10/7/2022
Today from Hiiraan Online:  _
Wararka Maanta- Khamiis, Sept 23, 2021
Gaadiidleey careysan oo xayirtay isku socodka Wadooyinka magaalada Baledweyne
 

Khamiis, September, 23, 2021 (HOL) - Gaadiidley ka careysan Canshuur kordhin ay ku sameeyeen maamulka gobolka Hiiraan ayaa goordhaw kala xiray isku socodka Gaadiidka isticmaala wadooyinka magaalada Baledweyne.

Gaadiidleyda ayaa wadooyinka muhiimka ah ee magaalada Baledweyne ku dhex jaray gaadiid ay wateen sida goobaha canshuurta looga qaado ee jagboontiyada Buundaweyn iyo Horseed ee xaafada Nuur Xawaad ee magaalada Baledweyne.

Cabdinasir Cali Cumar oo ah guddoomiyaha gaadiidleyda gobolka Hiiraan ayaa Shabakadda HOL u sheegay iney xirteen wadooyinka muhiimka ah oo ay gaadiidkooda ku jareen kadib markii maamulka uu ku kordhiyay canshuur oo uu sheegay ineysan awoodin bixinteeda.

"Waxaan wadada u xiranay in cabashadeena wax laga qabto maadaama maamulka uu inagu kordhiyay lacag xad dhaaf ah oo aanan awood u laheyn inaan bixino, $40 ayaa calaa baabuur maamulka naga qaadi jiray waxuuna nagu soo dalacay $40 kale taasoo ka dhigeysa calaa baabuur $80 dollar marka waa waxaanan u adkeysan waynay cadaalad darada intaas dhan" ayuu yiri guddoomiyaha gaadiidleyda gobolka Hiiraan.

Majirto wali wax war ah oo kasoo baxay dhanka maamulka gobolka Hiiraan oo ku saabsan cabashada gaadiidleyda xiratay wadooyinka magaalada Baledweyne ee xarunta gobolka Hiiraan.

Jamaal Cali Cabdi, Hiiraan Online
[email protected]












Click here
9/23/2021 1:22 PM EST
Khamiis, September, 23, 2021 (HOL) - Wasiirka Qorsheynta, Maal-gashiga iyo Horumarinta dhaqaalaha Dawladda Federaalka Soomaaliya Mudane Jamaal Maxamed Xasan ayaa socdaal toddobaad qaadanaya Khamiista maanta ku gaaray Puntland , isagoo galinkii hore ka deggay garoonka diyaaradaha magaalada Garoowe.

9/23/2021 11:04 AM EST
Khamiis, September, 23, 2021 (HOL) - Jeneral Jaamac Maxamuud Aadan (Dollaal), oo hore uga tirsaa millitariga Somaliland, isla markaana 11 April ee 2021, Maxkamada Millitariga Somaliland ku riday 2 sano oo xadhiga ah, kadib markii lagu eedeeyay danbi ah in uu qorshaynayay falal ka dhan ah qaranimada Somaliland, ayaa sheegay in xadhigiisu uu sharci daro ahaa.

9/23/2021 9:39 AM EST
Khamiis, September, 23, 2021 (HOL) - Xaalad kacsanaan ah ayaa galabta ka jirtay xaafadda Islii, kadib markii xarun ganacsi oo lagu magacaabo yare Taawar oo dhawaan la dhisay looga shakisan yahay in lagu xiray qaraxyo.

9/23/2021 8:32 AM EST
Khamiis, September, 23, 2021 (HOL) - Mudo 30 sano kadib ah waxaa Xalay Tiyaatarka Qaranka Soomaaliyeed lagu soo bandhigay Filim cusub oo ay jilayeen dhalinyaro Soomaaliyeed maskaxdiisana ay laheyd gabar Soomaaliyeed.

9/23/2021 7:09 AM EST
Khamiis, September, 23, 2021 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa sheegay in Soomaaliyadii Talyaanigu ay ka aqoon liidatay Somaliland, lakin midowgii kadib ay iyagu wax walba qaateen, taasina ay sababtay in Somaliland aqoon iyo horumarba laga badiyo. Waxa uu intaa ku daray in hogaan la'aani ay haysato Somaliland ta maanta.

9/23/2021 7:04 AM EST
Khamiis, September, 23, 2021 (HOL) - Ciidamada amaanka degmada Marka ee xarunta gobolka Sh/hoose ayaa sheegay iney si KMG ah u joojiyeen gaadiidka isaga kala gooshi jiray magaaloyinka Marka iyo Muqdisho.

9/23/2021 5:45 AM EST
Khamiis, September, 23, 2021 (HOL) - Ciidamo katirsan Puntland ayaa maanta is hor istaag ku sameeyya in wasiirka qorshaynta Soomaaliya, Jamaal Maxamed Xasan soo dhowayn loogu sameeyo magaalada Garowe, oo uu kasoo dagay.

9/23/2021 5:16 AM EST
Khamiis, September, 23, 2021 (HOL) - Maxkamadda ciidamada qalabka sida ee Soomaaliya ayaa maanta oo khamiis ah 15 sano ku xukuntay laba ajaanib ah oo lagu helay inay ka tirsan yihiin kooxda Al-Shabaab.

9/23/2021 2:27 AM EST
Khamiis, September, 23, 2021 (HOL) - Madaxweynaha Kenya Uhuru Kenyatta, ayaa Arbacadii shalay magaalada Doxa ee dalka Qatar u diray, Xoghihiisa Golaha Wasiirrada Kenya Dr. Fred Okengo Matiang'i, si uu farriin u gaarsiiyo amiirka Doxa Sheikh Khalid Bin Khalifa Bin Abdulaziz Al Thani.

9/23/2021 2:07 AM EST
Khamiis, September, 23, 2021 (HOL) - Madaxda golaha wadatashiga qaran ayaa kulan ku yeeshay aalada fogaan arraga Zoomka, waxaana kulanka shir guddoominaayay Raysal wasaaraha Xukuumadda Fedaraalka Soomaaliya.