8/14/2022
Today from Hiiraan Online:  _
Wararka Maanta- Isniin, Jan 10, 2022
Booliiska Puntland oo gacanta kusoo dhigay dad xalay dil ka geystay magaalada Garowe

Isniin, Janaayo, 10, 2022 (HOL) - Ciidamada Booliiska Puntland ayaa sheegay inay gacanta kusoo dhigeen dadkii ka dambeeyay dil xalay magaalada Garowe loogu geystay wiil dhalinyaro ah oo katirsanaa shaqaalaha dowladda hoose ee Garowe.

Marxuumka la dilay oo lagu magacaabi jiray Cabdikaafi Cabdixamiid Warsame ayaa dilkiisa loo adeegsaday Tooreey, iyadoo illaa xalay laamaha ammaanku baaritaan ku hayeen baadi goobkii dadkii falkaas ka dambeeyay ee baxsaday.

Ciidamada Booliska oo kaashanaya sirdoonka ayaa baritaan dheer Ka dib waxay gacanta Kusoo dhigeen eedeysane Cabdikaafi Ibraahim Aadan Iyo 3 Dumar ah oo la sheegay in ay ku wehliyeen dilka marxuumka.

Taliyaha qaybta Booliska gobalka Nugaal G/sare Xussen Cali Maxamuud ayaa mahadceliyay Ciidamada Booliska, kuwa Sirdoonka iyo Bulshada oo uu sheegay in ay gacan wayn siiyeen Booliiska

Taliyaha qaybta Booliska ayaa sheegay in cid walba oo fal gaysata aysan ka Baxsan doonin ciidamada amaanka, wuxuuna bulshada uga Mahad celiyay sida ay cidamada amniga ula shaqeyaan.

Abdiweli M. Sheikh, Hiiraan Online












Click here
1/10/2022 3:03 PM EST
Isniin, January, 10, 2022 (HOL) - Guddoomiyaha Xisbiga Waddani Xirsi Cali Xaaji Xasan, ayaa cambaareeyay isku day uu maamulka gobolka Togdheer ku doonayay in ay ku joojiyo, shir madaxda xisbigu ay la lahaayeen qaybo kamid ah bulshada reer Burco.

1/10/2022 10:51 AM EST
Isniin, Janaayo, 10, 2022 (HOL) - Maxkamada Ciidamada Qalabka Sida qeybta 27-aad ayaa maanta xukun dil toogasho ah waxay ku fulisay askari ka tirsanaa ciidamada dowladda Soomaaliya, kaasoo horay ugu dilay qof shacab ahaa degmada Luuqa ee gobolka Gedo.

1/10/2022 6:49 AM EST
Isniin, Janaayo, 10, 2022 (HOL) - Xafiiska Qaramada Midoobay ee Soomaaliya ayaa soo dhoweeyay in golaha wadatashiga qaran ay heshiis ku gaareen hannaanka doorashada iyo dardar gelinta doorashada Golaha Shacabka.

1/10/2022 12:45 AM EST
Isniin, Janaayo, 10, 2022 (HOL) - Guddi nabadayn ah oo Puntland u xilsaartay colaadda Saaxmaygaag iyo Sange jebiye ayaa ku guulaystay in ay kala qaadaan labadii maleyshiyo beeleedkii ee isku horfadhiyay deegaannadii dhowaan lagu dagaalamay.

1/10/2022 12:40 AM EST
Isniin, Janaayo, 10, 2022 (HOL) - Afhayeenka Xisbiga Kulmiye Cabdinaasir Muxumed Xasan Buuni, oo waraysi siiyay HCTV, ayaa sheegay in furista ururrada siyaasadu ay tahay arrin qaanuuni ah oo aan la dhaafi karin.

1/10/2022 12:31 AM EST
Isniin, Janaayo, 10, 2022 (HOL) - Golaha Midowga Musharaxiinta madaxweynaha Soomaaliya ayaa war qoraal ah oo ay soo saareen waxa ay kusoo dhaweeyeen War murtiyeedkii kasoo baxay shirkii Golaha Wadatashiga Qaranka ee Shalay galinkii dambe lagu soo gabagabeeyay magaalada Muqdisho.

1/10/2022 12:26 AM EST
Isniin, Janaayo, 10, 2022 (HOL) - Warar dheeraad ah ayaa laga helaya dagaal xoogan oo khasaare badan dhaliyay oo Al-shabaab iyo ciidamo ka tirsan dowladda Soomaaliya iyo kuwa Galmudug ku dhexmaray deegaanka lagu magacaabo Cadakibir.