11/26/2022
Today from Hiiraan Online:  _
Wararka Maanta- Isniin, Sept 27, 2021
Al-Shabaab oo sheegtay in ugu yaraan 15 Askari oo Kenyan ah ku dileen weerar ka dhacay Lamu
 

Isniin, September, 27, 2021 (HOL) - Qaraxa miinada dhulka lagu aaso ayaa haleelay kolonyo ka tirsan ciidamada Kenya oo maraayay inta u dhaxeysa Kayunga iyo Shangani oo ka tirsan gobolka Lamu.

Goobjoogayaal ayaa sheegaya in ciidamada Kenya ee weerarka lala beegsaday ay rasaas fureen kadib weerarkii IED.

Ururka Al-shabaab ayaa sheegtay mas’uuliyadda weerarkan, waxayna sheegeen inay ku dileen 15 askari oo Kenyan ah, ayna burburiyeen gaari nooca dagaalka ah.

Ma jiraan ilo madax bannaan oo xaqiijinaya sheegashada Alshabaab.

Ciidanka Difaaca Kenya (KDF) ayaa socodkooda sii watay, iyagoo hawlgallo miino baaris ah ka sameeyay waddada isku xirta Kayunga iyo Shangani ee Gobolka Lamu.

Ciidamada Kenya ayaa Al-Shabaab kala kulma weeraro iyo qaraxyo toos ah inta ay ku safrayaan Gobolka Waqooyi Bari, waxaana mararka qaar ay la kulmaan qasaarooyin culus oo ka dhasha weerarada qaraxyada ah ee dhulka lagu aaso.

Abdiweli M. Sheikh, Hiiraan Online












Click here
9/27/2021 1:09 PM EST
Isniin, September, 27, 2021 (HOL) - Wasiirkii haweenka ee Itoobiya, oo ahayd mas'uulkii dowladdeed ee ugu horreeyey ee qira in kufsi dhacay intii uu socday dagaalkii Tigray, ayaa Isniintii maanta ku dhawaaqday in ay is casishay.

9/27/2021 10:30 AM EST
Isniin, September, 27, 2021 (HOL) - Taliyaha ciidamada Lugta dalka Uganda Lt. Genaral Muhoozi Kainerugaba iyo saraakiil kale oo ka tirsan ciidamada Uganda oo uu hogaaminaayay ayaa maanta soo gaaray magaalada Muqdisho waxayna si gooni gooni ah kulamo ula kala qaateen madaxweyne Maxamed Cabdullaahi Farmaajo iyo Raysal wasaaraha Maxamed Xuseen Rooble.

9/27/2021 8:55 AM EST
Isniin, September, 27, 2021 (HOL) - Dagaal u dhexeeya ciidanka Booliska iyo maleeshiyaad hubaysan ayaa ka dhacay magaalada Xuddun ee gobolka Sool.

9/27/2021 8:44 AM EST
Isniin, September, 27, 2021 (HOL) - Guddoomiye ku xigeenkii saddexaad ee xisbiga mucaaradka Somaliland ee Waddani, Kayse Cali Geedi, ayaa iska casilay dhamaan xilalkii uu ka hayay xisbiga, wuxuuna sheegay in uu isku casilay sharci jabin uu guddoomiyaha xisbigu sameeyay awgeed.

9/27/2021 6:25 AM EST
Isniin, September, 27, 2021 (HOL) - Madaxda ugu sareysa dowladda Soomaaliya madaxweyne Farmaajo iyo Raysal wasaare Rooble ayaa ka tacsiyadeeyay geerida allah u naxariiste majaajiliistahii Soomaaliyeed ee caanka ahaa Cabdi Muriidi Dheere Ajakis oo maanta Muqdisho ku geeriyooday.

9/27/2021 4:32 AM EST
Isniin, September, 27, 2021 (HOL) - Waxaa goordhaw magaalada Muqdisho ku geeriyooday allah u naxariistee Majaajiliistahii caanka ahaa Cabdi Muriidi Dheere Ajakis oo maalmahii lasoo dhaafay ku xanuunsanaayay mid ka mid ah Isbitaalada magaalada Muqdisho.

9/27/2021 1:28 AM EST
Isniin, September, 27, 2021 (HOL) - Wasiirka qorshaynta Soomaaliya, Jamaal Maxamed Xasan ayaa sheegay in ay hoos usii socdaan mashaariicda ka socota Puntland, taasoo uu sheegay in ay ugu wacan tahay sida ay madaxda Puntland u dhaqmayaan.

9/27/2021 1:21 AM EST
Isniin, September, 27, 2021 (HOL) - Markabkii 39-aad ee Ciidanka Badda Shiinaha ayaa ka ambabaxay magaalada Qingdao, oo ku taal Gobolka Shandong ee bariga Shiinaha, si uu u fuliyo hawlgal laga fulinyao gacanka Cadmeed iyo biyaha Soomaaliya.

9/27/2021 1:12 AM EST
Isniin, September, 27, 2021 (HOL) - Guddiga doorashooyinka gobolada Waqooyi ee Somaliland ayaa shaaciyay in dib loo dhigay hadal jeedintii Musharaxiinta ku tartameysa kuraasta Aqalka sare ee Somaliland oo lagu waday iney maanta dhacdo.