10/6/2022
Today from Hiiraan Online:  _
Wararka Maanta- Khamiis, Aug 11, 2022
Ciidanka Liyuu Booliska iyo Al Shabaab oo maanta ku dagaallamay gobolka Shabelle
 

Khamiis, Agoosto, 11, 2022 (HOL) - Wararka ka imaanaya dowlad degaanka Soomaalida ayaa sheegaya in uu dagaal culus oo u dhaxeeya Ciidanka Liyuu Booliska degaanka Soomaalida iyo Ururka Al Shabaab uu ka socdo nawaaxiga tuulo lagu magacaabo Sanku dhooble oo u dhaw degmada Qallaafo ee gobolka Shabelle.

Khasaaraha dhabta ah ee ka dhashay dagaalkan ayaan la garan karin, inkastoo dhinaca dowlad degaanka Soomaalida ay sheeganayaan inay guulo ka gaareen dagaalka maanta, haddana ma jiraan ilo madax banaan oo xaqiijin kara arrinkaas.

Dagaalka maanta ayaa kusoo hagaagaya xilli xukuumadda dowlad degaanka Soomaalidu ay horey u sheegtay in Kooxda Al Shabaab badankood degaanka laga saarey, waxa ku hadhayna uu yahay mid mid jihadu ka wareertay oo shacabku midha-midhaysanayaan.

Ma jiro wali warar rasmi ah oo kasoo baxay dhanka xukuumadda degaanka Soomaalida oo ku saabsan dagaalka maanta.

Madaxweynaha dowlad degaanka Soomaalida, Madaxweyne Mustafe cagjar ayaa maalmo ka hor waxa uu sheegay in Al Shabaab laga adkaaday, isla markaana aysan hadda jirin Al Shabaab dagaallami karta oo ku sugan gudaha degaanka Soomaalida.

Kooxda Al Shabaab ayaa muddo bil gudaheeda dhawr jeer weeraro ku soo qaaday dowlad degaanka Soomaalida, weerarada hore ayaa u badnaa dhanka xadka, inkastoo kan maanta uu ahaa mid ka dhacay gudaha degaanka Soomaalida, meel u dhow dhanka xadka degaanku la leeyahay Soomaaliya.

Abdilahi Jawhar, Hiiraan Online
[email protected]












Click here
8/11/2022 2:31 PM EST
Khamiis, Ogosto, 11, 2022 (HOL) - Musharaxa Madaxweynaha Xisbiga Waddani Cabdiraxmaan Maxamed Cabdillaahi Cirro, ayaa sheegay in 6 qof ay ku dhinteen mudaharaadadii maanta, isla markaana 99 qof ay ku dhaawacmeen, lana xidhay dad 100 kor u dhaafaya.

8/11/2022 2:27 PM EST
Khamiis, Ogosto, 11, 2022 (HOL) - Booliiska Somaliland ayaa sheegay in mudaharaadka ay ku dhinteen 3 shicib ah, ayna ku dhaawacmeen 62 askari iyo 27 shicib ah, isla markaana xabsiga la dhigay 100 kamid ah mudaharaadayaasha.

8/11/2022 11:43 AM EST
Khamiis, Ogosto, 11, 2022 (HOL) - Dowlada Maraykanka ayaa xukuumada iyo madaxda mucaaradka Somaliland ugu baaqday in ay kusoo laabtaan miiska wadahadalada.

8/11/2022 10:11 AM EST
Khamiis, Agoosto, 11, 2022 (HOL) - Warar dheeraad ah ayaa kasoo baxaya qarax Maanta ka dhacay degmada Afgooye ee gobolka Sh/hoose, kaasoo jugtiisa laga maqlay guud ahaan xaafadaha magaalada Afgooye.

8/11/2022 8:04 AM EST
Khamiis, Agoosto, 11, 2022 (HOL) - Wararka aan ka helayno galbeedka Sitti ee dowlad degaanka Soomaalida ayaa sheegaya in uu dagaal culus oo u dhaxeeya Soomaalida iyo Canfarta, uu ka socdo dhawr aag oo ku teedsan xuduudda labada degaan ee Soomaalida iyo Canfarta.

8/11/2022 7:48 AM EST
Khamiis, Agoosto, 11, 2022 (HOL) - In ka badan 755,000 oo qof ayaa ku barakacay gudaha Soomaaliya abaarta ba’an ee sanadkan, taasoo tirada guud ka dhigeysa 1 milyan oo qof tan iyo bishii Janaayo 2021 markii ay abaartu bilaabatay, sida ay sheegtay hay’adda UNHCR.

8/11/2022 7:31 AM EST
Khamiis, Ogosto, 11, 2022 (HOL) - Madaxda xisbiga mucaaradka Somaliland ee Waddani, ayaa madaxweyne Biixi ugu hanjabay in anay madaxweynenimo u aqoonsan doonin hadii doorashada madaxtooyadu wakhtigeeda dib uga dhacdo.

8/11/2022 7:00 AM EST
Khamiis, Ogosto, 11, 2022 (HOL) - Saddex qof ayaa ilaa hada ku nafwaayay mudaharaadadii ay saaka xisbiyada mucaaradka Somaliland ka dhigeen magaalooyinka Somaliland.

8/11/2022 4:52 AM EST
Arbaco, Ogosto, 10, 2022 (HOL) - Dad iskugu jira askar iyo shicib ayaa ilaa hada inta la ogyahay dhaawacyo kasoo gaadheen rashado ka dhashay mudaharaado ay taageerayaasha mucaaradka Somaliland ka dhigeen magaalooyinka waa wayn ee Somaliland.

8/11/2022 4:34 AM EST
Khamiis, Agoosto, 11, 2022 (HOL) - Xaalado nololeed oo aad u adaran ayaa lasoo gudboonaatay boqolaal shacab ah oo dhawaan guryahoodii ay dab qabad siiyeen Al-shabaab, kuwaas oo haatan lasoo sheegayo iney gaajo iyo haraad la ildaran yihiin caruurta iyo dadka waayeelada ah ee ka barakacay deegaanadii dhawaan Shabaab ka gubeen.

8/11/2022 2:46 AM EST
Khamiis, Agoosto, 11, 2022 (HOL) - Madaxweynaha Uganda Yuweri Museveni iyo dhiggiisa Soomaaliya Xasan Sheekh Maxamuud ayaa golaha Ammaanka ee Qaramada Midoobay ka codsaday in laga qaado cunaqabateynta hubka ee saaran Geeska Afrika, si ay u dhistaan awoodda ay ku maareyn karaan ammaanka.

8/11/2022 1:15 AM EST
Khamiis, Agoosto, 11, 2022 (HOL) - Raysal wasaaraha dowladda federalka Soomaaliya, Xamse Cabdi Barre ayaa golihiisa wasiiradda ka mamnuucay inay shaqo joojin ku sameeyyaan masuuliyiinta xafiisyadooda, iyadoo aan loo marin dastuurka iyo sharciga shaqaalaha dalka.