3/29/2024
Today from Hiiraan Online:  _
Wararka Maanta- Arbaco, Sept 29, 2021
Somaliland: Gabadh youtuber ah oo sheegtay in 2 sano lagu xukumay
 
Amiira oo abwaan Qanciye gabayga ka duubaysa

Arbaco, September, 29, 2021 (HOL) - Amiira Shirre oo ah gabadh youtuber ah oo ku nool magaalada Burco, ayaa sheegtay in maxkamadi ku xukuntay 2 sano oo xadhig ah iyo caddad lacageed oo ganaax ah, kadib markii ay muuqaal ka duubtay nin abwaan ah oo gabay ku dhaliilay madaxweynaha Somaliland, isla markaana, abwaankiina sanad iyo dheeraad lagu xukumay.

"Aniga maanta sida la'iiso sheegay xukunkaygu 2 sano iyo intaasoo lacag ah ayuu noqday, waxa laygu xukumay horta ha la ii sheego, anuu waxan ahay dadkii u codeeyay madaxweynaha, ee u halgamay ee habeen iyo maali usoo jeeday, maantana waxa layskaga kay xukumayaa Af-soomaali, waxan codsanayaa in arrinkayga lagu noqdo, aniga iyo abwaanka 4 cisho ayaa midna sanad midna laba sano noo dbiibteen" ayay tidhi Amiira.

"Anigu muwaadinad reer Somaliland ah baan ahay, gabay qof madax ah lagu dhaliilayo uun baan duubay, wax maanta lanagu xukumo oo lanagu xag xagto maanaan samaynin, anigu muwaadinad baan ahay waddan kayga wali dhana u maan dhaafin maxaad igu xukumaysaan ee aad iga eryanaysaan" ayay hadalkeeda ku dartay Amiira iyadoo ilmaynaysa.

Amiira ayaa sheegatay in ay tahay gabadh dhalinyaro ah, oo anay iska xajinayn xukunka ay sheegtay in lagu riday, isla markaana, uu ficilka lagula kacay yahay xoriyada hadalka, oo meel lagaga dhacay.

"Anigu gabadh baan ahay  xukun iskama xajinayo, dhaliil kaliya ayaan soo jeedinay aniga iyo inankaa abwaan ka ah, waxanu nahay dhalinyaradii gobolka marka nala cabudhiyo maxaa berri ka maalin na lagu samayn karaa" ayay tidhi Amiira iyadoo ooyaysa.

Amiira ayaa muuqaalka cabashadeeda kasuu duubtay gudaha guri anay sheegin meesha uu yahay. Abwaanka ay muuqaalka ka duubtay oo ku magac dheer abwaan Qanciye ayaa la sheegay in 4 maalmood ka hor xabsiga loo taxaabay.

Abdilahi Abdirahman Mohamed, Hiiraan Online
[email protected]












Click here
9/29/2021 2:16 PM EST
Arbaco, September, 29, 2021 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa ku andacooday in rajo la'aan soo waajahday shacbiga Somaliland, ay sababtay in la yidhaa doorashadii Somaliland ayaa Xamar ka dhacaysa.

9/29/2021 9:51 AM EST
Arbaco, September, 29, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa fariin hambalyo ah u diray lix ka mid ah Senatarada Aqalka sare ee Baarlamaanka Soomaaliya ku matalaya gobolada Waqooyi ee Soomaaliland oo maanta lagu doortay Teendhada Afisyooni ee magaalada Muqdisho.

9/29/2021 9:21 AM EST
Arbaco, September, 29, 2021 (HOL) - Doorashada lix kursi oo ah kuraasta xildhibaannada Aqalka Sare ee Gobollada Waqooyi (Somaliland), ayaa maanta lagusoo gabagabeeyay magaalada Muqdisho.

9/29/2021 7:12 AM EST
Arbaco, September, 29, 2021 (HOL) - Madaxweynaha dowlad goboleedka Puntland Siciid Cabdullaahi Deni, ayaa maanta xilkii ka qaaday guddoomiyaha Hay’adda Waddooyinka dowlad goboleedka Puntland, Cabdulqaadir Cali Xirsi.

9/29/2021 6:22 AM EST
Arbaco, September, 29, 2021 (HOL) - Xildhibaan Axmed Yuusuf Nuur (Guruuje) oo ka tirsan Golaha Wakiilada ee Somaliland, oo saaka uu dhaawac u gaystay Suldan Saleebaan Boqor Cismaan, oo kamid ah madaxda dhaqanka Somaliland, ayaa sheegay in suldaanku uu weerar gaadmo ah u gaystay isla markaana, uu meelo kala duwan ka dhaawacay.

9/29/2021 5:24 AM EST
Arbaco, September, 29, 2021 (HOL) - Iyadoo goordhaw si rasmi ah Teendhada Afisyooni ee magaalada Muqdisho uga bilaabatay doorashada kuraasta Aqalka sare ee gobolada Waqooyi ayaa markale waxaa la doortay guddoomiyaha Aqalka sare Cabdi Xaashi Cabdullaahi oo noqday Senatarkii ugu horeeyay ee Senatarada gobolada Waqooyi ku matalaya Baarlamaanka Soomaaliya.

9/29/2021 5:05 AM EST
Arbaco, September, 29, 2021 (HOL) - Wararka ka imaanaya degmada Matabaan ee gobolka Hiiraan ayaa sheegaya in ciidamo gadoodsan oo ka tirsan maamulka Galmudug ay la wareegeen barkoontarool oo lagu qaado lacagaha canshuurta ah oo ku taala degmada Matabaan ee gobolka Hiiraan.

9/29/2021 4:55 AM EST
Arbaco, September, 29, 2021 (HOL) - Suldan Saleebaan Boqor Cismaan oo kamid ah, madax dhaqameedka Somaliland ayaa dhaawac madaxa ah gaadhsiiyay, xildhibaan Nuur Guruuje oo ah Guddoomiyaha Guddida Amniga ee Golaha Wakiilada Somaliland.

9/29/2021 2:30 AM EST
Arbaco, September, 29, 2021 (HOL) - Warar dheeraad ah ayaa kasoo baxaya qarax miino oo khasaare geystay oo lala eegtay kolanyo ka tirsan ciidamada dowladda Kenya oo ka dhacay xaduud beenaadka labada dal ee Soomaaliya iyo Kenya.

9/29/2021 1:16 AM EST
Arbaco, September, 29, 2021 (HOL) - Waxaa maanta lagu wadaa in Teendhada Afisyooni ee magaalada Muqdisho ay ka dhacdo doorashada lix ka mid ah kuraasta Aqalka sare xubnaha ku matalaya gobolada Waqooyi.

9/29/2021 1:13 AM EST
Arbaco, September, 29, 2021 (HOL) - Kooxo hubeysan oo burcad Koofur Afrikaan ah ayaa xalay goobtiisa ganacsi waxay ku dhex dileen muwaadin Soomaaliyeed iyo gabar u dhalatay dalka Koofur Afrika oo u shaqeyneysay.