9/30/2022
Today from Hiiraan Online:  _
Wararka Maanta- Talaado, Feb 21, 2022
Doorashada xildhibaannada gobolada waqooyi oo lagusoo gabagabeeyay magaalada Muqdisho

Isniin, Febraayo, 21, 2022 (HOL) - Saddexdii xildhibaan ee ugu dambeeyay ee doorashada xildhibaannada gobollada Waqooyi ee golaha Shacabka, ayaa maanta doorashadooda lagusoo gabagabeeyay magaalada Muqdisho.

Xildhibaanada la doortay ayaa kala ahaa Samsam Muxumed Cumar, Maxamed ibraahim Cabdi, Cabdiraxmaan iidan Yoonis.

Guddiga doorashada gobolada waqooyi ayaa sheegay in doorashadu ay qaadatay saddex billood iyo 20 maalmood, waxayna noqdeen guddigii ugu hor bilaabay doorashada, maantana noqday guddigii ugu hor dhammeeyay hawlaha doorashada ka hor 25/02/2022.

Ra’iisul Wasaare Rooble oo ka qeyb galay gebogebada doorashada, ayaa ku ammaanay guddiyada doorashada Somaliland howsha ay qabteen iyo in ay doorashada ku soo dhammeeyeen ka hor xilligii loo asteeyay.

Raysal wasaare Rooble ayaa sidoo kale dowlad-goboleedyada ku boorriyay inay doorashada xildhibaannada deg deg u soo gebagabeeyaan.

“Sida aan ballanqaaday, waa inaan afarta cishe ee hartay waqtigii aan qabsanay ku dhameynaa doorashada. haddaan dadaalno sameyn karaa. Marka kubbadda dhinaceena ayay jirtaa. Soo dhameeyaa sida ugu dhaqsiyaha badan, si loogu howlgalo doorashada doorashada afhayeenka barlamaanka,” ayuu yiri raysal wasaaruhu’.

Tirada la doortay ee xildhibaannada gobollada Waqooyi, ayaa ah  46 xildhibaan. 23 xildhibaan dib ayaa loo doortay. 23 way ku cusub yihiin barlamaanka, 33 kamid ah waa rag, halka 13 kale ay dumar yihiin.

Abdiweli M. Sheikh, Hiiraan Online












Click here
2/21/2022 10:16 AM EST
Isniin, Febraayo, 21, 2022 (HOL) - Guddoomiyaha guddiga doorashooyinka heer Fedaraal Muuse Geelle Yuusuf oo goordhaw shir jaraa'id ku qabtay magaalada Muqdisho ayaa sheegay iney hakiyeen doorashada sadax kursi oo ka mid ah kuraasta Golaha Shacabka.

2/21/2022 9:29 AM EST
Isniin, Febraayo, 21, 2022 (HOL) - Madaxweynaha Jamhuuriyada Jabuuti Ismaaciil Cumar Geelle, ayaa qasriga Madaxtooyada Jabuuti ku qaabilay waftigii uu hogaaminayay madaxweynaha Somaliland Muuse Biixi Cabdi, waxayna labada dhinac ka wada hadleen xoojinta xidhiidhka, fududaynta isu-socodka iyo ganacsiga.

2/21/2022 7:08 AM EST
Isniin, Febraayo, 21, 2022 (HOL) - Kooxda Alshabaab ayaa sheegtay masuuliyadda qarax maanta lagu weeraray kolonyo ciidan oo galbinaysay madaxweynaha Puntland Siciid Cabdullaahi Deni, xilli madaxweynaha iyo wafdi la socday ay gudaha usii galayeen magaalada Boosaaso.

2/21/2022 6:13 AM EST
Isniin, Febraayo, 21, 2022 (HOL) - Kolonyo ciiddan oo galbinaysay Madaxweynaha Puntland Siciid Cabdullaahi Deni, ayaa lagu weeraray Qarax miino, iyagoo sii galayay magaalada Boosaaso.

2/21/2022 4:46 AM EST
Isniin, Febraayo, 21, 2022 (HOL) - Xukuumada Taiwan, ayaa Somaliland ku wareejisay gargaar lacageed oo dhan $500,000 oo ay kaga qayb qaadanayso gargaarka dadka abaaruhu saameeyeen ee reer Somaliland.

2/21/2022 4:42 AM EST
Isniin, Febraayo, 21, 2022 (HOL) - Xeer ilaaliyaha guud ee Soomaaliya, Suleymaan Maxamed ayaa guddi xeer ilaaliyayaal ah u magacaabay, si baaris loogu sameeyo, tallaabada ku habboona looga qaato heshiiskii shidaalka ee uu saxiixay wasiirka batroolka iyo macdanta Soomaaliya.

2/21/2022 3:07 AM EST
Axad, Febraayo, 21, 2022 (HOL) - Madaxweynaha Somaliland Muuse Biixi Cabdi iyo wafti uu hogaaminayo, ayaa saaka safar ugu ambo baxay Jamhuuriyada Jabuuti.

2/21/2022 12:57 AM EST
Isniin, Febraayo, 21, 2022 (HOL) - Waxaa Maanta lagu wadaa in magaalada Muqdisho ay ka dhacdo doorashada sadax kursi oo ka mid ah kuraasta Golaha Shacabka Baarlamaanka Soomaaliya ee deegaan doorashadoodu tahay gobolada Waqooyi ee Soomaaliland.

2/21/2022 12:41 AM EST
Isniin, Febraayo, 21, 2022 (HOL) - Guddiga doorashooyinka heer Fedaraal ayaa ka horyimid natiijada doorashadii kursiga HOP 086, kaasoo shalay doorashadiisa oo ka dhacday Baledweyne uu kusoo baxay Fahad Yaasiin Xaaji Daahir.

2/21/2022 12:35 AM EST
Isniin, Febraayo, 21, 2022 (HOL) - Madaxweynaha Puntland Siciid Deni ayaa ku tilmaamay heshiiskii shidaal baarista ah ee uu saxiixay wasiir kamid ah dowladda federalka, inuu yahay heshiis halis ku ah qaranimada Soomaaliya.

2/21/2022 12:30 AM EST
Isniin, Febraayo, 21, 2022 (HOL) - Guddiga hirgelinta doorashada maamulka Hirshabeelle ayaa soo saaray jadwalka doorashada 7 kursi oo ka mid ah kuraasta Golaha Shacabka Baarlamaanka Fedaraalka Soomaaliya ee deegaan doorashadoodu tahay Baledweyne.