12/9/2021
Today from Hiiraan Online:  _
Wararka Maanta- Khamiis, Sept 9 , 2021
Xogeeyaha xisbiga Waddani "Safiirka Ingriiiska ee Soomaaliya uunba inagana ina matala"
 

Khamiis, September, 9, 2021 (HOL) - Xogeeyaha guud ee xisbiga Waddani Khadar Xuseen Cabdi, ayaa guddoomiye Cirro ka difaacay eedaha xukuumada iyo xisbiga UCID ee ah in uu isticmaalay erayga "waxan la kulmay ergayga wadahadalada iyo dib u heshiisiinta ee Somaliland iyo Soomaaliya".

Xogeeyaha ayaa sheegay in gabadha ergayga ahi ay mansabka dib u heshiisiinta wadatay isla markaana aan laga been sheegi karin.

"Todobaadkan waxa waddan keena soo booqatay gabadh reer Norway ah, oo ah ergayga khaas ka ah ee Norway ee Soomaaliya, gabadhaasi waxay ka tirsan tahay qaybta nabada iyo dib u heshiisiinta ee dowlada Norway, mansabkaa inla sheega ceebna maaha danbina maaha" ayuu yidhi xogeeyuhu.

"Anagu gabadha manaan casuumin, umananaan yeedhin, waddan kana waxay timid iyadoo mansabka sidata, su'aasha iswaydiinta mudani waxay tahay madaama oo Soomaaliya dal kale tahay, oo aynaan wax shuqul ah isku lahayn, gabadh sitada in ay tahay ergayga Soomaaliya maxay inaga inoogu timid?" ayuu hadal kiisa ku daray.

Xogeeyaha ayaa sheegay in Somaliland ay tahay dal aan la aqoonsanayn oo wali aqoonsi raadinaya isla markaana anay jirin safiiro gaar ah oo loo soo magacaabo marka laga reebo safiirada Soomaaliya adduunku usoo magacaabo oo xukuumadu mansab kooda ka been sheegto.

"Safiirka Ingriiiska ee Soomaaliya uunba inagana ina matala, waayo wili dal la aqoonsanyahay ma nihin, waxaynu nahay waddan doonaya in la aqoonsado, sidaas ayay wali adduunka marka la joogo ay inoogu soo magacaabayaan safiirada Soomaaliya" ayuu yidhi xogeeyuhu.

Guddomiye Cirro oo ka faaloonayay kulan uu la yeeshay ergay dowlada Norway u qaabilsan Soomaaliya, ayaa sheegay in uu la kulmay ergayga dowlada Norway u qaabilsan wada-hadalada iyo dib u heshiisiinta Somaliland iyo Soomaaliya, kadibna xukuumada Somaliland iyo xisbiga UCID ayaa guddoomiyaha ku eedeyay in uu ku xad gudbay qaranimada Somaliland.

Abdilahi Abdirahman Mahamed, Hiiraan Online
[email protected]












Click here
9/9/2021 1:50 PM EST
Khamiis, September, 9, 2021 (HOL) - Guddoomiyaha barlamaanka Soomaaliya Maxamed Mursal Cabdiraxmaan, ayaa ku eedeeyay raysal wasaare Rooble in xukuumadiisu ku xad gudubtay kala socnaanta laamaha dowladda, kadib markii maanta wasiirka cusub ee amniga oo aan helin xasaanad loo dhaariyay xilka loo magacaabay.

9/9/2021 8:48 AM EST
Khamiis, September, 9, 2021 (HOL) - Raysal wasaaraha Xukuumada Feradaalka Soomaaliya Maxamed Xuseen Rooble ayaa ka qeyb galay Munaasabad lagu dhaarinaayay, islamarkaana uu xilka kula wareegayay wasiirka cusub ee amniga gudaha Xukuumada Soomaaliya Cabdullaahi Maxamed Nuur.

9/9/2021 8:32 AM EST
Khamiis, September, 9, 2021 (HOL) - Madaxweynahii hore ee Soomaaliya Sheekh Shariif Sheekh Axmed ahna Guddoomiyaha Golaha Midowga Musharaxiinta madaxweynaha Soomaaliya ayaa markii horeysay ka hadlay Kiiska Ikraan Tahliil Faarax oo aheyd gabar ka tirsaneyd saraakiisha NISA oo sabab u noqotay dilkeeda khilaaf noocii ugu darnaa oo soo kala dhexgala Farmaajo iyo Rooble.

9/9/2021 7:23 AM EST
Khamiis, September, 9, 2021 (HOL) - Madaxii Sakawaadka Alshabaab ee Deegaanka Dadaarow ee Gobolka Baay Maxamed Nur Maxamed Xuseen oo Magaciisa Afgarashadu yahay (Guudow) ayaa isku soo dhiibey Ciidanka Xoogga dalka Qeybta 60aad.

9/9/2021 6:00 AM EST
Khamiis, September, 9, 2021 (HOL) - Madaxweynaha dalka Uganda Yoweri Kaguta Museveni ayaa ka digay inay suuragal tahay inuu go’aansado inuu Ciiddanka Uganda ka soo saaro Soomaaliya, sababo la xiriira is-maandhaafka Siyaasadeed ee ka jira dalkaasi.

9/9/2021 5:41 AM EST
Khamiis, September, 9, 2021 (HOL) - Wasiirkii hore ee amniga Xukuumadda Soomaaliya Xasan Xundubeey Jimcaale ayaa ka hadlay xilka qaadistii uu ku sameeyay Raysal wasaare Maxamed Xuseen Rooble.

9/9/2021 2:54 AM EST
Khamiis, September, 9, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa kulan la qaatay qaar ka mid ah xubnaha Wakiillada Beesha Caalamka, kuwaa soo ay ka wada hadleen amniga, siyaasadda iyo geedi-socodka iyo dhammeystirka doorashooyinka.

9/9/2021 1:19 AM EST
Khamiis, September, 9, 2021 (HOL) - Guddiga hirgelinta doorashada maamulka Hirshabeelle ayaa soo saaray jadwalka doorashada xubnaha Aqalka sare ee ku matalaya Hirshabeelle Baarlamaanka Soomaaliya.

9/9/2021 1:14 AM EST
Khamiis, September, 9, 2021 (HOL) - Wasiirka wasaarada warfaafinta Somaliland Saleebaan Yuusuf Cali Koore, ayaa guddoomiyaha xisbiga Waddani Cabdiraxman Maxamed Cabdilahi (Cirro) ku eedeeyay in uu xaqiraad kula kacay qaranimada Somaliland kadib kalmada "dib u heshiisiinta Somaliland iyo Soomaaliya" ee uu isticmalay.