3/29/2024
Today from Hiiraan Online:  _
Wararka Maanta- Arbaco, Sept 29, 2021
Muwaadin Soomaaliyeed oo lagu dilay dalka Koofur Afrika
 

Arbaco, September, 29, 2021 (HOL) - Kooxo hubeysan oo burcad Koofur Afrikaan ah ayaa xalay goobtiisa ganacsi waxay ku dhex dileen muwaadin Soomaaliyeed iyo gabar u dhalatay dalka Koofur Afrika oo u shaqeyneysay.

Ganacsadaha Soomaaliyeed ee xalay lagu dilay dalkaasi ayaa magaciisa lagu soo koobay Axmed, kaasoo lagu dilay deegaanka lagu magacaabo Ga-Mawa Block 7 oo udhaw magaalada Tzaneen oo ka tirsan gobolka Limpopo ee dalkaasi Koofur Afrika.

Wararka waxay intaasi ku darayaan in xiliga dilka uu dhacayay dhalinyaro kale oo Soomaali ah oo ku sugnaa dukaanka ay cagahooda kaga baxsadeen burcada, waxayna dilka kadib qaateen lacago farabadan iyo agab kale oo dukaanka yaalay.

Booliiska dalka Koofur Afrika ayaa dilka kadib gaaray goobta lagu dilay muwaadinka Soomaaliyeed iyo gabarta Koofur Afrikaanka ah, kuwaas oo baaritaano ka sameeyay goobta oo ay burcada isaga baxsadeen, mana jirin wax natiijo ah oo kasoo baxay baaritaankooda.

Koonfur Afrika waxaa si joogto ah uga dhaca dilalka loo geeysanayo ganacsatada Soomaaliyeed, iyada oo ilaa iyo hada aysan jirin talaabo looga hortagayo dilalkaas oo ay qaadeen dowladaha Soomaaliya iyo Koonfur Afrika oo marwaliba sheega iney wax ka qabanayaan dhibaatada loo geysto Muwaadiniinta Soomaaliyeed.

Jamaal Cali Cabdi, Hiiraan Online
[email protected]












Click here
9/29/2021 4:54 PM EST
Arbaco, September, 29, 2021 (HOL) - Amiira Shirre oo ah gabadh youtuber ah oo ku nool magaalada Burco, ayaa sheegtay in maxkamadi ku xukuntay 2 sano oo xadhig ah iyo caddad lacageed oo ganaax ah, kadib markii ay muuqaal ka duubtay nin abwaan ah oo gabay ku dhaliilay madaxweynaha Somaliland, isla markaana, abwaankiina sanad iyo dheeraad lagu xukumay.

9/29/2021 2:16 PM EST
Arbaco, September, 29, 2021 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa ku andacooday in rajo la'aan soo waajahday shacbiga Somaliland, ay sababtay in la yidhaa doorashadii Somaliland ayaa Xamar ka dhacaysa.

9/29/2021 9:51 AM EST
Arbaco, September, 29, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa fariin hambalyo ah u diray lix ka mid ah Senatarada Aqalka sare ee Baarlamaanka Soomaaliya ku matalaya gobolada Waqooyi ee Soomaaliland oo maanta lagu doortay Teendhada Afisyooni ee magaalada Muqdisho.

9/29/2021 9:21 AM EST
Arbaco, September, 29, 2021 (HOL) - Doorashada lix kursi oo ah kuraasta xildhibaannada Aqalka Sare ee Gobollada Waqooyi (Somaliland), ayaa maanta lagusoo gabagabeeyay magaalada Muqdisho.

9/29/2021 7:12 AM EST
Arbaco, September, 29, 2021 (HOL) - Madaxweynaha dowlad goboleedka Puntland Siciid Cabdullaahi Deni, ayaa maanta xilkii ka qaaday guddoomiyaha Hay’adda Waddooyinka dowlad goboleedka Puntland, Cabdulqaadir Cali Xirsi.

9/29/2021 6:22 AM EST
Arbaco, September, 29, 2021 (HOL) - Xildhibaan Axmed Yuusuf Nuur (Guruuje) oo ka tirsan Golaha Wakiilada ee Somaliland, oo saaka uu dhaawac u gaystay Suldan Saleebaan Boqor Cismaan, oo kamid ah madaxda dhaqanka Somaliland, ayaa sheegay in suldaanku uu weerar gaadmo ah u gaystay isla markaana, uu meelo kala duwan ka dhaawacay.

9/29/2021 5:24 AM EST
Arbaco, September, 29, 2021 (HOL) - Iyadoo goordhaw si rasmi ah Teendhada Afisyooni ee magaalada Muqdisho uga bilaabatay doorashada kuraasta Aqalka sare ee gobolada Waqooyi ayaa markale waxaa la doortay guddoomiyaha Aqalka sare Cabdi Xaashi Cabdullaahi oo noqday Senatarkii ugu horeeyay ee Senatarada gobolada Waqooyi ku matalaya Baarlamaanka Soomaaliya.

9/29/2021 5:05 AM EST
Arbaco, September, 29, 2021 (HOL) - Wararka ka imaanaya degmada Matabaan ee gobolka Hiiraan ayaa sheegaya in ciidamo gadoodsan oo ka tirsan maamulka Galmudug ay la wareegeen barkoontarool oo lagu qaado lacagaha canshuurta ah oo ku taala degmada Matabaan ee gobolka Hiiraan.

9/29/2021 4:55 AM EST
Arbaco, September, 29, 2021 (HOL) - Suldan Saleebaan Boqor Cismaan oo kamid ah, madax dhaqameedka Somaliland ayaa dhaawac madaxa ah gaadhsiiyay, xildhibaan Nuur Guruuje oo ah Guddoomiyaha Guddida Amniga ee Golaha Wakiilada Somaliland.

9/29/2021 2:30 AM EST
Arbaco, September, 29, 2021 (HOL) - Warar dheeraad ah ayaa kasoo baxaya qarax miino oo khasaare geystay oo lala eegtay kolanyo ka tirsan ciidamada dowladda Kenya oo ka dhacay xaduud beenaadka labada dal ee Soomaaliya iyo Kenya.

9/29/2021 1:16 AM EST
Arbaco, September, 29, 2021 (HOL) - Waxaa maanta lagu wadaa in Teendhada Afisyooni ee magaalada Muqdisho ay ka dhacdo doorashada lix ka mid ah kuraasta Aqalka sare xubnaha ku matalaya gobolada Waqooyi.