1/21/2022
Today from Hiiraan Online:  _
Wararka Maanta- Isniin, Jan 10, 2022
Dagaal khasaare badan geystay oo ka dhacay deegaanka Cadakibir ee gobolka Galgaduud

Isniin, Janaayo, 10, 2022 (HOL) - Warar dheeraad ah ayaa laga helaya dagaal xoogan oo khasaare badan dhaliyay oo Al-shabaab iyo ciidamo ka tirsan dowladda Soomaaliya iyo kuwa Galmudug ku dhexmaray deegaanka lagu magacaabo Cadakibir.

Dagaalka ayaa yimid kadib markii Al-shabaab weerar xoogan ku qaadeen gudaha deegaanka Cadakibir oo qiyaas ahaan dhanka bari 60 KM uga beegan degmada Cadaado, waxaana dagaalka uu ahaa mid la isku adeegaaday hubka noocyadiisa kala duwan.

Wararku waxay sheegayaan in dagaalka uu ku dhintay taliyahii guutada 13-aad ee ciidanka xoogga dalka Soomaaliyeed Gaashaanle dhexe Cali Maxamed Soocade iyo sadax askari oo kale, waxaana wararku intaasi ku darayaan in dhaawacyo halis ah ay gaareen qaar ka mid ah saraakiisha ciidanka xoogga dalka.

Al-shabaab oo sheegatay masuuliyada weerarka ayaa guulo ka sheegatay dagaalka ka dhacay deegaanka Cadkibir oo ay sheegeen iney si buuxdo ula wareegeen gacan ku heynta deegaankaasi, islamarkaana ay ku dileen dagaalka sadax askari.

Maalmo ka hor ayay aheyd markii dagaalamayaal katirsan Al-shabaab weerar xoogan ku qaadeen deegaanka Baxdo oo u dhaw deegaanka Cadakibir, halkaas oo ay iska caabin xoogan kala kulmeen ciidamo ku sugnaa oo garab ka helay dadka deegaanka Baxdo.

Jamaal Cali Cabdi, Hiiraan Online












Click here
1/10/2022 3:03 PM EST
Isniin, January, 10, 2022 (HOL) - Guddoomiyaha Xisbiga Waddani Xirsi Cali Xaaji Xasan, ayaa cambaareeyay isku day uu maamulka gobolka Togdheer ku doonayay in ay ku joojiyo, shir madaxda xisbigu ay la lahaayeen qaybo kamid ah bulshada reer Burco.

1/10/2022 10:51 AM EST
Isniin, Janaayo, 10, 2022 (HOL) - Maxkamada Ciidamada Qalabka Sida qeybta 27-aad ayaa maanta xukun dil toogasho ah waxay ku fulisay askari ka tirsanaa ciidamada dowladda Soomaaliya, kaasoo horay ugu dilay qof shacab ahaa degmada Luuqa ee gobolka Gedo.

1/10/2022 6:49 AM EST
Isniin, Janaayo, 10, 2022 (HOL) - Xafiiska Qaramada Midoobay ee Soomaaliya ayaa soo dhoweeyay in golaha wadatashiga qaran ay heshiis ku gaareen hannaanka doorashada iyo dardar gelinta doorashada Golaha Shacabka.

1/10/2022 1:57 AM EST
Isniin, Janaayo, 10, 2022 (HOL) - Ciidamada Booliiska Puntland ayaa sheegay inay gacanta kusoo dhigeen dadkii ka dambeeyay dil xalay magaalada Garowe loogu geystay wiil dhalinyaro ah oo katirsanaa shaqaalaha dowladda hoose ee Garowe.

1/10/2022 12:45 AM EST
Isniin, Janaayo, 10, 2022 (HOL) - Guddi nabadayn ah oo Puntland u xilsaartay colaadda Saaxmaygaag iyo Sange jebiye ayaa ku guulaystay in ay kala qaadaan labadii maleyshiyo beeleedkii ee isku horfadhiyay deegaannadii dhowaan lagu dagaalamay.

1/10/2022 12:40 AM EST
Isniin, Janaayo, 10, 2022 (HOL) - Afhayeenka Xisbiga Kulmiye Cabdinaasir Muxumed Xasan Buuni, oo waraysi siiyay HCTV, ayaa sheegay in furista ururrada siyaasadu ay tahay arrin qaanuuni ah oo aan la dhaafi karin.

1/10/2022 12:31 AM EST
Isniin, Janaayo, 10, 2022 (HOL) - Golaha Midowga Musharaxiinta madaxweynaha Soomaaliya ayaa war qoraal ah oo ay soo saareen waxa ay kusoo dhaweeyeen War murtiyeedkii kasoo baxay shirkii Golaha Wadatashiga Qaranka ee Shalay galinkii dambe lagu soo gabagabeeyay magaalada Muqdisho.