1/13/2022 9:59 AM EST
Khamiis, January, 13, 2022 (HOL) - Guddoomiyaha Xisbiga UCID Faysal Cali Waraabe, ayaa Guddoomiyaha Maxkamada Sarre ee Somaliland Aadan Xaaji Cali, ku eedeeyay in dacwada xeerka furista ururrada siyaasada aanu daacad ka ahayn.

1/13/2022 8:24 AM EST
Khamiis, January, 13, 2022 (HOL) - Xukuumada Somaliland ayaa ku dhawaaqday in abaaro ay ku dhufteen dad tirradoodu dhantahay 810,000 oo ku kala nool 6 gobol oo Somaliland ah.

1/13/2022 7:06 AM EST
Khamiis, Janaayo, 13, 2022 (HOL) - War qoraal ah oo kasoo baxay dhanka dowladda Itoobiya ayaa lagu sheegay in TPLF ay caqabad ku tahay gargaarkii lagaarsiin lahaa dadka dhibaataysan, ee gaajada iyo dhibaatooyinka kale saameeyeen ee ku sugan gudaha gobolka Tigray.

1/13/2022 3:19 AM EST
Khamiis, Janaayo, 13, 2022 (HOL) - Guddiga doorashada heer federal ayaa been abuur ku tilmaamay warqad baraha internetka lagu faafiyay oo la sheegay in xilka looga qaaday guddoomiyihii guddiga doorashada Galmudug, halka mid cusubna loo doortay.

1/13/2022 12:58 AM EST
Khamiis, Janaayo, 13, 2022 (HOL) - Guddiga hirgelinta doorashada maamulka Koonfur Galbeed ayaa shaaciyay in dhawaan ay qaban doonaan doorashada shan kursi oo ka mid ah kuraasta Golaha Shacabka Baarlamaanka 11-aad ee dalka.

1/13/2022 12:49 AM EST
Khamiis, Janaayo, 13, 2022 (HOL) - Hantidhowrka guud ee Soomaaliya ayaa joojiyay qandaraas uu wasiirka ganacsiga Soomaaliya ku siiyay tayaynta hubinta badeecadaha dekeda Muqdisho, shirkad lagu magacaabo Maru port.

1/13/2022 12:41 AM EST
Khamiis, Janaayo, 13, 2022 (HOL) - Shirkadda duulimaadyada ee Freedom Airline ee uu fadhigeedu yahay magaalada Nairobi ayaa dayuuradii ugu qaad-weyneyd ku soo kordhisay dayaaradeeda. Dayuurddaan oo ah nooca AIRBUS 320 ayaa noqoneysay dayuuraddii labaad laga diiwaan-galiyo dalka Kenya.

1/13/2022 12:33 AM EST
Khamiis, Janaayo, 13, 2022 (HOL) - Guddiyadii isku xilsaaray dhameynta khilaafka madaxweyne Deni iyo agaasimihii hore ee PSF ayaa ku kala qeybsamay go'aan qaar Isimada Puntland kasoo saareen arrinta Bosaso ka jirta.