5/19/2022
Today from Hiiraan Online:  _
Wararka Maanta- Isniin, Sept 27, 2021
Wasiirkii haweenka Itoobiya oo xilkeedii isaga casishay sababa la xiriira kufsiyada ka dhacay gobolka Tigreega
 

Isniin, September, 27, 2021 (HOL) - Wasiirkii haweenka ee Itoobiya, oo ahayd mas'uulkii dowladdeed ee ugu horreeyey ee qira in kufsi dhacay intii uu socday dagaalkii Tigray, ayaa Isniintii maanta ku dhawaaqday in ay is casishay.

Wasiirka haweenka Itoobiya ma aysan sheegin sababta ay isku casishay, balse waxay hadalkeeda sii raacisay in ay ka qoomameynayso in aanay si dhaqso leh u gudbin iscasilaadeeda.

"Xaalad kasta oo wax u dhimaysa anshaxayga, waxay lid ku tahay wixii aan xukumayay iyo qiyamkayga, khiyaamaynta caqiidooyinkaasina waa jebinta kalsoonida naftayda iyo muwaadiniinteenna," ayay Filsan Cabdullaahi Axmed ku tiri qoraal ay soo dhigtay barteeda Twitter-ka.

Bishii Febraayo, Filsan waxay sheegtay in kufsi aan shaki ku jirin uu dhacay intii uu socday dagaalka hadda 10 bilood ka socda gobolka woqooyi ee Tigray oo u dhexeeya ciidamada dawladda iyo TPLF.

Bishii la soo dhaafay waxay u sheegtay wakaaladda wararka ee AFP, warbixin ay soo saareen guddi-howleed loo xilsaaray kufsiyada dhacay, in loo diray xeer -ilaaliyaha guud, si loo ogaado baaxadda dambiyada iyo cidda masuulka ka ahayd.

Waxay sheegtay inay rumeysan tahay in saraakiisha fulinta sharciga ay sameynayaan intii karaankooda ah, laakiin ay rajeyneyso in shaqadu ay si dhaqso leh u socon doonto.

Iscasilaadeeda ayaa ku soo beegmaysa hal toddobaad ka hor markii raysal wasaare Abiy, Xisbigiisa Barwaaqo uu si weyn ugu guulaystay doorashooyinkii qaran ee horaantii sanadkan.

Abiy, ayaa lagu wadaa inuu magacaabo xukuumad cusub.

Amnesty International ayaa bishii hore sheegtay in ciidamada Itoobiya iyo kuwa Eritrea ee isbahaysiga la ah ay kufsi u gaysteen boqolaal haween iyo gabdho ah oo ku nool gobolka Tigray, kuwaas oo qaarkood loo gaystay adoonsi galmo iyo naafeyn.


Abdiweli M. Sheikh, Hiiraan Online












Click here
9/27/2021 10:30 AM EST
Isniin, September, 27, 2021 (HOL) - Taliyaha ciidamada Lugta dalka Uganda Lt. Genaral Muhoozi Kainerugaba iyo saraakiil kale oo ka tirsan ciidamada Uganda oo uu hogaaminaayay ayaa maanta soo gaaray magaalada Muqdisho waxayna si gooni gooni ah kulamo ula kala qaateen madaxweyne Maxamed Cabdullaahi Farmaajo iyo Raysal wasaaraha Maxamed Xuseen Rooble.

9/27/2021 8:55 AM EST
Isniin, September, 27, 2021 (HOL) - Dagaal u dhexeeya ciidanka Booliska iyo maleeshiyaad hubaysan ayaa ka dhacay magaalada Xuddun ee gobolka Sool.

9/27/2021 8:44 AM EST
Isniin, September, 27, 2021 (HOL) - Guddoomiye ku xigeenkii saddexaad ee xisbiga mucaaradka Somaliland ee Waddani, Kayse Cali Geedi, ayaa iska casilay dhamaan xilalkii uu ka hayay xisbiga, wuxuuna sheegay in uu isku casilay sharci jabin uu guddoomiyaha xisbigu sameeyay awgeed.

9/27/2021 7:30 AM EST
Isniin, September, 27, 2021 (HOL) - Qaraxa miinada dhulka lagu aaso ayaa haleelay kolonyo ka tirsan ciidamada Kenya oo maraayay inta u dhaxeysa Kayunga iyo Shangani oo ka tirsan gobolka Lamu.

9/27/2021 6:25 AM EST
Isniin, September, 27, 2021 (HOL) - Madaxda ugu sareysa dowladda Soomaaliya madaxweyne Farmaajo iyo Raysal wasaare Rooble ayaa ka tacsiyadeeyay geerida allah u naxariiste majaajiliistahii Soomaaliyeed ee caanka ahaa Cabdi Muriidi Dheere Ajakis oo maanta Muqdisho ku geeriyooday.

9/27/2021 4:32 AM EST
Isniin, September, 27, 2021 (HOL) - Waxaa goordhaw magaalada Muqdisho ku geeriyooday allah u naxariistee Majaajiliistahii caanka ahaa Cabdi Muriidi Dheere Ajakis oo maalmahii lasoo dhaafay ku xanuunsanaayay mid ka mid ah Isbitaalada magaalada Muqdisho.

9/27/2021 1:28 AM EST
Isniin, September, 27, 2021 (HOL) - Wasiirka qorshaynta Soomaaliya, Jamaal Maxamed Xasan ayaa sheegay in ay hoos usii socdaan mashaariicda ka socota Puntland, taasoo uu sheegay in ay ugu wacan tahay sida ay madaxda Puntland u dhaqmayaan.

9/27/2021 1:21 AM EST
Isniin, September, 27, 2021 (HOL) - Markabkii 39-aad ee Ciidanka Badda Shiinaha ayaa ka ambabaxay magaalada Qingdao, oo ku taal Gobolka Shandong ee bariga Shiinaha, si uu u fuliyo hawlgal laga fulinyao gacanka Cadmeed iyo biyaha Soomaaliya.

9/27/2021 1:12 AM EST
Isniin, September, 27, 2021 (HOL) - Guddiga doorashooyinka gobolada Waqooyi ee Somaliland ayaa shaaciyay in dib loo dhigay hadal jeedintii Musharaxiinta ku tartameysa kuraasta Aqalka sare ee Somaliland oo lagu waday iney maanta dhacdo.