3/28/2024
Today from Hiiraan Online:  _
Wararka Maanta- Jimco, Sept 24, 2021
Xildhibaan Yuusuf Xasan : Qof maskaxda ka xanuunsan ayaa ka dambeeyay cabsidii laga dareemay suuqa Islii
 

Jimco, September, 24, 2021 (HOL) - Xildhibaan Yuusuf Xassan Cabdi oo ah xildhibaanka lagasoo doorto degmada Kamukunji ee magaalada Nairobi, ayaa sheegay in qof maskaxda ka xanuunsan uu ka dambeeyay cabsi shalay laga dareemay suuq kuyaalla xaafadda Islii oo la sheegay in qarax lagu xiray.

Xildhibaanka ayaa sheegay in aanay jirin wax cabsi ah oo ka taagan xaafadda Islii, isagoo sheegay ciiddamada amnigu in ay xaqiijiyeen in ay qof dhimirka ka xanuunsan uu warqad kaga tagay dhismaha suuqa.

Dhismaha daarta ganacsi yare oo ka kooban toban dabaq ah ayaa shalay galab halmar laga kala cararay, kadib markii la helay warqad ay ku qoran tahay in qaraxyo ay ku xiran yihiin daarta

Ciidamada miino baarista dalka Kenya ayaa markii dambe xaqiijiyay in ay aanay jirin wax qarax ah oo ku xiran daarta, waxayna dadka ku wargaliyeen in ay dib ugu laabtaan ganacsiyadooda.

Daarta yare oo dhawaan la furay, waxaa ganacsiyo badan ku leh Soomaalida xaafadda Islii, waana meel aad u saxmad badan.

Abdiweli M. Sheikh, Hiiraan Online












Click here
9/24/2021 4:15 PM EST
Jimco, September, 24, 2021 (HOL) - Wasiirka Wasaaradda Qorsheynta, Maal-gashiga iyo Horumarinta dhaqaalaha Dowlada Federaalka Soomaaliya Mudane Jamaal Maxamed Xasan ayaa kulan dadweyne oo ka dhacay bartamaha degmada Dhahar , wuxuu ka sheegay in degmada Dhahar iyo deegaannada ku dhow ay u baahanyihiin horumarinta adeegyada bulshada.

9/24/2021 4:00 PM EST
Jimco, September, 24, 2021 (HOL) - Galmudug ayaa sheegtay inay faraha ka laabatay dhexdhexaadinta ay ka dhex waday madaxweyne Farmaajo iyo raysal wasaare Rooble, kadib markii dhex-dhexaadintoodii waxba ka socon waayeen.

9/24/2021 9:49 AM EST
Jimco, September, 24, 2021 (HOL) - Qarax is-miidaamin oo uu geystay qof iskusoo xiray waxyaabaha qarxa ayaa goordhaw ka dhacay agagaarka isbitaalka Madiina ee magaalada Muqdisho.

9/24/2021 9:00 AM EST
Jimco, September, 24, 2021 (HOL) - Maxkamadda Caalamiga ah ee Caddaaladda, oo ah hay'adda ugu weyn ee garsoorka Qaramada Midoobay, ayaa go’aan ka gaari doonta kiiska xadeynta badda ee u dhexeeya Soomaaliya iyo Kenya 12 -ka Oktoobar, saacaddu markay tahay 4 -ta galabnimo xilliga Muqdisho.

9/24/2021 6:51 AM EST
Jimco, September, 24, 2021 (HOL) - Wasiirka Qorsheynta, Maal-gashiga iyo Horumarinta dhaqaalaha Soomaaliya, Jamaal Maxamed Xasan oo ku sugan Dhahar ayaa maanta dhagax dhiggay garoon diyaaradeed oo ay yeelanayso Dhahar, kaa horey sahmin loogu sameeyay.

9/24/2021 2:09 AM EST
Jimco, September, 24, 2021 (HOL) - Wasiiru dowlaha madaxtooyada Galmudug Cumar Shido ayaa sheegay inuu fashil ku dhammaaday wada hadal maalmihi la soo dhaafay laga dhex waday Madaxweyne Farmaajo iyo Ra'isul Wasaare Rooble oo khilaaf weyni uu soo kala dhexgalay.

9/24/2021 1:54 AM EST
Jimco, September, 24, 2021 (HOL) - Wasiirka qorshaysanta Soomaaliya ahna xildhibaan katirsan aqalka hoose Jamaal Maxamed Xasan ayaa sheegay inuu guul daaystay qorshe la isku dayay in looga hor istaago deegaan doorashadiisa.