3/28/2024
Today from Hiiraan Online:  _
Wararka Maanta- Isniin, Sept 27, 2021
Wasiir Jamaal : Sida ay u dhaqmayaan madaxda Puntland dani uguma jirto shacabka Puntland
 

Isniin, September, 27, 2021 (HOL) - Wasiirka qorshaynta Soomaaliya, Jamaal Maxamed Xasan ayaa sheegay in ay hoos usii socdaan mashaariicda ka socota Puntland, taasoo uu sheegay in ay ugu wacan tahay sida ay madaxda Puntland u dhaqmayaan.

Wasiirka qorshaynta ayaa sheegay Puntland in aanay wax dan ah ugu jirin khilaafka dowladda federalka Soomaaliya, wuxuuna sheegay taasi in ay dhaxalsiisay in ay ka maqnaato goobaha lagu jaangoynayo mashaariicda horumarinta dalka.

Wasiir Jmaal waxa uu sheegay inuu ogyahay wasiir katirsan Puntland in shaqada laga ceyriyay sababta uu uga qeyb galay shir Zoom oo looga hadlayay arrimaha kalluumaysiga Soomaaliya.

“Puntland kama qeyb qaadan ciidamada la tababarayo, kama qeyb qaadan ardayda waxbarashada loo dirayo, Puntland waxay diiday shirarkii dastuurka ee lagu qaban lahaa Garowe, ma isweydiiseen sababta waxaas oo dhan loogasoo horjeedo?,” ayuu yiri wasiirka qorshaynta Soomaaliya.

Wasiirka qorshayntu wuxuu iska fogeeyay inuu hor istaagay hal mashruuc oo Puntland leedahay, wuxuuna tilmaamay sababta mashaariicda uga maqan yihiin Puntland, in ay tahay, madaxda Puntland oo diiday in ay wax la qeybsadaan dowladda dhexe.

Ugu dambayn. wasiir Jamaal wuxuu ugu baaqay madaxda Puntland in ay ka qeyb ka ahaadaan wixii magaca Soomaaliya lagu keeno, si ay qeybtooda uga helaan ama haddii kale aanay cidina ku eedayn wiixi ka yimaada maqnaashaheeda.

Abdiweli M. Sheikh, Hiiraan Online















Click here
9/27/2021 1:09 PM EST
Isniin, September, 27, 2021 (HOL) - Wasiirkii haweenka ee Itoobiya, oo ahayd mas'uulkii dowladdeed ee ugu horreeyey ee qira in kufsi dhacay intii uu socday dagaalkii Tigray, ayaa Isniintii maanta ku dhawaaqday in ay is casishay.

9/27/2021 10:30 AM EST
Isniin, September, 27, 2021 (HOL) - Taliyaha ciidamada Lugta dalka Uganda Lt. Genaral Muhoozi Kainerugaba iyo saraakiil kale oo ka tirsan ciidamada Uganda oo uu hogaaminaayay ayaa maanta soo gaaray magaalada Muqdisho waxayna si gooni gooni ah kulamo ula kala qaateen madaxweyne Maxamed Cabdullaahi Farmaajo iyo Raysal wasaaraha Maxamed Xuseen Rooble.

9/27/2021 8:55 AM EST
Isniin, September, 27, 2021 (HOL) - Dagaal u dhexeeya ciidanka Booliska iyo maleeshiyaad hubaysan ayaa ka dhacay magaalada Xuddun ee gobolka Sool.

9/27/2021 8:44 AM EST
Isniin, September, 27, 2021 (HOL) - Guddoomiye ku xigeenkii saddexaad ee xisbiga mucaaradka Somaliland ee Waddani, Kayse Cali Geedi, ayaa iska casilay dhamaan xilalkii uu ka hayay xisbiga, wuxuuna sheegay in uu isku casilay sharci jabin uu guddoomiyaha xisbigu sameeyay awgeed.

9/27/2021 7:30 AM EST
Isniin, September, 27, 2021 (HOL) - Qaraxa miinada dhulka lagu aaso ayaa haleelay kolonyo ka tirsan ciidamada Kenya oo maraayay inta u dhaxeysa Kayunga iyo Shangani oo ka tirsan gobolka Lamu.

9/27/2021 6:25 AM EST
Isniin, September, 27, 2021 (HOL) - Madaxda ugu sareysa dowladda Soomaaliya madaxweyne Farmaajo iyo Raysal wasaare Rooble ayaa ka tacsiyadeeyay geerida allah u naxariiste majaajiliistahii Soomaaliyeed ee caanka ahaa Cabdi Muriidi Dheere Ajakis oo maanta Muqdisho ku geeriyooday.

9/27/2021 4:32 AM EST
Isniin, September, 27, 2021 (HOL) - Waxaa goordhaw magaalada Muqdisho ku geeriyooday allah u naxariistee Majaajiliistahii caanka ahaa Cabdi Muriidi Dheere Ajakis oo maalmahii lasoo dhaafay ku xanuunsanaayay mid ka mid ah Isbitaalada magaalada Muqdisho.

9/27/2021 1:21 AM EST
Isniin, September, 27, 2021 (HOL) - Markabkii 39-aad ee Ciidanka Badda Shiinaha ayaa ka ambabaxay magaalada Qingdao, oo ku taal Gobolka Shandong ee bariga Shiinaha, si uu u fuliyo hawlgal laga fulinyao gacanka Cadmeed iyo biyaha Soomaaliya.

9/27/2021 1:12 AM EST
Isniin, September, 27, 2021 (HOL) - Guddiga doorashooyinka gobolada Waqooyi ee Somaliland ayaa shaaciyay in dib loo dhigay hadal jeedintii Musharaxiinta ku tartameysa kuraasta Aqalka sare ee Somaliland oo lagu waday iney maanta dhacdo.